¹ Doh iyok,Yesus ngesoh kempamo ke mured-mured Inyo nak ke modoh sidok sok sidok aros sajuh bedo'o ngan botn putos aso. ² Jokuk e,''di sebuoh kota ado hakim yakng botn golak ke Tuhan ngan botn ngeromat urakng laen. ³ Di kota yok,aďo sikuk jano yakng sajuh datakng ke hakim-hakim jokuk e,'Borik keadilan ke aku teradap musuhku,' ⁴ Sok brapai waktu e,dok hakim ngai nulokng jano iyok.tapi,doh yok hakim bepike alapm ati e, 'Bia pe aku botn golak ke Allah ngan botn ngeromat urakng laen, ⁵ tapi badi jano tuk sajuh ngalot àku,nak ku borik keadilan gak ke io,sok botn sajuh ngalot aku ngan io sajuh datakng kituk. ⁶ Lalu,Tuhan bebantoh,"Dingoh am apai jokuk hakim yakng botn adil tuk. ⁷ Abotn biak Allah nak morik keadilan ke urakng yakng sajuh nimpai Io padakng malapm? Apai Io nuno -nuno palekng lamoh ke nulokng sidok ? ⁸ Aku modoh ikau ,Io pasti çopat moŕik keadilan ķe sidok,tapi,pas Anak Mensio datakng,ado botn pe tepantau iman dibumi tuk?" ⁹ Yesus nyine ke urakng yakng ngangap derik e bena ngan manakng baboh urakng laen macam tuk, ¹⁰ "Ado duo urakng yakng datakng ke Bait Allah nak bedo'o yakng sikuk urakng Farisi yakng laen gik petugas pajak. ¹¹ Urakng Farisi yok bediri ngan ngucap do'o soal derik è,'Ya Allah,aku beterimoh kasih ke ikau soal e aku abotn ubok urakng laen;abotn ubok pemoras,pengakal,peduso ngan petugas pàjak ituk. ¹² Aku duo kali semingu botn makatn nginom,sepuluh satu ri perulih yakng ku morik.' ¹³ Tapi,petugas pajak yok bediri tibo jàuh,botn nyinek ke langit.maloh maluk-maluk dado e kapèkng bingan,'ya Allah borik am kasih ke aku,yakng bedoso tuk,' ¹⁴ Aku modoh ikau petugas pajak tuk pulakng ke langkau e menyadi urakng yakng konok ari urakng Farisi badi urakng yakng ningik derik e disuŕuh baboh,tapi urakng yakng moboh derik disuruh tingik." ¹⁵ Nih datakng urakng-urakng maik anak biak gik senik ke orokng Yesus sok Io ngasap sidok,Tapi pas dok mured e mantau,sidok nih ngeluat urakng iyok deh. ¹⁶ Tapi,Yesus nimpai anak biak yok sok ke orokng Io ngan bebantoh," Bia am anak biak tuk datakng ke Aku nang ngidoh sidok badi Kerajaan Allah umpuk urakng yakng ubok sidok ituk. ¹⁷ Aku modoh ke iken sapai yakng botn nerimok Kerajaan Allah macam anak biak tuk io pasti abotn masuk kiok." ¹⁸ Ado sikuk pemimpetn sidok betanyok ke Yesus,"Guru yakng baek,kati pegayo aku sok dapat wareh idop kekal de ?" ¹⁹ Jokuk Yesus ke io,ngapai kau modoh aku baek ? botnsik sikuk pe yakng baek bukatn ri Allah kederik. ²⁰ Ketn panai ke ukom-ukom tuk : 'nang beduso,nang munuh,nang ngolet,nang morik igik pemulok , ngan ngeromat apakng inai ikau," ²¹ Cohot urakng iyo.aku udoh patuh ke semuo nyok mulo ri aku gik mudok," ²² Waktu Yesus ningoh e,io modoh urakng iyok,"agik ado sutik yakng kurakng.Jual am ngadoh berono kau ngan peduok ke urakng menseken, baruk ikau agih ado umpuk roto di serugo;bom am,tamoh Aku," ²³ Di dingoh mensio iyok de bantoh Yesus,io ridu amat badi io kayo amat. ²⁴ Doh yok Yesus nyinek e ngan modoh,"Palekng podih urakng kayo tamok ke alapm Kerajaan Allah! ²⁵ Maloh,lobih mudoh sikuk unta tamok ngelolu lubakng jarom ari urakng kayo tamok ke alapm Kerajaan Allah." ²⁶ Urakng-urakng yakng dingoh bantoh iyok modoh,"ntik biok,sapai yakng panai diselamatkan?" ²⁷ Cohot Yesus,"apai yakng botn mungken bagi mensio mungken bagi Allah," ²⁸ Lalu, Petrus bejantuh,"cinek am,kami doh nudi segalo berono umpuk kami ngan tamoh Ikau." ²⁹ Yesus bebantoh ke sidok," Aku modoh yakng pengamat e ke iketn,Botn sikuk pe yakng doh nudi langkau,bini,empalo-empalo,urakng tuho,anak-anak e,demi Kerajaan Allah, ³⁰ yakng botn nerimok ahal iyok belipat-lipat maso tuk,ngan yakng agih di adap,nyok am idop kekal," ³¹ Lalu, Yesus ngumpol duo bolas mured e ngan bekato ke sidok,"Dingoh,kito nak angkat ke Yerusalem ngan semuo yakng doh dituleh katn nabi masaloh Anak Menusio nak digenapi. ³² Io onak disoroh ke urakng-urakng yakng botn ngenal Allah,Io kenyanyai,dipepodih,ngan diludoh. ³³ Doh tomuk sidok nyipat e,sidok pe nak munuh e.tapi,ari yakng ketigo,Io pasti di peruas agik. ³⁴ Maloh,katn mured e sutik pe botnsik yakng di keponai sidok ari ahal ituk,tomokng ri bantoh iyok jauh mat bagi sidok ngatuh sidok botn paham ri apai pe yakng udoh di sobot. ³⁵ Waktu Yesus doh datakng ke kota Yerikho,ado mensio butok tongoh duduk ditopi jalatn samel mintok-mintok. ³⁶ waktu yakng butok ningoh urang keboroh lalu,io nanyok apai yakng bekalot. ³⁷ Ngan urakng-urakng modoh e,"Yesus ari Nazaret,keboroh ngelolu ituk," ³⁸ Mako,nih bingan urakng butok iyok,"Yesus Anak Daud,aku mintok dikepiluk!" ³⁹ Urakng-urakng yakng bejalatn ri adap rumokng,luwat ke io ngan nyuruh e nang kingoh. Maloh,io mangkas nguman agik,"Anak Daud,aku mintok dikepiluk!" ⁴⁰ Lalu Yesus beronti ngan nyuruh sok urakng butok yok di baik ke orokng Io.Pas urakng butok dampekng,Io betanyok, ⁴¹ "Apai yakng dikengonak ikau sok Kupuloh ?"Cohot urakng butok,"Tuhan,aku onak sok matoku panai mantau ." ⁴² Yesus bejantuh ke io,"Mantau am,iman ka doh nyomuh ikau." ⁴³ Nih melogang,io pe panai mantau ngan tamoh Yesus samel muji-muji Allah,waktu urakng banyak mantau hal yok,sidok pe nih muji Allah gak.