¹ Anay, kok matoi uhang kosalraq-kosalraq kabun dosa-dosanuq , ² yang amo jiq adi koq solraoy molriah jalro dunia, molriah ponguasa kerajaan bahew, roh yang jiq mehaq hiq bokoreja neq ihang anak-anak yang bea taat. ³ Neq ihang Elro, to jamon anai sak milruf uhang koqalray qolreng to, memuaskan koqalray sion kolreng to kabun pikiran to. To ihiq ukan dasaro iyonoh anak-anak durhaka, haboy saq dain tolino yang bokon o. ⁴ Akan tetapi, Mohontaraq, yang tatow dain baroh masiq kabun konuan masiq-Yo yang tongun adi Iyo Masiq to, ⁵ bahkan jiq to matoy uhang kosaraq-kosaraq to, Iyo piruf to hembeh dain Kristus -- konuan anugerah koq borum sonyolamat o --, ⁶ kabun Iyo membangkitkan to dain Iyo kabun puduk to hembeh dain Iyo neq ukan surga neq uhang Yesus Kristus, ⁷ paq neq waktu yang nyah dape nanah, Iyo tou potiroq ponatow anugerah-Iyo yang bea toukur uhang kojian-Iyo ngatoh to neq uhang Yesus Kristus. ⁸ Sebab, konuan anugerah koq sonyolamat nomarow iman kabun ihiq bokon tat arop nuq nunggan, tapi karunia Mohontaraq, ⁹ bokon konoon usahanuq, paq bekan jiq bah pun yang menyonbongkan arop o. ¹⁰ To ihiq tonampaq Mohontaraq, tonampa neq uhang Yesus Kristus paq nguan kereja jian yanng sonyiap Mohontaraq muno tat ihiq paq to tou mirup neq uhang iyo. ¹¹ Konuan adi, ingatnoh bahawa kok anay tonoraon sebagai urun kafir, yang tonondohoq " urun bea bosunat", konuan ero yang dohok arop do sobagai "urun bosunat", iyonoh sunat yang konuan neq koreng konuan rongon tolino. ¹² Ingatnoh jiq adi koq mirup bekan Kristus, topisah tat kewarganegaraan Israel yang tononjanjiq, bea minaq pongharapan kabun bekan Mohontaraq neq pidaq dow hiq. ¹³ Namun, Jiq mehaq hiq, neq uhang Yesus Kristus, koq yang muno anay paling ajuq borumnoh nombin barew dokin konuan dahaq Kristus. ¹⁴ Sebab, Iyo nunganyo damai sejahtera to yang nampaq koduo siraq pihak barew icoq kabun yang borum ngaah pagot permusuhan yang nyarak, ¹⁵ dain ngapus permusuhan uhang sion koreng-Yo, iyo noh Hukum Taurat yang suango porentah-porentah kabun kotetapan-kotetapan tiriq neq uhang arop-yo Iyo nampaq koduoyo barew icoq tolino uwah, tiriq barew perdamaian, ¹⁶ kabun mondamaikan koduayo dain Mohontaraq neq uhang icoq koreng nomarow salib, sohingga ngonjof dorang permusuhan. ¹⁷ Iyo dape potaqrung damai sejahtera ngatohkoq yang ajuq kabun damai sejahtera ngatoh ero yang dokin. ¹⁸ Sebab, nomarow Iyo, to dua konoon jaran masok ngatoh Amay uhang iciq Roh. ¹⁹ Jadi, koq bokon noh urun-urun asing kabun tomuoy, tepi haboi-haboi warga dain urun-urun kudus kabun anggota-anggota barih basaq Mohontaraq, ²⁰ yang tonongkojong neq ujung dasar dorang rasul. ²¹ Uhang Kristus, jamon bangunan benteng tonoicoq hembeh-hembeh kabunnomboreq barew Bait Suci uhang Mohontaraq. ²² Uhang Iyo, ko saq benteng tonongkojong hembeh-hembeh barew ukan ngoroot Mohontaraq uhang Roh.