¹ wan, Yesus manggel kedua belas murid-ya wan mere mpuya kuasa atas roh-roh najis ntuk ngusir roh-roh na wan ntuk nyembuhkan segala macam penyakit manepun segala macam kesakitan. ² ntulah nama-nama kedua belas rasul na: nang pertama, Simon, nang li nyabut Petrus, wan Yakobus anak Zebedeus, wan Yohanes dua nyadi ya, ³ Filipus, wan Bartolomeus, Tomas, wan Matius si pengumpul pajak, Yakobus anak Alfeus, wan Tadeus, ⁴ Simon orak Zelot, wan Yudas Iskariot nang menghianati Yesus. ⁵ Yesus ngutus kedua belas rasul na wan merintah mpuya, "usah ampus ka jalat bangsa-bangsa lain ato tama ka dalap kota orak Samaria, ⁶ melainkan ampuslah ka domba-domba nang sasat dari ntara umat Israel. ⁷ wan, selama kao ampus, mberitakanlah ngan bekata, 'Kerajaan Surga udah samak.' ⁸ nyembuhkanlah nang sakit, hiduplah nang mati, tahirkanlah nang kusta, wan nguserlah roh-roh jahat. kao nerima ngan cuma-cuma, mberitakanlah ngan cuma-cuma ⁹ usah kao maba emas, ato perak, ato tembaga dalap ikat pingang kao, ¹⁰ ato tas ntuk bejalat, ato dua helai baju, ato sandal, ato tongkat sabab seorak pegawe pantas ntuk makat. ¹¹ wan, ka kota ato desa mane pun nang kao tama, selidiklah sape nang layak ka dalap ya wan diaplah ka sana sampe kao berangkat. ¹² wa'tu kao tama rumah na, berelah salam. ¹³ wan, jika rumah na layak, biarlah damai sejahtera kao turut atas ya, tapi jika angin, biarlah damai sejahtera kao kembali ka kao. ¹⁴ wan, siape jak nang angin nerima kao ato angin mao ndangar omongan kao, wa'tu kao keluar dari rumah ato kota na, kebaskan dabu batis kao. ¹⁵ aku madahkan nang sebanarya ka kao bahwa wa'tu hari pengahakiman, akan labih bisa nangong ya daripada kota na." ¹⁶ "tele, aku ngutus kao bage domba ka tangah-tangah serigala. ¹⁷ akan tapi, behati-hatilah tahadap orak-orak kaena mpuya akan nyerahkan kao ka Sanhedrin wan akan nyambuk kao Sinagoge-sinagoge mpuya. ¹⁸ wan, kao akan li maba ka kadap para penguasa wan para raja demi aku, bage kesaksian ntuk mpuya wan ntuk bangsa-bangsa lain. ¹⁹ namun, wa'tu mpuya menyerahkan kao, usah khawater tentang bagemane ato ape nang kao madah kaena saat ntu ugak akan li mere ka kao ape nang harus kao madah. ²⁰ sabab, bukat kao nang ngomong, tapi Roh Bapa kao nang ngomong ka dalap kao. ²¹ duanyadi akan menyerahkan duanyadi ka kematian, wan apak tahadap anak ya. wan, anak-anak akan melawan para orak tua wan mbunuh mpuya. ²² kao akan li benci oleh babis ya kaena nama ku, tapi orak nang bertahan sampe akhir akan li nyelamat. ²³ wa'tu mpuya menyiksa kao dalap sote kota, larilah ka kota nang lain. aku madahkan nang sebanar ya ka kao bahwa kao angin akan selesai ngelalu kota-kota Israel sampe Anak Manusia atak. ²⁴ murid angin melabih guruya, demikian ugak hamba angin melabih tuan ya. ²⁵ cukuplah jika murid njadi bage guru ya, wan hamba njadi bage tuan ya. jika mpuya nyambut tuan rumah Beelzebul, labih jaek agik ka anggota keluarga ya. ²⁶ "kaena ntu, usah kao gali tahadap mpuya sabab angin ada ape pun nang tetutup nang angin akan li madah, ato nang li munyi nang angin akan li nao. ²⁷ ape nang aku madah ka kao dalap patak, madahlah na dalam terang. wan, ape nang kao ndangar ka bisik telinga kao, beritakanlah ka atas atap rumah. ²⁸ usah gali ka mpuya nang mbunuh tubuh, tapi angin bisa munuh jiwa, melainkan labih gali ka Ia nang bisa memusnah jiwa maopun tubuh ka neraka. ²⁹ bukatkah dua iko buruk pipit li jual ntuk sote duit? wan, angin ada seeko pun dari mpuya bisa labuh ka tanah ka luar kehendak Bapakao. ³⁰ Bahkan, bu'u ulu kao babis ya tehitong. ³¹ kaena na, usah gali, kao labih bernilai daripada banyak buruk pipit." ³² "jadi, setiap orak nang ngaku aku ka kadap manusia, aku ugak ngaku ka kadap Bapa-Ku nang ka Surga. ³³ akan tapi, siape nang nyangkal aku ka kadap manusia, aku ugak akan nyangkal ya ka kadap Bapa-ku nang ada ka surga." ³⁴ "usah bepikir bahwa aku atak ntuk maba perdamaian ka bumi. aku atak bukat ntuk maba perdamaian, melainkan pedang. ³⁵ sabab, aku atak ntuk memisahkan laki-laki dari apak ya, anak mbini dari umak ya, menantu mbini dari umak mertua ya, ³⁶ wan munsuh seorak inalah dari anggota keluarga ya. ³⁷ siape nang labih mengasihi apak ato umak ya daripada aku, angin layak bagi-ku. wan, siape nang labih mengasihi anak laki-laki ato anak ya mbini daripada aku, angin layak bagi-aku. ³⁸ wan, siape nang angin mikol salib ya wan nuna Aku, angin layak bagi-ku. ³⁹ siape nang mempertahankan nyawa ya bisa kehilangan nyawa ya, wan siape nang kehilangan nyawa ya demi aku akan namu ya." ⁴⁰ "siape nang nerima kao, nerima Aku. wan, siape nang nerima Aku, nerima Ia nang ngutus Aku. ⁴¹ siape nang nerima nabi dalap nama nabi akan nerima upah nabi. wan, siape nang nerima orak banar dalap nama orak banar akan nerima upah orak banar. ⁴² wan, siape nang mere minum ka salah sote dari orak-orak nang amuk na meskipun hanya secawan ae dingin dalap nama seorak murid, Aku madah nang sebanar ya ka kao, ia angin akan kehilangan upah ya."