¹ Kanio', curito kaatanganTuhan diri', Yesus Kristus, Yesus Kristus, waktu diri' dinyatuot ba io, kami minto' kau, kamaru'-kamaru', ² supayo kau ame kamangapot doop pikiranngu mao'pun susoh waktu nangar ari Tuhan dah sampe, baik sumangat mao'pun pasotn mao'pun surat nang saolah-olah ampat ka kami. ³ Ame biarot seko' urokng pun nyasatot kau make caro ameopun. sabab, ari koo ano' atokngo' sanape' kamarotatotn atokng ba si manusio jahat nang dinyatootn, si anak kabinasootn, ⁴ nang malawan ba sombong ka samuo nang dinyabut allah mao'pun nang dinyamboh urokng; io ngicakngo' tampat duduk ka Bait Allah lalu nyabut diri'e Allah ⁵ Ano' ingat ke kau waktu aku masih sabayo-bayo ba kau, aku mataki hal nyian ka kau? ⁶ Kanio', kau nahui' ameo nang nahan io lalu saate nano, io dinyatoot. ⁷ Sabab rahasio kadurhakoot dah bakarajo, kanio' io nahan mao ditahan sampe io di jauhot. ⁸ Lalu manusio jahat koo di nyatoot. Tapi, Tuhan munuho io ba sengat moot-E lalu ngilangano' io ba kaatangan-E. ⁹ Kaatangan si manusio jahat koo pasti sabayo ba pakarajaan Iblis*, barage ba sagalo macam kuaso, tando-tando endoh, mujisat-mujisat palsu; ¹⁰ ba tipuotn jahat ka ne'ido' nang mao' binaso karamo ne'ido' bai' ngasihi' kabanarot jadi di salamatot. ¹¹ Karamo koolah, Allah mare' kasasatotn nang koat ka ne'ido' supayo ne'ido' picayo' kaalokatne, ¹² supayo ne'ido', samuae biso dihakimi', ne'ido' nang ino' picayo' ka kabanarot ba nang suko nang jahat. KAU DIPILIH SA' DISALAMATOT ¹³ Kamaru'-kamaru' nang Tuhan ngasihi,kami sega basukur ka Allah untuk kau.sabab,dari daoho' Allah dah milih kau sa' disalamatotno' malalui pangudusotn make Roh ba Iman doop kabanarot. ¹⁴ Mangkenyo Allah nyaru kau malalui Injil* nang kami barito'ot supayo kau namu kamulio'ot Tuhan diri', Yesus Kristus. ¹⁵ Jadi, Kamaru'-kamaru', badirilah tagap bapadomanlah ka ajaran-ajaran nang dah di ngajarot ka kau,baik malalui kato-kato maopun malalui surat kami. ¹⁶ Kanio', kirae Tuhan diri', Yesus Kristus, sandiri' ba Allah Bapo' diri', nang dah ngasihi' diri' ba mare' diri pangiburot kakal ba pangarapotn nang gagas malalui pamare', ¹⁷ ngibur ba ngoatot atingu doop satiap pakarajaan ba pakatoot nang baik.