¹ Ambat ta tauen kae manyusun catatan bare-re'an bo' dari en pa tanga' ta' launa nii, ² catatan yang amin ibarean mandiki' ulena ira yang dai mola dari saksi dan pambarere'an Dongo. ³ kuparajari totong dai mola, maam bom kutuliskan makena urutan na mandi ko. O Teofilus yang mulia, ⁴ tuen iko pande mangatauang bo' yang aminen iajarangen mandi ko. ⁵ Samanga pamarintahan Herodes, Samagat ta Yehuda. Jien sera imam yang ansana Zakaria dari kon tau imam Abia. Asal buine na dai kanturun Harun. Elisabet ansana. ⁶ dana Elisabet tau kana siandan mandi matana Sampulo. Ira dupan siandan dana kon Hukum parinta na Sampulo. ⁷ ira duen tuu beabo' anak ka ulena Elisabet mandul. makenpun ira tu tau baka aji na. ⁸ Samanga giliran uluan na ira , Zakaria ibare tugas padari imam pa dapana Sampulo, ⁹ kena adat dai jolo Zakaria pas kana ile' tau padari imam tama mandi lalam Sao (Bait ) Sampulo, ala manutung sampu (ukupan). ¹⁰ Sampuen tuu ipapatang (dipersembahkan ), kon umaten isaulan maapatang bom. ¹¹ Sabuli-buli Malaikat Sampu;o payoang kalena mandi Zakaria long kadeng sabala' katona sampuen. ¹² Malaikaate tuu Zakaria kakarende'an sampai matakuta. ¹³ Malaikaten loloa' mandia, " dae ko matakut Zakaria, bo' ipapatangen ule'nu amin idalinga, buine nu, Elisabet monak kalapasan anak burane, monak ibare lenu ansan Yohanes. ¹⁴ Iko mona' sasau dan sasau aji nyawa nu dan ambat tau sasau bom nyawana ulena kalapasan na. ¹⁵ Ia mona'padari maraa padapana Sampul, mandi mokoen ia bea mainum anggur bea bom mainum ae' malasa laenen. Dai lam batanga anduna ia amin dapano'i Sampeayu. ' ¹⁶ Ia tu mona' ambat mawa tau Israel molek balik mandi Kunyanyi, Sampulo na ira. ¹⁷ Ia monak lamba' ijolo dapan na Kunyanyik dana Sampeayu dan Kuaasa Elia. mawa ate kon ama tau mole' balik mandi anak-anak ka ira. Ia mona' mawa tau yang beaen taat mole' balik mandi hikmat kon tau totongen. kena tuen na ia manyadikan umat yang amin nen isadiaang mandi Sampulo. ¹⁸ Zakharia loloa' mandi Malaikate tu, "Kaungka iak pande mangatauang bo' kena tuen?" Iak ni kan amin tau baka dan buine ku' pun mato aji na". ¹⁹ tuu manyauti dia ungka: "Iak nii Gabriel, Malaikat yang kadeng pa dapana Sampulo. Iak isuro' loloa' mandiko mawa dongo maamen nii, mandiko. ²⁰ tantalinga le'nu, Moko, Iko bisu dan bea pande loloa' sampai samua bo'en nii amin ipadari, ule' na iko bea pacaya mandi bo' yang kuansanangen, mona' pa des sa ipadari sakala. ²¹ Kon umaten maenangi pa Zakharia, bo'ai manuen dia malaun aji lalam Sao/Bait Sampulo. ²² ia karuar, Zakharia bea pande loloa', ²³ watu ma apatang nga/keimamanya awis, Zakharia mole' mamdi langko na. ²⁴ Amina kadarianen tuu, Elisabeth maunting, lamun kale na limang bulan. Ia loloa' : ²⁵ na yang dapola Sampulo mandiak. Ia manyalik diak. Ia mangapus aibku dai tanga' tau ambat. ²⁶ Samanga untinga Elisabet anam bulan. Sampulo mangutus Malaikat Gabriel mandi jien sera kota pa Galilea ansana Nazareth. ²⁷ diutus isuro' sidua'ang dana anak buine yang tunangan dana burane ansana Yusuf katurunan Daud. ansan anak buineen tuu, Maria. ²⁸ tuu datang mandi Maria lon loloa': "Salam o iko yang diberkati, Sampulo siola' dannu". ²⁹ heran manantalinga bo'en tuu, ia makutawan alam atena, "bo' ai retina salamen tuu." ³⁰ Malaikaten tuu loloa' mandia;: " Dae ko matakut Maria, ule'na Sampulo mamare diko pangamase'an Na, ³¹ ule'nu, iko mona' maunting long kalapasan anak burane, ibare ule'nu ansanNa, Yesus. ³² moko padari maraa, iansan Anak Sampulo Paling idiboen" Kunyanyik Sampulo moko mamareang pada Dia tahta Daud, apu' ane Na. ³³ Ia moko mamarintah daisulina (kantuuruna) Yakup. Salaun-laun na dan Karajaan Na bea barenti. ³⁴ Maria long loloa' mandi Malaikaten tuu: "Kaungka pandena bo'entuu dari, iak nii kan apapa malaki". ³⁵ tuu manyauti dia long loloa' mandia, "Sampeayu malamba'i diko dan kuasa Sampulo diaasaten manyamboi diko. Ule'tuen na, Anak yang ikalapasangen tuu, iyatuu kalis/bening (kudus) dan iansan Anak Sampulo. ³⁶ " Ikatauanga le'nu, Elisabet sinsam nu te'e maunting bom alam toa na, Ia tuu yang longaen dansan tau tamanang sokiteen maunting anam bulan. ³⁷ beabo' bo