¹ Tat Paulus, rasul Yesus Kristus konuwan kokaray Mohontaraq. Ngatoh urrun-urrun kudus neq Efesus, urrun-urrun boiman neq uhang Yesus Kristus. ² Anugerah kabun damai sejahtera makan koq tat Mohontaraq, Amai eto, kabun Tuhan Yesus Krustus. ³ Topujino Allah kabun Amai tat Mohontaraq to Yesus Kristus, yang borum memberkati to neq uhang Kristus dain jamon berkat rohani neq ukan surgawi. ⁴ Konuan anun, iyo miriq to uhang Kristus jik apo nyodung tanaq danum paq to barew kudus kabun bea bocela neq usuk poniroq-O. Uhang asiq. ⁵ Iyo netapkan to tat bungas o paq nakat barew anak-anak-Eo nomarow Kristus Yesus sosuai dain koqaray tonganeq- Eo. ⁶ Iyo nguan rauq adi makan kepujian kemuliaan anugerah -Eo, yang borum nakan-yo dain cuma-cuma ngatoh to neq uhang anak -Yo yang tono asiq ⁷ Uhang Iyo, to konoon penebusan nomarow dahaaq-O, iyo noh pongampunan tat polanggaran-polanggaran to sosuai dain kokaan ponatuw anugerah-O, ⁸ yang Mohontaraq limpahkan ngatoh to uhang jamon hikmat kabun koretio. ⁹ Iyo pobaraq ngatoh to rahasia koqaray-O sosuai dain maksud jian yang Iyo rencanakan uhang Kristus, ¹⁰ yang nyah sonyoraoyo kotihan waktu koponuqan yo dape paq poicoq jamon naang uhang Kristus, yang naan neq ujung haun kabun yang naan neq tanaq danum. ¹¹ Uhang Kristus, to pun borum barew bagian tat warisan yang borum tonetap-O tat bungaso sosuai dain rencana-O, yang ngoreja jamon naang neq uhang keputusan koqaray-O ¹² paq to yang bungas-bungas minaq pongharapan ngatoh Kristus nanah nyah barew puji-pujian makan komuliaan-Yo. ¹³ Uhang Iyo, koq saq, uriq ngoringoq firman kebenaran, iyonoh Injil koselamatannuq, kabun pocayaq ngatoh -Iyo, tonomateraikan dain Roh Kudus yang ponomanjiqno. ¹⁴ Roh Kudus iyonoh jaminan tat warisan to, tiriq ponebusan barew nyodung tat ero yang pobarew aun eo Mohontaraq nunggan--makan pujian komuliaan-Eo. ¹⁵ Tat Uriq konuan adi, tat jiq aku ngoringoq tentang imannuq uhang Mohontaraq Yesus kabun asiqnuq ngatoh jamon urun kudus, ¹⁶ aku bekan ngoroot-ngorooto pobohoq syukur makankoq jiq aku ngingat koq neq uhang doa-doaku. ¹⁷ Aku bodoa paq Allah tat Mohontaraq to, Kristus Yesus, Amay tat komulian, makankoq roh hikmat kabun penyataan uhang ponduan nuq akan Iyo. ¹⁸ Aku bodoa paq matan songannuq sonyiaho tiriqk koq tou ngoreti penghargaan yang terkandung neq uhang panggilan-yo, ponatow yang tokandung neq uhang warisan-Yo yang mulia makan urun-urun kudus, ¹⁹ kabun kobaas tongun yang bea toukur kan to yang pocayaq, sobagaimana yang tonunjuqo uhang komahatongun kobaas-Yo. ²⁰ komahatongun kobaas-Yo ihiq iyo pojentaq o jiq Iyo membangkitkan Kristus tat ihang ulrun matoy kabun poduk Iyo neq salran kotoun-Yo neq ukan surgawi, ²¹ yang ajuq lrobiq hangkas tat jamon aturan, kokuasaan, pomorintahan, kabun ajuq lrobiq hangkas tat janon alran yang kalaq naan, bokon hanya jiq mehaq hiq maq, tapi saq jiq masa yang nyah nanah dape. ²² Iyo nguan jamon naang di neq pidaq paan-Yo kabun makan Alrop-Yo balrew kuhung tat jamon naang nakan jemaat, ²³ yang Iyonoh kolreng-yo, neq amo koponuqan-Yo monuq janonyo kabun jamon naang.