¹ Samanga tuu Kaisar Agustus mangaruarang parinta, mandaftarang samua tau dari samua banua. ² na sensus talino bungas samanga Kirenius dari Gubernur pa Siria. ³ na manyuro' kon tau en mole' mandi banua asala ira ala mandaftarkan kalena. ⁴ Yusuf tangkat dai Nazareth, Banua di Galilea, mandi Yudea pa banua Daud dansan tau Betlehem. Ule'na ia asalala kanturun na Daud. ⁵ idaftarkan saiyo' dana Maria tunanganna yang tanga' maunting. ⁶ Samanga Yusuf dan Maria pa Betlehem , maken bom Maria kae' kalapasan. ⁷ long kalapasan anak burane baka na. Ia mambungkus dana kain lampin dan palenga' Dia pa dolangen ulena bea bo' langko datumpangi ala asomalam ira. ⁸ Pa en tuu jien kon Gembala yang ondo'-ondo' pa padangen manjegai kon domba na ira malamen, ⁹ Malaikat Tuhan kadeng dapan na ira dan kamuliaan Sampulo basinar mangulinglingi pa ira ulenatuu ira matakut jaji. ¹⁰ Tapi Malaikat ten tuu loloa' mandi ra: "Dae matakut Iak mawa mandi ken dongo maam raa mandi kon samua banua. ¹¹ nii amin kalapasan na mandi ken Juru Salamat dunia, ansana Kristus Kunyanyik, pa kota Daud. ¹² na tanda na, iken moko mandua'ang Anak ibungkus dana kain lampin, ipalenga' pa dolangen." ¹³ Sabuli-buli ikita bom silola dana Malaikat ten tuu ambat kon bala tantara Surgawi loloa' mamuji Sampulo: ¹⁴ mandi Sampulo pa pada Na idiasat dan damai kaya senang pa bumien, pa tanga' na tau yang dapangae' ien. ¹⁵ Samanga kon Malaikat ten tuu manulak, kon gembala mole' mandi Surga en, kon gembala en tuu si loloa'an: "Lambaki' mandi Betlehem, manyalik bo' ai te darien, yang amin dansanang Sampulo mandi ki'. ¹⁶ Ira pun riar-riar tangkat long sidua'aang dana Yusuf dan Maria dana Anak yang lenga' pa dolangen. ¹⁷ Samanga ira manyalik Dia, ira mangisah bo' ai yang amin iansanang mandi ira tegal Anak en tuu. ¹⁸ tau yang mandalinga bo' entuu, heran tegal bo'-bo' ai dansanang kon gembalaen mandi ira. ¹⁹ Maria manaro' dan manonongan bo'en tuu alam ate na. ²⁰ tuu kon gembalen mole' mandi domba-domba na ira sambil mamuliakan dan mamuji Sampulo tegal samua bo' dadalinga dan dasalik ule'na ira, kena yang amin iansanang mandi ira. ²¹ Tulina lapan aso mayunatang Anak ken tuu, Ia pun ibare ansan Yesus, kena ansan dabare Malaikat samanga apapa iuntingan alam bunting. ²² aso-aso manyauti kena hukum Musa amin talalo, Maria dan Yusup mawa pa Yesus mandi Yerusalem ibareang mandi Sampulo, ²³ jien tatulis alam Hukum Sampulo: " Jien nia Anak baka burane alaka'/harus ikaliskan/dikuduskan mandi Sampulo", ²⁴ mambarean panyorongan (persembahan) kena yang iansanang alam hukum Sampulo, sapasang tampulu' dara atau duang ingko' tampiulu' merpati bungas/muda. ²⁵ Jien taubaka burane ondo'-ondo' pa Yerusalem, ia tuu tau totong dan tau maam, maenang-enang pakasisinyawaan na Sampulo m andi Israek dan Sampeayu malola' dia, ²⁶ Sampeayu mansang pa dia, "ia tuu bea