¹ Patahun limabelas samanga Pamarintahan Samagat Tiberias, samanga Pontius Pilatus dari Gubernur pa Yudea. Herodes padari Samangat pa Galilea; Filipus sinsama na Herodes padari samagat pa wilayah Iturea dan Trakhonitis,; dan Lisanias padari samagat pa Abilene, ² dan Khayafas menjabat padari imam raa. Dadalinga na Dongo Sampulo ule'na Yohanes anak ka Zakharia yang ondo'-ondo' pa tanga' toanen. ³ Long tangkat asi Yohanes mandi samua banua pa Yordan mambarere'ang Pamandi'an patobatan ala pangampunan dosa ⁴ Kena jien tatulis dalam kitab Nabi Yesaya: "Inyen na aling tau maningkau pa tanga' toanen, 'Pasadia ang dalan mandi Sampulo, pabujur dalanen ala dalan Na. ⁵ Ansa' labak moko itimbun, ansa' bukit iparata, dalan yg baliku-liku moko ipabujur. ⁶ samua dalan iparatai. dan samu ntau moko manginta kasalamatan dai Sampulo. (Yes 40.3-5) ⁷ Yohanes loloa' mandi kon tau ambaten yang datang kae ipamandi' en, "Oi iken kon kanturun urar toan tanak, ine yang mansanang mandi ken ala rariang kale nin dai kutuk rabor/murka mandi mokoen. ⁸ Ule' na tuu en, pola bo' maam men, tuen na bua' nin batobaten. dae loloa' mandi ken kakale nin, 'Abraham tuu Apu' Ane nam," Iak mansanang mandi ken , Dai batu-batu en nii, Sampulo pande mangatio' padari anak-anak ka Abraham !." ⁹ Totong udi' sokiteen kapak amin ipabalang pa urat kayuen. Ansa' poon been ambua' bo' maam moko itabang, long isabeang mandi apien. ¹⁰ Kon tauen makutawan mandi Yohanes, "Kituu iya, ai asi ipolaen le' nam," ? ¹¹ Manyauti , "Ansa tau, jien ampuna dua bulang, seraen ibareang mandi yang beaen boan, maken bom yang boan bo' ikaan, mamola kituu bom." ¹² Jien bom kon tau pangapulung pajak, datang mamita ipamandi, ira makutawan mandi Yohanes, "Guru, ai na ipolaen le' nam?" ¹³ Yohanes manyauti, "dae manarik Pajak labi dai yang amin ¹⁴ Kon Tantara, makutawan mandi iya, "kaung kam nii, ai na bo' ipolaen le' nam"? Yohanes manyauti pa ira maken, "dae mamaksa mala duit dai tauen, dae bom ule' na ikapiayoi le' nin. iken dupan cukup dai gaji nin ¹⁵ Samanga kon tauen maeang-enang datanga Mesias, ira samuana makutawan alam atena tetang Yohanes, Iya ni te' Kristus atau bokan, ¹⁶ Yohanes manyauti pa ira dan loloa': "Iak Pamandi' diken dana ae'en. tapi moko datang Ia yang labi bakuasa dai iyak, Mambuka tali sanda la pun Iyak bea pantas. Ia moko pamandi dana Sampeayu dan api. ¹⁷ Tapan jien na tasadia pa tangan Na ala pana ap sarar palensatan. Dan mangapulungan gandum yang maamen mandi lam luypung Nga. awanga moko datutung mandi lam apien yang beaen mansam. ¹⁸ Dana ambat nasehat laen, Yohanes mangajaran Dongo Maam mandi kon tau ambaten. ¹⁹ ule'na Yohanes, manegur Herodes raja wilayah atas bo' yang dapolaen dana Herodias, buinena insamana Herodes, dan samua bo' jaat yang amin dapolaen. ²⁰ Ule'na tuen Herodes mangajarian samuana tuu, long maapis Yohanes mandi lam panjaraen. ²¹ Samanga kon tauen ipamandi', Yesus ipamandi' bom. Samanga Ia badoa suan tabuka. ²² Sampeayu mainturun mandi Ia kena tampulu' Merpati. Jien aling dai suanen loloa': "Iko Anak Ku yang Kukamasei en , mandi Ko Na Iak siandan nen/berkenan". ²³ Samanga Yesus pamola palayanan Na, umura kira-kira tiga pulo' tahun. Kon tauen bapandapat Yesus tuu anak ka Yusuf, Yusuf anak ka Eli. ²⁴ anak Matat. Matat Anak Lewi. Lewi anak Malkhi. Malkhi anak Yanai. Yanai anak Yusup. ²⁵ Yusuf anak Matica. Matica anak Amos. Amos anak Nahum. Nahum anak Hesli. Hesli anak Nagai. ²⁶ anak Maat. Maat anak Matica. Matica anak Simei. simei anak Yosekh. Yosekh anak Yoda. ²⁷ Yoda anak Yohanan. Yohanan anak Resa. Resa anak Zerubabel. Zerubabel anak Sealtiel. Sealtiel anak Neri. ²⁸ anak Malkhi. Malkhi anak Adi. Adi anak Kosam. Kosam anak Elmadam. Elmadam anak Er. ²⁹ Er anak Yesua. Yesua anak Eliezer. Eliezer anak Yorim. Yorim anak Matat. Matat anak Lewi. ³⁰ Lewi anak Simeon. Simeon anak Yehuda. Yehuda anak Yonam. Yonam anak Elyakim. ³¹ anak Mina. Mina anak Matata. Matata anak Natan. Natan anak Daud. ³² anak Obed. Obed anak Isai. Isai anak Boas. Boas anak Salmon. Salmon anak Nahason. ³³ Nahason tu'u anaka Aminadab, Aminadab anak Admin, Admin anak Arni. Arni anak Hezron. Herzron anak Peres. Peres anak Yehuda. ³⁴ Yehuda anak Yakuib. Yakub anak Ishak. Ishak anak Abraham. Abraham anak Terah. Terah anak Nahor. ³⁵ anak Serug. Serug anak Rehu. Rehu anak Peleg. Peleg anak Eber. Eber anak Salmon. ³⁶ Salmon anak Kenan. Kenan anak Arpakhsad. Arpkhsad anak Sem. Sem anak Nuh. Nuh anak Lamekh. ³⁷ Lamekh anak Metusalah. Metusalah anak Henokh. Henokh anak Yared. Yared anak Mahalaleel. Mahalaleel anak Kenan. ³⁸ Enos. Enos anak Set anak Adam. Adam anak Allah