¹ Pantaulah, betapai bosanya kasih yaongk dikaruniakan Tuhant kepado kito, sehinggo kito di sobot anak-anak Allah, dant memang kito adolah anak-anak Allah. Keyeno iyok dunio abont mengenal kito, sebab dunio abont mengonal Iyo. ² Empalo-empaloku yaong kekaasih, betuk kito adolah anak-anak Allah, tetapi opan nyato keadoan kito kelak; akant tetapi kito panai, bahwo apaibilo Kristus menyatokan deyikNya, kito akant menyadi samo dengan Iyo, sebab kito akan mantau Iyo dalamp keadoanNya yaongk sebonanya. ³ Setiap uwaongk yaongk menauh penghaapan iyok kepadoNya, menyucikan deyik samo sepeyeti Iyo yaongk adolah suci. ⁴ Setiap uwaongk yaongk bebuat doso, melangga gam hukump Allah, sebab doso adolah pelanggaan hukump Allah. ⁵ Dant ikau panai, bahwo Iyo udoh menyatokan deyikNya, supayo Iyo ngapus segalo doso, dant di dalamp Iyo budas doso. ⁶ Keyeno iyok setiap uwaongk yaongk tetap beyado di dalamp Iyo, abon bebuat doso lagik; setiap uwaongk yaongk tetap bebuat doso, abon mantau dant mengonal Iyo. ⁷ Anak-anakku, ajumplah nudi seuwaongkpun menyosatkan ikau. Baongksapai yaongk muloh kebonaran adolah amat macamp Kristus; ⁸ Baongksapai yaongk tetap muloh doso, beyasal dayi iblis, sebab iblis muloh doso dayi mulonya. Untuk ituklah Anak allah menyatokan feyikNya, yaitu supayo iyo membinasokan pebuat-pebuatan iblis iyok. ⁹ Setiap uwaongk yaongk lahe dayi Allah, abon muloh doso lagik, sebab bonih ilahi tetap ado di dalamp iyo, dant iyo abon panai muloh doso, keyeno iyo lahe dayi Allah. ¹⁰ Ituklah tandonya anak-anak Allah dant anak-anak iblis: Setiap uwaongk yaongk abon muloh kebonaran, abon beyasal dayi Allah, demikian gam baongksapai yaongk abon mengasihi empalo iyo. ¹¹ Sebab ituklah beyito yaongk udoh ikau dingo dayi mulanya, yaitu bahwa kito aus saling mengasihi; ¹² bukant sepeyeti kaent, yaongk beyasal dayi si jahat dant yaongk munuh adeknya. Dant apaikah yaongk sebabnya iyo munuh iyo?sebab segalo kempuloh iyo jahat dant kempuloh adek iyo konok. ¹³ Ajumplah ikau hoant, empalo-empalo, apaibilo dunio membencik ikau. ¹⁴ Kito panai, bahwo kito udoh bepinoh dayi dalamp maot ke dalamp idup, yaitu keyeno kito mengasihi empalo kito. Baongksapai abont mengasihi, iyo tetap di dalamp maot. ¹⁵ Setiap uwaongk yaongk membencik empalo iyo, adolah seuwaongk pembunuh mensio. Dant ikau panao, bahwo bonsik seuwaongk pembunuh yaongk tetap memiliki idup yaongk kokal di dalamp deyik iyo. ¹⁶ Demikiant kito keponai kasig Kristus, yaitu bahwo Iyo udoh menyoohkan nyawoNya untok kito; jadi kito punt wajeb menyoohkan nyawo kito untok empalo-empalo kito. ¹⁷ Baongksapai ado hayeto duniowi dant mantau empalo iyo mendeyito kekuaongkgan tetapi menutup pintu ati iyo teyadap empalo iyo iyok, katibokah kasih Allah panai tetap di dalamp deyik iyo? ¹⁸ Anak-anakku, mayilah kito mengasihi bukant dengan pekatoan atau dengan liloh, tetapi dengan pebuatan dant dalamp kebonaran, keyakenan di hadapan Allah. ¹⁹ Demikiantlah kito keponai, bahwo kito beyasal dayi kebonaran. Demikiant pulo kito panai menonangkan ati kito di hadapan Allah, ²⁰ sebab jiko kito dituduh oleh iyo, Allah adolah lebeh bosa dayipado ati kito serto panai segalo sesuatu. ²¹ Empalo-empaloku yaongk kekasih, jikalau ati kito abon menuduh kito, mako kito mempuyoi kebeyanian pecayok untok nompingk Allah, ²² dant apai sajo yaongk kitomintok, kito bulih dayi padoNya, keyeno kito menuoti segalo peyintohNya dant bebuat apai yaongk bekonan kepadoNya. ²³ Dant ituklah peyintohNya iyok: supayo kito pecayok akant namo Yesus Kristus, AnakNya, dant supayo kitto salong mengasihi sesuai dengan peyintoh yaongk diboikgkan Kristus kepado kito. ²⁴ Baongksapai menuoti segalo peyintohNya, iyo diamp di dalamp Allah dant Allah dalamp iyo. Dant demikiantlah kito keponai, bahwo Allah ado dalamp kito, yaitu Roh yaongk udoh Iyo karuniokan kepado kito.