¹ lalu, berape orak Farisi wan ahli-ahli Taurat dari Yerusalem atak ka Yesus wan madah, ² "ngape murid-murid-kao melanggar tradisi apek puyak? sebab, mpuya angin nyuci langan wa'tu makat roti!" ³ wan, Yesus njawab wan madah ka mpuya, "wan, ngape kao ugak melanggar perinta Allah demi tradisi kao? ⁴ kaena Allah bafirman, 'hormatilah apak wan umak kao, ⁵ namun, 'siape pun nang madah ka apak ato umak ya, 'ape pun nang li bare ntuk kao udah li persembahkan ka Allah,"' ⁶ ia angin perlu menhormati apak ato umak ya. ngan demikian, kao batalkan firman Allah demi tradisi kao. ⁷ kao, orak-orak munafik, memang banar nubuatan Yesaya tentang kao: ⁸ 'bangsa ntu menghormati aku ngan mulut mpuya, tapi hati mpuya jauh dari pada-ku. ⁹ wan, sia-sia mpuya menyembah-ku ngan mengajarkan perintah-perintah manusia." ¹⁰ wan, Yesus manggel orak banyak wan madah, "dangar wan pahamilah! ¹¹ bukat ape nang tama ka dalap mulut nang menajiskan orak, tapi ape nang kaluar dari mulut ya, ntulah nang menajiskan orak." ¹² lalu, murid-murid Yesus atak wan batanya ka Ia, "taukah kao bahwa orak-orak Farisi tasingung wa'tu ndangar pernyataan ntu?" ¹³ namun, Yesus njawab wan madah, "setiap tanaman nang angin li nanam oleh Bapa-ku nang ka surga akan li nyabut sampe ka akar-akar ya. ¹⁴ biarlah mpuya. mpuya na lah panuntun-panuntun buta dari orak-orak buta. wan, jika orak buta menuntun orak buta, kadua ya bisa labuh ka dalap lubak." ¹⁵ petrus madah ka Ia, "jelaskan perumpamaan ntu ka wakitu." ¹⁶ Yesus madah, "apekah masih angin paham uga? ¹⁷ apekah kao angin ngarati bahwa segala nang tama ka dalap mulut bisa turut ka parut wan li muak ka dalap jamban? ¹⁸ tapi, ape nang keluar dari mulut timbul dari hati, wan ntu lah nang menajiskan orak. ¹⁹ kaena dari hati timbul pikiran-pikiran jahat, pembunuhan, perzinaan, dosa-dosa seksual, pencurian, kesaksia palsu, wan fitnah. ²⁰ hal-hal ntulah nang menajiskan orak, tapi makat angin nyusi langan angin menajiskan orak." ²¹ lalu, Yesus ampus dari sana wan menyingkir ka daerah Tirus wan Sidon. ²² wan, seorak mbini kanaan nang barasal dari daerah na atak wan beseru, "kasihlah aku, Tuhan, anak Daud! Anak bini ku nang kerasukan roh jahat asa parah." ²³ tapi, Yesus angin njawab mbini na, sote kata pun. wan, muid-murid-ya, kata mpuya, "suruhlah ia ampus kaena ia kini tu malah suka ngampak." ²⁴ lalu, Ia njawab wan madah, "aku cuman li utus ka domba-domba nang hilang dari umat Israel." ²⁵ lalu, mbini na atak wan sujud ka kadap Yesus, kata ya, "Tuhan, tolonglah aku!" ²⁶ namun, Yesus njawab wan madah , "angin baik ngago roti mpuk anak muda wan munu ya ka asu-asu." ²⁷ mbini na njawab, "banar, Tuhan, tapi asu-asu na makat ramah-remah nang labuh dari meja tuan ya." ²⁸ lalu, Yesus, madah ka ya, "hai mbini, iman kao aya! tajadilah ka kao ,macam nang kao mao." wa'tu saat na ugak, anak mbini linyambuh. ²⁹ Yesus ampus dari sana, nuna tapi danau Galiliea. wan, laka mendaki ka atas bukit, Ia duduk ka sana. ³⁰ lalu, orak kajah atak notok Ia, maba orak-orak nang lumpuh, cacat, buta, bisu, wan orak banyak lain ya. lalu, mpuya ngurik orak-orak na ka batis Yesus wan Ia nyambuh mpuya, ³¹ sehingga orak banyak na taheran-heran wa'tu mpuya nele nang bisu ngomong, nang cacat li nyambuh, nang lumpuh bajalat, wan nang buta bisa nele. wan, mpuya memuliakan Allah Israel. ³² lalu, Yesus nyaru murid-murid-Nya wan madah, ''Aku kasih ka kadap orak ntu kaena mpuya udah besama ku salama tiga ari wan angin mau nyuruh makat. wan, aku angin mau nyuruh mpuya pulak kelaparan biar mpuya angin pingsan ka jalat." ³³ lalu,rombong murid madah ka iya, "dari mane diri namu roti nang banyak ka tempat nang sunyi mengenyangkan orak nang banyak ntu." ³⁴ Yesus batanya ka mpuya,''berape banyak roti nang kao mpuk ?'' mpuya njawab, "tujuh, wan berape ikat alus.'' ³⁵ lalu, Yesus merintah orak banyak duduk ka tanah. ³⁶ lalu,ia ngalap ka tujuh roti wan ikat-ikat na. wan,sambil ngucap syukur, ia macah-macah,wan marenya ka murid-murid ya,wan murid-murid ya mere ka orak banyak na. ³⁷ mpuya babis makat wan kajah kanyang lalu, mpuya ngalap potongan-potongan nang sisa, ada tujuh keranjang nang panuh. ³⁸ mpuya nang makat ada empat ribu orak laki-laki, angin tamasuk nang bini wan anak-anak. ³⁹ laka nyuruh orak banyak na pulak, Yesus tama ka perahu wan ampus ka daerah Magadan.