¹ Ubaiyanlah iko, hai bini-bini, tunuklah ongan lakiko. Sobab, apabila di hontakkan siak ada yang cada taat kapada Firman, siak dapat dimonang'n ulih tingkah laku bini siak caada kata-kata, ² sobab siak nihat batapa murninya dant terhomatnya tngkah lakuko. ³ Hinang kacantikinko baasal dari luar, misalnya dari mangobat bu'k, make perhiasan omas, atau mamake pake'n yang mahal-mahal. ⁴ Sabalik'a hunaklah kacantik'nko baasal dari dalamp batinko, lobe kacantik'n cada dapat layu, yang baasal dari roh yang lomah lomut dant tonang. Iyanlah yang baroga dimata Allah. ⁵ Sobab, batinak-batinak kudu pada zaman dolu'n ni,yang manaruh harapan siak kapada Allah, mampercantik diri siak; tunuk ongan laki siak. ⁶ Ubaiyanlah Sara taat ongan laki'a, Abraham, ia ngume'a 'tuan'. Iko adalah anak-anak Sara kalau iko babuat baik ongan cada di kuasai ulih asa golak waktu iko malaku'nnya. ⁷ Ubainyalah iko, hai bala laki-laki, hiduplah ongan biniko ponuh pengertian lobe siak kaum yang lomah. Hormatilah siak uba ahli waris dalamp narimak anugrah hidup biar doa-doako cada tahala'k. ⁸ Akhirnya, hunaklah iko samua ada kasatuan pikran , bolas kasih, kasih persaudraan, hati yang lomah lomut, dant karonahan hati. ⁹ Hinang malas kajehek'n ongan kajahek'n, atau pisuh ongan misuh. Sabalik'a, hunaklah iko memberkati sobab akek iyanlah iko dikume, supaya iko mawarisi berkat. ¹⁰ Sobab kitab suci bakata, dant hunak nihat hari-hari baik, ia harus manjaga lidah'a, dari yang kajahek'n, dant bibir'a dari ucap'n tipu muslihat. ¹¹ Ia harus manjauh'n diri'a dari yang jahek dant malaku'n ynag baik. Hunaklah ia gogak perdamain, dant ngojar'a. ¹² Sobab, mata tuhatn nihat urakng-urakng bonar, dant ponik'a ningak doa-doa siak. Ape muha-Nya manontakng urakng-urakng yang jawek kajahek'n.''Mazmur34:13-17 ¹³ Sope yang haga'n mancalakai iko kalau iko rajitn malakun yang baik? ¹⁴ Ape seandainya iko harus mandarita lobe kabonaran, maka iko haga'n diberkati.'' Hinag golak terhadap sika yang jawek iko mandarita.'' ¹⁵ Akan tatapi, kuduskanlah Kristus uba tuhat'n dalamp hatiko! Siap sedialah akek ngonyuk jawaban kapada sopepan yang manuntutko mangonek'e pangharapan yang iko umpui, ¹⁶ tatapi laku'nlah iyan ongan lomah lomut dant hormat, dant umpuilah hati nurani yang jornih supaya katika iko difitnah, urakng yang mancai cara hidup yang baik di dalamp Kristus haga'n jadi malu. ¹⁷ Sobab lobih baik mandarita lobe berbuat baik, kalau iyan memang pahunak Allah, daripada mandarita lobe babuat jahek. ¹⁸ Lobe Kristus udah mandarita lobe dosa-dosa, sakali akek samua urakng, yang bonar mati akek yang cada bonar, sampe Ia ulih ngabak kita kapada Allah. Dibunuh sacara jasmani, ape dihidup'n dalamp Roh. ¹⁹ Dalamp Roh, Ia hingkas dant malaku'n pambaritaan kapada ro-roh dipenjara, ²⁰ yaiyan yang dolu'nni cada taat ongan Allah ongan sabar nanti siak pada zaman Nuh,samantara Nuh mambangun bahtheranya. Malal'i bahteranya, ongkah dalapant urakng yang di salamat'n ulih arek bah. ²¹ Arek bah malambangkan baptisan yang manyalamat'nko. Baptisan cada akek marosih'i kotoran dari buka'k, tatapi marupakan permohonan kapada Allah akek sabuah hati nurani yang murni malal'i kabangkitan Yesus kristus, ²² yaiyan Dia yang naim kasabayant dant barada disabolah kanan Allah; satolah samua malaikat, bala pamaritah, dant bala panguasa ditunuk'n kapada-Nya.