¹ Ti'alah punojih Injil Yesus Kristus , Nak Baipunopok , ² mah di'k ninulis wah kitab Nabi Yesaya: "Hononglah! Ku'k ngirim utusan-Ku'k tiatn so'k Mu'k di'k akan nyiapkan johatn nyak-Mu'k. ³ Biatn caho nyo berseru-seru no'k padakng himok: 'Nyiapkanlah johatn nyak Punopok, Jodikanlah johatn-Diapm bujuar.''' ⁴ Jodi Yohanes membaptis balo-nyo no'k padakng himok ngan nyonok baptisan putobatan nyak pungampunan dosa. ⁵ Ngan, sumua penduduk Yudea ngan sumua nyo Yerusalem monik kanu Yohanes. Diapm membaptis balohatn no'k sungi Yordan, samel balohatn ngaku'k dosa-dosadiapm. ⁶ Yohanes nginyak buhuh unta ngan punyotikng kuhiat no'k kopuadiapm. Diapm duak butak ngan madu tohutn . ⁷ Yohanes bukotbah ngan nyonok, "setelah ku'k biatn monik Nyo di'k lobiah bukuasa so'k ku'k. ku'k kai layak tunok ngan lopas tohih silup-Diapm. ⁸ Ku'k membaptis mu'k nyak pinkng, tutapi Diapm akan membaptios mu'k nyak Roh Kudus ." Yohanes Membaptis Yesus ⁹ Ngan, jodilah libo onu-onu han, Yesus monik so'k Nazaret, ahokng Galilea, ngan nibaptis oleh Yohanes no'k pikng Yordan. ¹⁰ Libonjeh kuluar so;k pikng, Yesus honong honyiatn tubutok ngan Roh mah monuak merpati monok kanu somu-Diapm. ¹¹ Ngan, biatn caho monik so'k surga, "Mu'k adalah na'k di'k kukasihi. Kanu-Mu'k Ku'k berkenan." Yesus Dicobai oleh Iblis ¹² mosik so'k han, Roh matn Yesus kanu padakng himok. ¹³ Diapm ponai no'k padakng himok sulama pat puhuk onu ngan dicobai oleh Iblis . Yesus ponai no'k antara binatakng-binatakng liar ngan para malaikat melayani Diapm. Yesus Nyonok Injil Baipunopok no'k Galilea ¹⁴ Mosik so'k Yohanes nipenjara, Yesus obu kanu ahokng Galilea ngan nyanok Injil Baipunopok. ¹⁵ Diapm nyonok, "Genaplah waktuk'ngi, Kurajaan Baipunopok jeh somak . Butobatlah ngan pucayaklah kanu Injil!" Yesus Miliah Balo Murid ¹⁶ Libo Yesus monik ngajek sonikng danau Galilea, Diapm honokng Simon ngan Andreas, posik'i, nopuah jala no'k danau karna balohatn adalah punyala ikatn . ¹⁷ Lalu, Yesus nyonok kanu balo nyo hantn, "Ngajeklah Ku'k, ngan Ku'k akan jodikanmu'k, punyala naksio." ¹⁸ Simon ngan Andreas lasokng notiak jala 'nge ngan ngajek-Diapm. ¹⁹ Libo Diapm obu lobiah ojuk gi'k, Diapm honokng Yakobus, na'k Zebedeus, ngan Yohanes, posikng'i, di'k ponai no'k ohut ngan agik maik jala. ²⁰ Kemudiatn, Yesus lansokng mangel balohatn ngan balohatn obu so'k pak'a, Zebedeus, no'k ohut busama ngan nakbuah'ha, lalu obu ngajek Yesus. Yesus Ngajar ngan penuh kuasa ²¹ Lalu, balohatn monik no'k kapernaum ngan libo onu sabat , Yesus namok kanu sinagoge ngan ngajar. ²² Balonyo takjub ngopikng ajaran-Diapm karna Diapm ngajar mah nyo di'k pu'k kuasa, kai mah ahli-ahli Taurat. ²³ Libo saat hatn, no'k sinagoge odiah nyo dahi di'k nih muatn nyahokng ngan diapm makas, ²⁴ kuatn, "Oniah urusan Mu'k ngan Mi'k, Yesus so'k Nazaret? Oniahkah Mu'k monik nyak komek mi'k? Ku'k tauk