¹ Anak-anakKu, hal-hal yaongk kutuliskan kepado ikau, supayo ikau ajump bebuat doso, namun jiko seuwaongk bebuat doso, kito mempunyai seuwaongk pengantao pado Bapa, yaitu Yesus Kristus, yaongk adel. ² Dant Iyo adolah pedamaian untok segalo doso kito, dant bukan untok segalo doso kito gono, tetapi untok doso seluuh dunio. ³ Dant ituklah tando yok, bahwo kito mengenal Allah, yaitu jikalau kito menuoti peyintoh-peyintohNya. ⁴ Baongk sapai bekato: Aku mengonal Iyo, tetapi iyo abon nunok peyintohNya, iyo adolah seuwaongk pendusto dant di dalampnya bonsik keboranan. ⁵ Tetapi baongksapai nunok FirmanNya, di dalamp uwaongk iyok amat udoh sempurno kasih Allah; dengant iyoklah kito keponai, bahwo kito ado di dalamp Iyo. ⁶ Baongksapai mengatokan, bahwo iyo ado di dalamp Iyo, iyo wajeb idup samo macamp Kristus udoh idup. ⁷ empalo-empalo yaongk kekasih, bukant peyontoh bau yaongk kutulihkan untok ikau, melaentkan peyintoh lamoh yaongk udoh ado pado ikau dayi mulonya. Petintoh lamoh iyok adolah firman yaongk udoh ikau dinggo. ⁸ Namun peyintoh bau gam yaongk kutulihkan kepado iKau, teloh tenyato amat di dalamp Iyo dant di dalamp ikau; sebab kepotangkgan lagik losi dant toangk yaongk amat udoh becahayo. ⁹ Baongksapai bekato, bahwo iyo beyado di dalamp toangk, tetapi iyo membenci empalo iyo, iyo beyado dalamp kepotangkgan sampai bituk. ¹⁰ Baongksapai mengasihi empalo iyo, iyo tetap beyado di dalamp toangk, dant di dalamp iyo bonsik ado penyosatan. ¹¹ Tetapi baongksapai membenci empalo iyo, iyo beyado di dalamp kepotangkgan dant idup dalamp kepotangkgan. Iyo abont panai kemonai iyo angkat, keyeno kepotangkgan iyok udoh membutokan matonya. ¹² Aku menulih kepado ikau, hai anak-anak, sebab dosomu udoh diampuni oleh keyeno namoNya. ¹³ Aku menulih kepado ikau, hai bapa-bapa, keyeno ikau udoh mengonal Iyo, yaongk ado dayi mulonya. Aku menulih kepado ikau, hai anak-anak mudok, keyeno ikau udoh mengalohkan yaongk jahat. ¹⁴ Aku menulih kepado ikau, hai anak-anak, keyeno ikau mengenal Bapa. Aku menulih kepado ikau, hai Bapa-bapa, keyeno ikau mengenal Iyo, yaongk ado dayi mulonya. Aku menulih kepado ikau, hai anak-anak mudok, keyeno ikau kuat dant firman Allah diamp di dalamp ikau dant ikau udoh mengalohkan yaongk jahat. ¹⁵ Ajumplah ikau mengasihi dunio dant apai yaongk ado di dalampnya. Jikalau uwaongk mangasihi dunio, mako kasih akant Bapa bonsik ado di dalamp uwaongk iyok. ¹⁶ Sebab semuo yaongk ado di dalamp dunio, yaitu kengonak dagingk dant kengonak mato serto keangkuhan idup, abontlah beyasal dayi Bapa, melaentkan dayi dunio. ¹⁷ Dant dunio ituk lagik losi dayi kengonaknya, tetapi uwaongk yaongk muloh kehendak Allah tetap idup selamo-lamonya. ¹⁸ Anak-anakku, waktu ituk adolah waktu yaongk teyakhe, dant sepeyeti yaongk udoh ikau dinggo, seuwaongk antikristus akant datangk, betuk udoh bangket banyak antikristus. Iyoklah tandonya, bahwo waktu ituk amat-amat waktu yaongk teyakhe. ¹⁹ Memang sidok beyasal dayi antawo kito, tetapi sidok abont amat-amat temasok pado kito; sebab jiko sidok amat-amat temasok diantawo kito, niscayo sidok akan tetap besamo-samo dengant kito. Tetapi hal iyok tejadi, supayo jadi nyato, bahwo abont semuo sidok amat-amat temasok pado kito. ²⁰ Tetapi ikau udoh bulih penguapan dayi yaongk kudus, dant dengant demikian ikent semuo mengeponainya. ²¹ Aku menulih hepadomikau bukan keyeno aku abont mengenal kebenaran,tetapi justru keyeno ikau mengeponainya dant keyeno ikau jugo panai, bahwo bansik ado dusto yaongk beyasal dayi kobonaran. ²² Sapaikah pendusto iyok? abontkah iyo yaongk menyangkal bahwo Yesus adolah Kristus? Iyo iyok adolah antikristus, yaitu iyo yaongk menyangkal bait Bapa maupun Anak. ²³ Sebab baongksapai menyangkal menyangkal Anak, iyo jugo abont ompuk Bapa. Baongksapai mengaku Anak, iyo jugo ompuk Bapa. ²⁴ Dant ikau, apai yaongk udoh ikau dinggo dayi mulotnya, iyok haus tetap diamp di dalamp ikau. Jiko apai yaongk udoh ikau dinggo dayi mulonya iyok tetap diamp di dalamp ikau, mako ikau akant tetap diamp di dalamp Anak dant di dalamp Bapa. ²⁵ Dant ituklah janji yaongk udoh dijanjikanNya kedeyik kepado kito, yaitu idupmyaongk kokal. ²⁶ Semuo iyok kutulih kepado ikau, yaitu mengenai uwaongk-uwaongk yaongk beyusaho menyosatkan ikau. ²⁷ Sebab di dalamp deyik ikau tetap ado penguapan yaongk udoh ikau teyimok dayi padoNya. Keyeno iyok abont peyolu ikau diaja ago uwaongk laent. Tetapi sebagaimonai penguapanNya mengaja ikau tentang segalo sesuatu - dant sabagaimonai Iyo olu udoh ngaja ikau, demikian gam hendaknya ikau tetap diamp di dalamp Iyo. ²⁸ Mako betuk, anak-anakku, diamplah di dalamp Kristus, supayo apaibilo Iyo menyatokan deyikNya, kito bulih kebeyanian pecayok dant abont kemoluk teadap Iyo pado ayi kedatangan Iyo. ²⁹ Jikalau ikau panai, bahwo Iyo adolah amat, ikau haus panai gam, bahwo setiap uwaongk, yaongk muloh kebonaran, lahe dayi padoNya.