¹ Demi ka atangan ne ba demi kerajaan ne, ngoan sidi-sidi aku bapasot ka kau ka muho Allah ba Yesus Kristus nang mao menghakimi urok nang idup ba nang mati: ² Batakot firman, basiap-siap boh baik atau ge ino baik waktu'e; tagur boh, nasehati boh, ba sorong lah ne ido ngoan kasabaran ba pangajaran. ³ Barang, mao atok saat te kade urok-urok bai' agi narimo ajarot sehat. sabalik ke, untuk muasi tarenyek, ne ido ngomoan guru-guru untuk io sorok nang ngayo ba ka inginan ne. ⁴ Ne ido puro- puro ino nangar dari kabanarot tapi mao nangar Dongeng-dongeng ( carito nang di ngajarot guru olo' ). ⁵ Kade kau, ati-ati doop sigale jukut, batahan boh doop kasulitan, karajaan maritoot Injil, ba selesaiot palayanan ngu. ⁶ Barang, aku udah dimastiot macam cawan panyambohot, waktu aku dari udah atok'. ⁷ Aku udah balawan doop lawanan nang baik; aku udah ngabisot patandingan; aku udah miharo iman. ⁸ Kanio, mahkota kabanarot udah disiapot untuk ku. Pas ari koo, Tuhan, Hakim nang adil, mao mareot sebagai hadiah ka aku, ba buke nyo kahe ka aku, tapi ka samuo urok nang nunggu ka atangan-Ne. PASOT PRIBADI PAULUS UNTUK TIMOTIUS ⁹ Barusoho boh atok' gancang ka aku ¹⁰ barang Demas ningoot' aku, barang io lebih suko dunio nyian ba ampus ka Tesalonika. Kreskes udah ampus ka Galatia ba Titus ka Dalmatia. ¹¹ Kahe Lukas nang barage aku. icok boh Markus biar io barage aku barang io sidi baguno untuk palayanan ku. ¹² Aku udah nyuruh Tikhikus ka Efesus. ¹³ Kade kau atok', icangan boh jubah nang ku ningoot' untuk Karpus ka Troas ba buku-buku ku ugo', tarutama samuo perkamen koo (tampat dari kuit nang di pake untuk nulis pada jaman koo). ¹⁴ Aleksander, si tukang basi koo, udah sidi ngarugiot aku. Tuhan maas sesuai ngayo kalakuan ne. ¹⁵ Kau ati-ati ugo boh ka io barang io sidi nantok ajarot diri. ¹⁶ Pas pangalawanan ku nang samulo ( pas nulis surat nyian Paulus masih ka pinjaro ba nunggu kaputusan pengadilan), ino ado seko' pun nang dukung aku barang samuo ningoot aku. mudah-mudahan jukut nyian ino di balasot' ka ne ido. ¹⁷ Malahan, Tuhan badiri ka samping ku ba ngoatot' ku sampe kabar koo biso di kabarot samue e ngalalui aku, ba samuo nang buke urok Yahudi biso nangar io. Ngayo nyian, aku di ngapasot dari moot singa. ¹⁸ Tuhan mao nyalamatot aku dari pabuatan jahat ba mao nabanan aku ka kerajaan surgawi-E sampe salamat. Bagi Io boh kamulian sampe Salama-lama e. Amin. SALAM TERAKHIR ¹⁹ Sampeot salam ku ka Priskila ba Akwila, ba ka saisi rumoh Onesiforus. ²⁰ Erastus tatap diop ka Korintus, ba Trofimus aku ningoot ka doop kaadaan sakit ka Miletus. ²¹ Barusoho boh atok kasio sanape musim dingin. Ebulus, Pudes, Linus, Klaudia, ba samuo kaluarga saiman ngirim salam untuk ngu. ²² Tuhan marakati roh ngu. Anugerah marakati kau.