¹ Karano koo, Nanak ku, jadilah koat doop anugerah nang ado doop Yesus Kristus. ² Damio pun nang udah kau nangar dari aku ka depan manyak saksi, picayoot koo ka urok- urok nang satia, nang ugo biso ngajar urok lain. ³ Ampuslah singsaro sabagai prajurit Yesus Kristus nang baik. ⁴ Ino ado prajurit nang nyibuk kot diri e' ngoan urusan idup pe sa ari-ari supayo io biso nyanangan komandan ne. ⁵ ja iot ugo seko olahragawan nang tanding, io ino akan namu mahkota kamanang ngan kacuali io tanding nuruti paraturan nang ado. ⁶ Seko petani nang karajo karas udah pasti jadi urok nang partamo narimo hasil penen ne. ⁷ pikirot boh damio nang aku ngatoot kareno Tuhan akan made kau pangartian doop sigale jukut. ⁸ Ingat boh Yesus Kristus, nang udah bangkit dari antaro urok mati, katurunan Daud, macam nang aku matakot doop injil ku, ⁹ nang garo io aku kanio' sings a or sampe di pinjaro macam urok kriminal, tatapi firman Allah ino terpjnjaro! ¹⁰ Kareno koo, aku batahan doop sigalo sasuatu demi urok-urok pilihan Allah supayo ne ido ugo namu kasalamatan nang ado doop Yesus Kristus ba ngoan kemuliaan ne nang kakal. ¹¹ Pakatoot nyian banar: "Kade' diri mati barage Io, diri ugo idup barage Io. ¹² Kade diri batakun, diri ugo akan mamarintoh barage Io. Kade diri nyangkal Io, Io ugo nyangkali diri. ¹³ Kade diri ino satia, Io tatap satia, kareno Io ino biso manyangkal diri- E sandiri. " PAKARAJO NANG NYANANGAN ALLAH ¹⁴ ingat tot ne idok' akan jukut nyian. Nasehat tot ne ido ka hadapot Tuhan biar ino badabat kato-kato , sabab ino ado gunae' ba kahe ngancur rot urok-urok nang nangar io. ¹⁵ ambuat nang tarbaik untuk mareot diri ngu ngoan layak ka hadapot Allah sabagai pakarajo nang ino supot, ba nang udah ngajarot pakatoot sasuai kabanarot nang tapat. ¹⁶ Akan tatapi, jauhi boh omong kosong nang sio-sio kareno jukut koo mao ngantat ka ino salehan nang lebih paroh. ¹⁷ pakatoot ne ido' mao manyabar macam panyakit gangrene (kondisi uko, infeksi atau masaloh kronis nang pangaruh sirkulasi daroh). Ka antaro ne ido' adolah Himeneus ba Filetus, ¹⁸ nang udah manyempang dari kabanarot, ngoan ngatoot kade kabangkit tot udah tarjadi. Ne ido' ngarusak iman sabagian urok. ¹⁹ Dasar Allah nang koat tatap ba diri ngoan meterai nyian: "Tuhan kanal sape nang jadi milik- ke." ba "Satiap urok nang ngakoi" namo Tuhan harus ninggoot" kajahatan." ²⁰ Ka doop rumoh nang mewah, buke" ajo ado parabot dari amas ba perak, ngalainnan ugo dari kayu ba tanoh liat. Saparo di make untuk kaparluan nang tarhormat, tatapi nang saparo untuk kaparluan nang hino. ²¹ Garo koo, kade urok marasehot" diri dari jukut nang hino, io ugo manjadi parabot untuk tujuan nang di matabe"ot, di khusus sot, baguno untuk tuan Ne (TUHAN), ba di siapot untuk karajaan nang baik. ²² Jauhi lah hawa nafsu urok mudo ba geleh kabanarot, iman, kasih, ba damai sejahtera barage-rage ne ido' nang nyaru Tuhan ngoan ati nang murni. ²³ Jauhi lah padabattot nang bago ba ino ado ka pintarot barang kau nahui' kade jukut koo mao ngatangan patangkarot. ²⁴ Palayan Tuhan ame batangkar, tapi ramah ba samuo urok', pane ngajar, ba sabar, ²⁵ ngoan lamut ngoreksi lawan ne. Samoga Allah menganugerahi ne ido pertobatan nang ngantat io ka pintarot mao kabanarot ²⁶ supayo ne ido jadi sadar ba ngalapas sot diri dari parangkap iblis nang udah menawan ne ido untuk majaan'an ka inginan ne.