¹ Pangabusane, Kamaru'-kamaru', basampoklah sa' kami, supayo pasotn Tuhan ancang tasabar ba ancang dimuliotn, angayo nang tajadi ka antarangu, ² supayo kami diapasotn ampat ka urokng-urokng nang bangis ngan jahat karamo ino' samuo urokng ado ba iman. ³ Tapi, Tuhan koo satia. Io mao' ngoatotn ba ngalindungi kau ampat ka nang jahat. ⁴ Kami ado kayakinan ka Tuhan tantang kau, karamo kau tarus ngarajaan dameo nang kami parentohot. ⁵ Kirae Tuhan ngadapotn atingu ka kasih Allah ba ka tabohotn Kristus. KAPASTIOT SA' BAKARAJO ⁶ Kamaru'-kamaru' kanio' ami marentoh kau, doop damo Tuhan diri', Yesus Kristus, supayo kau jauhi kamaru'-kamaru' nang idup bamalas-malasot nang ano' sasuai ba ajarot nang kau narimo' ampat ka kami. ⁷ Kau sandiri' nahui jamae kau harus nuruti kami ino' bamalas-malasot waktu kami sabayo-bayo ba kau. ⁸ Kami ugo' ino' makot makanan urokng lain kalo ino' dibayar. Sabalike, kamu barusoho ngan bakarajo karas siokng ba maam supayo kami ini' jadi tanggongan sapepun di antaro kito'. ⁹ Buke karamo kami ino' bahak dikoo, malainkan sa' mareo' diri kami sandiri' mareo' contoh kakau sa' kau turuti. ¹⁰ Waktu kami masih ba kaupun, kami mare kau parentoh nyian: "Kalo' urokng bai' karajo, io ame makotn." ¹¹ Sabab, kami nangar ado sangape urokng ka antaro kito' nang idup ba malas- malasot, bai' bakarajo, tapi sibuk ngan jukut ino' baguno. ¹² Urokng angayo koo kami parentohot ba kami ajari doop damo Tuhan Yesus Kristus biar bakarajo tanang lalu makot rotie sandiri'. ¹³ Sadangkan kau, kamaru'-kamaru' ku, ame maraso ngango babuat baik. ¹⁴ Kalo' ado urokng nang bai' ngasi'ot ameo nang kami ngatoot, ka doop surat nyian, ditandai' urokng koo ame bagaul ba io biar io supotn. ¹⁵ Tapi, io ame dimusuhi', di katai' angayo kamaru' diri'. KATO-KATO PANGABISAN ¹⁶ Tuhan damai sejahtera kirae mare' kau damai tiap waktu doop kaadaan dameopun. Tuhan nyaratai' kito' samuo. ¹⁷ Aku, Paulus, nulis salam nyian ba kokotku sandiri' tando ka asliot suratku. Jakoolah aku nulis io. ¹⁸ Pamare ampat ka Tuhan diri', Yesus Kristus, nyaratai' kito' samuo.