mate apa ya manginta Kunyanyik Kristus yang dasauti/diurapi Sampulo. ²⁷ Simeon long datang mandi Bait Sampulo, samanga Yusup dan Maria mawa Yesus, ala mamola mandi Ia kena yang dasuro' hukum Taurat.. ²⁸ Maken asi Simeon mamben Anak ken tuu, mangangkalongan berdoa/ sambil berseru mandi Sampulo : ²⁹ IKo Sampulo pande na manyuro' ulun Nu nii maruap/mati alam damai kena Dongo Nu"'. ³⁰ Ulekna mata ku amin manginta Kasalamatan-Nu ³¹ amin isadiaang ule'Nu padapan kon Banua. ³² yang kae manyinari kon banua yang beaen mangilala Sampulo, dan padari kamuliaan mandi Banua Israel ³³ Yusup dana anduna Anak en tuu padari heran mandalinga bo' da ansanen lena Simeon tegal Dia. ³⁴ tuen, Simeon manyauti/memberkati pa ira dan loloa' mandi Maria, "Tantalinga, Anak ken nii moko, malao'ang dan maangkat ambat taunpa Israel, dan padari beo/tanda beaen dapangae'i tau ambat. ³⁵ Dan sebila' mandau akan maururu' nyawa nu, maken na moko ambat isi ate tau ikatauang. ³⁶ Ituang jien bom nabi buine, Ansana Hana anaka Fanuel dai suku Asyer. Iya amin taubaka aji na. Iya dupan tujuh taun ma silalao' dana lakina dai amina malaki. ³⁷ tuen abalu sampai umur 84 taun. Iya bea kala' manantang Bait Sampulo. tapi maningara' mamapatang aso malam bea kaan bea mainum. ³⁸ tuu na Hanna langgok ungka maa maapatang sukur mandi Sampulo mamabarere'ang pa Yesus mandi kontau ambaten, yang maenang sulekale/penebusan na Yerusalem. ³⁹ Amin nja mangareja kon bo' kena hukum Sampulo. ira mole' mandi Nazaret pa Galilea kota asala ira. ⁴⁰ ken tuu maken tio' sang maraa, sang makaya pano' hikmat. dan Sampulo mambarkati Na. ⁴¹ Ansa' taun taubaka Na Yesus mandi Yerusalem asoraa Paska. ⁴² Samanga Yesus amin baumur duabelas taun, ira tangkat mandi tee kena adat ta ira pa asoraaen tuu. ⁴³ ramien tuu ira mole'. tapi Yesus matantang bea mole' bea bom dakatau'ang kon taubaka Na. ⁴⁴ taubaka Na Yesus lamba' jurus-jurus saso asso, bo' Yesus siola dan tau ambat kitu ma lam atena ira. Da takap asi ule'na ira alam kaluargana dan samua tau dakilala en ira. ⁴⁵ Bea na asi ira mandua'ang Yesus long balik asi ira mandi Yerusalem manakap pa Dia. ⁴⁶ talung asona, ira mandua'ang pa Yesus dudukpa tanga' kon guru agama en sambil manantalinga dan makutawan madi ira. ⁴⁷ Kon tau mandalingaen ka heran-heran patau'anga dan pande Na manyauti tau. ⁴⁸ Samanga ira manginta pa Dia ira pun heran, Andu Na long makutawan mandi Iya, " Mai Ko mamola kinii, mandi kam? Iak dan Ama Nu noron manakap Diko". ⁴⁹ nanyauti pa ira: "Mai ken manakap Diak?". Bea te' ken mangatau'ang Iak jiean pa Sao na AmaKu'". ⁵⁰ mo' maken, ira bea ngareti buai bo' Da ansanangen mandi ira. ⁵¹ Amin tuen Yesus mole' saiyo' dana ira mandi Nazaret dan malola'i pa ira. Andu Na manro' loloa'en tuu alam ate na. ⁵² tio' sang maraa, sang bijaksana, Iya maken da kamase' i ule' na tau ambaten dan Sampulo.