¹ Samang tuen jien tau ambat yang lagi sikapulumg dan ira abok bo' dakaan . Along Yesus manajo murid-murid Ta loloak mandi ira, ² Iak mangamase pa ira, ulekna ira amin malolak Diak talung aso na laun na dan abok ai-ai dakaan. ³ ira molek bea kaan, ira pande karamatean pa dalan nen. Sen ira datang dai daok pada na." ⁴ Murid-murid Ta manyauti, ungka, "Pai kik pande kulek roti pada iang sepi kena inyen, iyokna ira pande kaan?" ⁵ Along Yesus makutawan mandi ira, "Insang tolang roti ampuna nin?" Ira loloak, "Tujuh." ⁶ Yesus manyurok tau ambat en tuu duduk mpa tanak en. Amin ten Ia mala tujuh tolang roti, mamapatang syukur, along mamalak-malak na. Ia mamarean mandi murid-murid Ta long ibagi-bagi ang. Along ira mambagi-bagi na mandi kon tau ambat en tuu. ⁷ Ira jien bom ampuna kon ikan makekek, dan amin mamapatang syukur, Ia manyurok murid-muridTa mambagi-bagiang mandi tau ambat. ⁸ ira kaan sampai mangasor. Amin ten ira mangapulungan tuna bok dakaan nen, jien tujuh mamabakun panok. ⁹ sakitar ampat ribu tau kaan en dan amin kaan Yesus manyurok pa ira molek. ¹⁰ tuen mariar-riar Yesus muat mandi parau en sirata dana murid-muridTa long tangkat mandi daerah Dalmanuta. ¹¹ Amin tuen datang nga kon tau Farisi dan mulai sipadu dan na Yesus. Ira manuntut tanda dai Surga ala mancobai Dia. ¹² mandesah ilalam SumangatTa long loloak, "Mai generasi en nii manuntut tanda? Totong Iak loloak, be bok tanda ai pun mok ibareang mandi generasi en nii." ¹³ Along Ia manantang pa ira dan muat mandi parau tangkat manarear. ¹⁴ dakalilu'ang mawa bokal roti. Roti na ira tuna sera ma pa parau en. ¹⁵ Along Yesus manyanyawaan pa ira, ungka, "Waspada dan ate-ate ma mandi ragi kon Farisi dan ragi na Herodes." ¹⁶ Murid-muridTa pasiloloa'ang tegal "Mai ira bea ampuna roti." ¹⁷ mangatau'ang hal en nii dan loloak mandi ira, "Mai ken pasiloloa'ang tegal beabok roti? Apa bom tek ken mangareti? Bea tek ken paham? Ai bait ate nin amin matimpun na tek? ¹⁸ jien mata nin, bea tek ken manginta? Iken jien talinga, bea tek ken mandalinga?" ¹⁹ Samanga Iak mamalak-malak roti ala tau lima ribu en, insa mambakun tuna bok ikaan nen iang ikapulungang en lenin? Ira manyauti, "Dua Belas." ²⁰ Iak mamolo-molo tuju roti toya dakaan tau ampat ribuen, insa mambakun iang ikapulungan lenin? Ira manyauti, "Tujuh." ²¹ Ia long makutawan, "Laginpa boom ken bea mangareti?" ²² Samanga ira daatang pa Betsaida kon tau en tuang mawa mandi Ia tau makaron dan mamita pa Yesus mangakapi long mamole'i dia. ²³ Yesus long manjaput tangan tau makaron en tuu long mawa dia karuar dari banua en. Yesus long malasui mata na dan mangakapi dia. Ia makutawan mandi ia, " Amin te' ko pande mangita boo'?" ²⁴ Tau en tuu pun "maningarak mandi dibo long loloak, "Iak manginta tau, tapi iak manyalik pa ira tungan kon pon kayu lambak. ²⁵ tuen Ia mangakapi lagi mata na, samanga tuen boom tabuka mata na, ia long pande manginta jelas samua bo en. ²⁶ Yesus manyurok dia molek mandin langko na sambil bapasan, "Dae tama mandi kota en." ²⁸ Amin na ten Yesus tangkat saiyok da na murid-muridTa mandi banua-banua pa wilayah Kaisarea Pilifi. Pa tangak lamba'an Ia makutawan mandi muri-muridTa, "Ungka tau en, Iak ni ine?" ²⁷ manyauti, ungka, "Yohanes Pembaptis dan iang laen en mansan, "Elia, dan iang laen nen lagi mansan, "Sera dai kon Nabi en." ²⁹ Along Ia makutawan mandi ira, "Tapi manurut iken ya, "Ine Iak nii?" Petrus manyauti, ungka, "Iko tu Kristus." ³⁰ Yesus manyanyawaan pa ira dae mansanang Dia mandi tau en. ³¹ Along Ia mulai mangajar pa ira bahwa Putra Talino harus ambat masek-masek, Ia moko datulak lekna kon tau baka, Imam-imam kepala dan ahli-ahli Taurat, dan Ia moko ibunok tapi moko ibangkitkan lagi aso katalu na. ³² mansanang bo'en nii totong-totong jelas. Amin ten Petrus manarik Yesus mandi biring long dana karasa manyengka Dia.