¹ Beberapa onu kemudian, libo Yesus boliak kanu kapernaum, biatn borita bahwa Diapm ponai no'k homing . ² Lalu, obeh nyo bupulua sapai kadiah ruangan agi'k, bahkan no'k sonikng mitnpun, dan Diapm nyono'k firman kanu balo nyo han. ³ Lalu, balo nyohan moni'k kanu Diapm, matn nyo lumpuh di'k ni ngado'k nyo pat kunan. ⁴ Libo balo nyo kai dopit matn nyo han kanu nyoma'k Yesus karna obeh nyo, balo nyo han pun muka'k howatn no'k somu Yesus. Setelah ni muka'k, balo nyo han pun tono'k tilapm ahokng nyo lumpuh han guhikng. ⁵ Libo Yesus honong iman balo nyo han, Diapm bukata kanu nyo lumpuh han, "Hai na'k-ku'k, dosa-dosamu'k jeh ni ngamputn." ⁶ Namun, beberapa ahli Taurat di'k guhu'k no'k nyih mulai bupiker wah oti balo nyo han, ⁷ "Ngoniah Nyo han bukata seperti han? Diapm sedakng menghujat! osiah di'k dopit ngamputn dosa-dosa kecuali Bai punopo'k maih?" ⁸ Yesus lansokng tau'k so'k wah Roh-Diapm bahwa balo nyo han bupiker-piker wah oti balo nyo han. Diapm nyono'k kanu balo nyo han, "Ngoniah mu'k bupiker seperti han wah oti mu'k? ⁹ Kiah koh di'k lobiah mudah, nyono'k kanu nyo lumpuh han, 'Dosa-dosa mu'k ni ngamputn', atau nyono'k, ' mokat, takat kasur mu'k dan bujalatnlan'? ¹⁰ Tapi han, ketahuilah bahwa na'k sio biatn kuasa no'k bumi nya'k ngamputn dosa-dosa." Yesus nyono'k kanu nyo lumpuh han, ¹¹ "ku'k nyono'k kanu mu'k: mokat, takat kasur mu'k, dan mohi'klah kanu homing mu'k." ¹² Nyo lumpuh han segera langsokng mokat, matn kasur diapm, dan obu kuluar, no'k jowi nyo obia. Balo nyo han sumua takjub dan memuliakan Bai punopo'k, serta nyono'k, "mi'k guatn suah honong hal di'k mah tia!" Lewi Ngaje'k Yesus ¹³ Yesus obu agi'k kanu sonikng danau, dan sumua nyo busama-sama moni'k kanu-Diapm,dan Diapm ngajar balo nyo han. ¹⁴ LIbo Diapm lalu, Diapm honong Lewi , na'k Alfeus, sedakng guhu'k no'k ahokng pumbayaran pajak. Lalu, Yesus bukata kanu diapm ''Ngajek_lah Ku'k. ''Lalu, Lewi pun tokit dan ngajek-Diapm. ¹⁵ Dan, semetara Yesus guhu'k dua'k no'k homingf Lewi han, odiah obia pengumpul pajak dan nyo-nyo budosa di'k juga dua'k busama ngan Yesus serta murid-murid-Diapm, karna no'k nyih obia nyo, dan balo nyo han ngajek Yesus. ¹⁶ Libo beberapa ahli Taurat so'k kulompok Farisi honong Yesus sedakng dua'k busama ngan nyo-nyo budosa dan pumulua-pumulua pajak, balo nyo han bupisia'k kanu murid-murid-Diapm, ''Ngoniah Diapm dua'k busama para penagih pajak dan nyo-nyo budosa?'' ¹⁷ Libo Yesus ngopikng , Diapm nyono'k kanu balo nyo han, "balo nyo di'k sehat kai merlu dokter, melaikng kan balo nyo di'k monapm. Ku'k monik kai nya'k mangel nyo-nyo odu'k, melaikng kan nyo-nyo budosa." Putayaan Tentakng Berpuasa ¹⁸ Murid-murid Yohanes dan nyo-nyo Farisi sedakng bupuasa. Beberapa nyo moni'k dan misia'k kanu-Diapm, "ngoniah murid-murid nyo Farisi bupuasa, tetapi murid-murid-Mu'k kai bupuasa?" ¹⁹ Lalu, Yesus bukata kanu balo nyo han, "Dopitkan para pengiring pungantetn bupuasa sementara pungantetn dahi bayu busama balo nyo han? Sulama pungantetn dahi han bayu busama-sama ngan balo nyo han, balo nyo han kai daopit bupuasa. ²⁰ Namun, onu han akan monik libo pungantetn dahi nimonu so'k balo nyo han, dan libo onu han lah balo nyo han akan bupuasa. ²¹ Kadiah nyo di'k namal kaikng oti di'k kujat ngan kaikng di'k bauh. Lak mahan, tamal kaikng di'k bauh han akan ngujat kaikng di'k oti, dan kujatan akan butambah daeh. ²² Dan, kadiah nyo di'k nyalikng anggur bauh kanu wah kantokng kuhiat di'k oti. Lak mahan, anggur han akan ngujat kantokng kuhiat han sehingga bai'k anggur maupun kantokng akan be'k. Subalikng'i, anggur bauh ningono'k no'k wah kantokng kuhiat di'k bauh.'' Yesus adalah Punopo'k atas Onu Sabat ²³ Dan, libo onu sabat, Yesus lalu mih gandupm, dan wah pujalatn, murid-murid-Diapm mulai monu hue'k gandupm. ²⁴ Lalu, nyo-nyo Farisi bukata kanu-Diapm, "Honokng, ngoniah balo nyo han hija oniah di'k langgar ukum onu Sabat?" ²⁵ Lalu, Diapm bukata kanu balo nyo han, "Guatn suah koh mu'k maca oniah di'k nihija Daud libo diapm dan balo nyo di'k busama diapm sedakng kekurangan dan bihia'k? ²⁶ Makiah cara diapm tamo'k kanu Homikng Bai Punopo'k libo masa Abyatar munjabat subagai Imam Daeh, dan dua'k roti pusembahan, di'k hanya tau'k nidua'k olehpara imam, dan gi'k'i nyilu'k roti han kanu balo nyo di'k busama diapm ?" ²⁷ Kumudian, Yesus bukata kanu balo nyo Farisi han, "Onu Sabat nimoki nya'k na'k sio, kai na'k sio nya'k onu Sabat. ²⁸ Jodi, Na'k na'k sio adalah Punopo'k, juga atas onu Sabat."