osiah Mu'k. Mu'k hanlah di'k Kudus so'k Baipunopok!" ²⁵ Nmun, Yesus makas diapm, kuatn-Diapm, "Ponai! kuluarlah so'k nyo tia!" ²⁶ so'khatn roh najis hatn ngucah-ngucah diapm samel makas ngan caho di'k saka, kuluarlah roh hatn so'kdiapm. ²⁷ Balonyo sumua takjub sehingga misiak kanu kayau'u, kuatn, "oniahkah tia? subuah ajaran bauh ngan kuasa!Diapm hitah roh-roh najis han ngan balonyo taat kanu-Diapm." ²⁸ Lalu, ngan copat berita tentakng Diapm nyebar no'k sumua ahokng sampai kanu sumua ahokng Galilea. Ma'k mertua Simon ngan Nyo Obia nipohik ²⁹ Segera setelah Yesus ngan murid-murid-diapm togatn sinagoge, balohatn tamok kanu homing Simon ngan Andreas, busama Yakobus ngan Yohanes ³⁰ Namun, nokng ibatn Simon sedakng guhikng karna mongiah, maka balonyohan segera nyonok pungodi kanu Yesus. ³¹ Yesus pun kanung'i ngan migitn tongan serta nulokng tokit. Seketika han gik'i mongiah'a moyapm ngan dayua han mulai layatn balonyohan. ³² Libo ngohipm minik, libo jeh motihsohonuh pojapm , baloyohan matn kanu Yesus sumua nyo di'k monapm ngan di'k ni hasokng muatn. ³³ Mosikhan, sumua penduduk kota bukumpul no'k jowi mitn homing han. ³⁴ Yesus puhik obia nyo monapm ngan bubagai macapm punyakit serta ngadok obu obia muatn. Akan tetapi, Diapm nohuh muatn-muatn han ngomong, karna baloyohan kinal Diapm. Yesus Budoa ngan Nyanok Firman ³⁵ Maji susokng, libo onu agi'k pitik, Yesus mokat ngan obu kanu subuah ahokng di'k sunyik, lalu Diapm budoa no'k han. ³⁶ Kemudian, Simon ngan balonyo di'k busama mogau Yesus. ³⁷ Libo balonyohan dopit Yesus, baloyohan nyonok, "Sumua nyo mogau Mu'k!" ³⁸ Ngan, Yesus nyonok, "Boh yah obu kanu kota-kota di'knyomak supaya Ku'k gik'i panai bukotbah kanu balonyo no'k nyih. Sobab, tialah alasan Ku'k monik." ³⁹ Karna han, Yesus obu menelusuri suluruh ahokng Galilea. Diapm nyonok firman nok sinagoge-sinagoge balonyohan ngan ngadok obu muatn-muatn. Nyo Kusta Nipohik ⁴⁰ Lalu, biatn nyo di'k monapm kusta monik kanu Yesus. Diapm memohon ngan bulutut kanu-Diapm ngan bukata, ' La'k Mu'k lua, Mu'k dopit losiatkan ku'k." ⁴¹ Honokng masik honokng'i, Yesus ngulurkan tongan-Diapm ngan nyentuh nyo han samel nyonok, "Ku'k lua. Jodilah tahir!" ⁴² Seketika han gi'k, punyakit kustadiapm monyapm ngan nyo han jodi tahir. ⁴³ Yesus lansokng ngadok nyo han obu ngan ngingatdiapm ngan topgas. ⁴⁴ Diapm nyonok kanungi, "yo'k nyonok oniah-oniah kanu osiah pun tentakng hal tia. Namun, obulah, hononglah mu'k kanu imam , ngan persembahkanlah kurban nyak kesembuhanmu'k seperti di'k nihintah oleh Musa subagai kesaksian nyak balonyohan." ⁴⁵ Akan tetapi, nyo han obu ngan mulai nyonok secara tubuka ngan nyebar berita han secara luas. Oleh sobab han, Yesus kai dopit agik masok ngan terakng-terakngngan kanu kota, tetapi ponai no'k sopok, no'k daerah di'k sunyi'k. Namun, nyo-nyo so'k sugala ahokng totap monik kanu-Diapm.