Pasal 1

1 Inyen na molana Injil Yesus Kristus, Anak ka Kunyanyik. 2 yang ta tulis pa Kitab pa Nabi Yesaya, "Salit, Iak mangirim Utusan Ku mandi ken. Ia na moko manyadia ala dalanNu. 3 aling tau maningkau pa padang gurun nen. 'Pasadiaang ala dalan na Sampulo, pabujur dalanen pa Dia" 4 Yohanes datang long ia apamandi pa padang gurun nen long mansanang pamandian pertiobatan ala pangampunan dosa. 5 Along datang nga kontauen dai daerah Yudea dan kon tau dai Yerusalem mandi ia. Ira long da bapptis ule' na pa sunge Yordan, samanga ira mangakui dosa na. 6 mamakai jubah dai bulu unta dan jarat awak kulit, dan bo' dakaanen bua' balalang dan madu toan. 7 Alam khotbah na ia mansanang: "Jien Tau sera datang amina iak ni i. Ia labi bakuasa dai iak, sampai mambuka tali sapatu Na pun iak bea pantas. 8 apamandik ndiken dana ae' en tapi Ia moko apamandi' diken dana Sampe Ayu". 9 tuen Yesus datang dai Nazaret, pa wilayah Galilea along ipamandik ule'na Yohanes pa sunge Yordan. 10 Yesus karuar dai ae' en, ia ,manginta suan tabuka' dan Sumangat tungan tampuluk merpati mainturun mandi bo Na. 11 jien aling idalinga dai suanen, ungka, Iko na AnakKu' Kamayangan Ku' Mandi Iko lah Iak malolaien". 12 Long amina tuen Sumangat en tuu mawa Dia mandi padang gurunen. 13 ondo'-ondo' pa padang gurunen ampat pulo' aso laun na, dan tuang nga Ia da akoi ule' Setan . Ia tuang ba sama dana kon binatang liar dan Malaikat-Malaikat malayani Dia. 14 Amina Yohanes itingkam, long datanga Yesus mandi Galilea mandongoang Injil Kunyanyik. 15 "genap pa waktu na, Karajaan Kunnyanyik amin damping. Batobata dan pacaya na mandi Injil". 16 Samanga malaloi dano Galilea, Ia manginta pa Simon dan Andreas, insamana Simon. Ira tangan na manyangkauang jala na pa biring laut en. lena ira tu u Nelayan. 17 Yesus loloa' mandi ira. "Lambak, lola' i Iyak dan Iak padari diken panjala tilino." 18 irapun langsung manantang jala na ira dan malola'n pa Dia 19 Amina tuen Yesus lambak sikit lagi. Ia manginta pa Yakobus anak ka Zebedeus dan Yohanes insama na . Ira tangan na lam parau en pamami jala. 20 Yesus long manajo pa ira, long ira manantang ama na ira , Zebedeus, pa lam parau en basama dana ulun opa' an na ira, long ira malola' Dia. 21 Samanga ira datang pa Kapernaum, pa aso Sabat en Yesus long tama mandi lalam Sinagoge dan mangajar ituang . 22 Ira sampai mamudi pangajaran nan Na. Lena Ia mangajar dana pano'k kuasa, bea kena kon ahli Tauraten. 23 Samanga ira lalama Sinagoge en, jien tau karasukan pangkaruap. 24 Sambil manyarawang, "Ai urusan Nu danam, Iko Yesus dai Nazaret? Iko datang kae' manyabeang dikam? Iak mangatauang inye Iko tuu Yang Kudus dai Kunyanyik." 25 Long Yesus manangkioi i pangkaruapen tuu , ungka: "Ondok ko dan karuar ko dai ia!" 26 amin tuen pangkaruapen tuu mabanang dia long karuar dai ia sambil manyanyarawang. 27 Samua tau jien nen tuang sampai mamundina dan amina tuen si katoanan. "Buai inyen, Panganjaran baru yang pano' kuasa? Ia mamarintah kon pangkaruap dan ira patuh mandi Ia. 28 tadongo lah dongo tegal Dia mandi samua wilayah Galilea. 29 Mariar amina ira manantang Sinagoga. Ira lambak mandi langko na Simon dan Andreas bersama da na Yakobus dan Yohanes. 30 Samanga tuen matona Petrus tangan na lengak apais. Ira pun ariar mansanang kaadaan na mandi Yesus. 31 Ia datang manjaput tangan na dan manadun dia long ia pun sambu dai pais sa dan buine en tupun malayani pa ira 32 Aso doom ma, amin na mata aso tingkalam, ira mawa samua tau apais dan karasukan setan mandi Ia. 33 panduduj kota sikapung p dapan tambangan. 34 mayambui pa ambat tau apais macam-macam panyakit en dan mangusir kon pangkaruap, Tapi kon pangkaruap en tuu bea dapia'ang loloak le[na ira mangatauang Inye Dia. 35 Lagi pa aso damiari, aso lagi doom pa, Ia lambak mandi pada sunyi en dan badoa teang. 36 dan insa'-insa' tau basama dan na tangkat manakap Dia. 37 Ira mandua'ang pa Dia dan loloa' man Dia. "Samua tau manakap Diko." 38 Yesus loloa', "Amba' ki lamba' mandi pada laen nen, lamba' mandi kota-kota damping en, maken Iak pande mangajar bom iteang. Tuen na tujuanKu datang en. 39 Long lamba' na ira mandi samua Galilea dan mangajar pa Sinagoge-Sinagoge sambil mangusir pangkaruap 40 Long datanga tau sera apais kusta man Dia, dan sambil balutut ia maita man Dia, ungka, "Tik Iko kae', Iko mangule' mambarese pa diak." 41 ule' ate kamayangan na, Yesus maurorang tangan Na, manjaput dia, ungka, "Iak kae' , 42 iko barese." 43 Amin tuen Yesus da ka karasan aji mamparingatkan dan manyuro' dia lamba[ . 44 Ia loloa' mandia, " Dae mansanang ai-ai tegal bo' en nii mandi ine ma, tapi lamba' ko tujukkang kale nu mandi imam, bare na parsembahan ala kasambuhan nu kena yang da parinta Musa . Ala bo' kesaksian mandi ira. 45 Tapi tau en tuu mulai mansanang man di ansa' tau en dan mamborang dongoen tuu mandi ai-ai long Yesus bea na si panade tama bebas mandi lam ansak' kota en. Ia harus ondo'-ondo' pada-pada yang sepi en, dan kon tau en harus datang man Dia dai barbagai panjuru.