yang bendari le'na Sampulo." ³⁸ loloa', "Totong aji Iak ni Ulun Na Sampulo, dari na moko makena yang iansanen Le'nu tuu." Malaikaten tuu tangkat manulak dia. ³⁹ Bea malaun amina tuen Maria siap-siap tangkat mandi bukiten ansana kota Yehuda. ⁴⁰ tama mandi langkona Zakharia long manajo pa Elisabet. ⁴¹ Elisabet mandalinga Maria manajo, anak alam buntinga ajak-anjakang kaliena , Elisabet long kapano'an Sameayu. ⁴² Elisabet long manyarawang , "Panyunyua ko / diberkatilah engkau dai kon biuineen dan panyunyua bom untingnu. ⁴³ Ine bait iak nii sampai Anduna Kunyanyik madai' mandiak, ⁴⁴ samanga ko manajo kudalinga mandi talinga ku', anak alama bunting ku' anja'-anjak sasaunyawa, ⁴⁵ na Ia yang pacaya mandi ai yang daansanang Sampulo ipadari. ⁴⁶ Maria long loloa': "Tio' ku' memuliakan Sampulo, ⁴⁷ sumangatku' sasau lalama Sampulo Panyalamatku', ⁴⁸ Sampulo amin na mamparitung ulun Na yang hina en nii, Tantanlinga ma, dai sokite en, dan mandi moko en, kon tau en moko mansanang pa diak sasau nyawa na. ⁴⁹ na Ia yang maha Kuasa en amin mamola bo' yang mara en mandi iak, dan kalis/kudus sa ansana . ⁵⁰ Rahmat ta ibaren ule' Na dari longen jolo, mandi tau yang matakuten mandi Ia. ⁵¹ amin payoang kuasa Na dana tangan Na. Ia mambor-amborang tau yang sombong pikiran ate na. ⁵² Ia maianturunang pa ira yyang bakuasa en dari tahta na ira. dan ma angkat ira yang maleo'/rendah ate na. ⁵³ Ia amin mangabasori tau yang karaparan dana kamaaman nen, dan mangusir tau kaya dana tangan boang. ⁵⁴ Sampulo amin manguluki Israel ulun Na, ule' na maingat rahmat ta. ⁵⁵ yang amin Da ansanang mandi apu' ane ta', mandi Abraham dan kanturun na sa laun-laun na. ⁵⁶ Maria ondo'-ondo' pa pada na Elisabet talun bulan laun na. Amin tuen ia mole' mandi langko na. ⁵⁷ Datanga waktuna Elisabet kalapasan, dan ia kalapasan anak burane. ⁵⁸ tau pa sao sikjabiringen dan kaluarga na mandalinga bahwa Sampulo amin payoang rahmat ta yang mara en, dan ira misit sasau nyawa saiyo' dana. ⁵⁹ Pa aso ka lapan nen ira kae manyunat tang anak en tuu. Ira kae mamare ansan Zakharia kena ansan ama na. ⁶⁰ anduna loloa' " bea, ia harus ibare ansan Yohanes,". ⁶¹ tau en tuu loloa' mandi Elisabet, " Beabo' sera pun kon sinsama nu yang ibare ansan, dan ansanen tuu." ⁶² Ira pun long manajo pa Zakharia ala mangatoanang ansan ai te' yang kae dabareangen mandi anak ka tuu. ⁶³ mamita papan tuli dan manulis kena inyen: "Ansana Yohanes," dan kon tauen samuana heran. ⁶⁴ Samangtu bom baba' na Zakharia tabuka dan lila' na bebas, ia long loloa' dan mamuji Sampulo. ⁶⁵ tau biringa ira matakut ule'na kadarian nen tuu. samua tauen mangisah kadarianen tuu pa desa bukit Yudea. ⁶⁶ samua tau yang mandalinga bo'en tuu makutawan alam atena ira , "kae padari ai ma anak ken nii moko?", ule'na tangan Sampulo manenden padia . ⁶⁷ Zakharia, amana Yohanes dapano'i Sampeayu dan bernubuat, kitee ungka: ⁶⁸ "Ipudi mo' Sampulo na Israel, ule'na, Ia manyule'i dan malanggoki Umat ta. ⁶⁹ Ia amin mangaidupang diki' tunjang kasalamatan dai kanturun na Daud ulun Na, ⁷⁰ yang Ia dongoangen malaloi baba' na Nabi-Nabi Na yang kalisen dai longaen jolo. ⁷¹ tuen na iki' dasalamat ka dai musuh-mush ta' dan dai tangan samua tau yang bonci' mandiki'. ⁷² Ia mamola kituu, ala payoang rahmata, mandi apu' ane ta', ule'na Ia manyanyawa buun/janji Na yang kalisen, ⁷³ sampata yang yang iansanang mandi apu' ane ta', Abraham, ⁷⁴ moko dalapasan dai musuh-musuh ta', maken na mona ' iki bea na matakut, pande paulun kale ta; man Dia. ⁷⁵ kakalisanta' salangke tio' ta'. ⁷⁶ Iko Anak ku moko iansan Nabi Sampulo idiasat, ule'na Iko moko lamba' manjoloi Sampulo, ala manyiapkan dalan Na. ⁷⁷ mambare pangartian bo' kasalamatan mandi umat Ta, Ia mangampuni dosa-dosa na ira. ⁷⁸ Ule'na Rahmat dan mangamase'i Na Sampulo mandiki' sinar mata aso manyinari diki' dai di bo. ⁷⁹ panyinari pa ira yang ondo-ondo lam bo' doomen dan jien dalam babayo maut, ala manenden kaki ta' mandi dalan dupan kaya senang. ⁸⁰ Anak ken tu pun maken mansang dan maken maraa, maken makaya alam sumangat, ta, ia ondo'-ondo' pa toan nen, sampai dess sa payoang kalena mandi Banua Israel.