¹ SALAM UNTUK TIMOTIUS Umpat ka Paulus, rasul Yesus Kristus nang kano pilih kehendak Allah macam nang kano janjiot doop kahidupan Yesus Kristus. ² untuk Timotius, anak nang di kasihi. Anugerah, belas kasih, ba damai sejahtera dari Allah, Bapa, ba Yesus Kristus Tuhan diri. NASEHAT UNTUK TARUS MARITO'OT INJIL ³ Aku sau ba syukur ka Allah, nang ku lay ani ba ati nurani nang baraseh macam nang nenek moyang ku ngalaku'ot, pas nang aku ngigat ngu doop doa-doa ku siok ba ma'am. ⁴ Pas aku mang'igat aii mato ngu, aku mao nanang kau supayo aku di panuhi' suka cita. ⁵ Aku di ngigat'ot ngoan iman ngu nang tulus, nang partama-tama idup doop nenek ngu Lois, ba uma ngu Eunike, ba aku picayo kanio idup doop kau ga'e. ⁶ Untuk alasan nyianlah, aku ngi ngatot kau biar tarus ngabarot karunio Allah nang ado ka diri ngu ngalalui panumpangan kokot ku. ⁷ Sabab, Allah ino marito'ot ka diri' roh kaga'iot, malainkan roh kakuatan, kasih, ba panguasaan diri. ⁸ jadi, ame supot ba saksi tantang Tuhan diri atau tantang aku, tahanan - Ne. Tapi, kade kuaso Allah ikut ugo lah singsaro demi Injil. ⁹ Io lah nang udah nyalamatot diri ba nyaru diri ngoan nyaruot kudus, buke garo pabuatot diri, malainkan tujuan ba pamare -E sorok nang udah io mare'ot ka diri ka doop Yesus Kristus sa nape' dunio ado. ¹⁰ Kanio, jukut nyian udah jadi nyato ngalalui ka atangan juru Salamat diri Yesus Kristus nang udah ngapus kamatiot ba nabanan ka idup pot ba kakalan ngalalui Injil. ¹¹ Garo Injil nyian boh, aku kano tojok manjadi pangkotbah, rasul, ba guru. ¹² nang koo lah sabab pe, aku singsaro macam kanio nyian. Tapi, aku ino supot barang aku nahui' ka siape aku picayo ba aku picayo sidi kade Io biso nyago damio nang udah Io picayo ot ka aku sampe ari koo (Ari ka atangan Kristus nang ka duo kali e untuk menghakimi samue'e ba nabanan urok nang picayo idup ba Io) atok. ¹³ Pegang ja' pokok-pokok ajarot gagas nang udah kau' nangar dari aku doop iman ba kasih nang ado ka doop Yesus Kristus. ¹⁴ ngoan Roh Kudus nang diop ka doop diri, jago sampe baik hart a nang barago nang udah di picayoot ka kau'. ¹⁵ Kau' nahui' sasidi e' kade samuo nang ka Asia ( buke benua asia, tatapi wilayah Romawi nang ibu kota e ka Efesus) udah ampus ka aku, antaro lain ne ido' Figelus ba Hermogenes. ¹⁶ Mudahan Tuhan ngaruniakan balas kasih ka urok' insi' rumoh Onesiforus barang io suko nyagarot aku ba ino supot aku suoh di pinjaro. ¹⁷ sabalik ke, pas sampe ka Roma, Io semangat ngagui' aku ba namui' aku. ¹⁸ Mudahan Tuhan mantu io supayo namuot' balas kasih Tuhan pas ari koo, kau kan nahui' sandiri sangape manyak pelayanan nang io mareot ka aku ka Efesus.