¹ Sobab iyan, buaknglah samua kabocian, samua tipu daya, samua kemunafikan, samu hiri hati, dant sagala macapm fitnah. ² Uba bayi yang horu kalue, iko harus minum susu rohani yang murni biar iko batumuh dalamp kasalamat'nko, ³ kalau iko udah sungu-sunguh maasa bahwa tuhatn iyan baik. ⁴ Saat iko datakng kapada Kristus, Batu Hidup yang di tulak ulih mansia, ape dapilih ulih Allah dant dianggap sangat baroga bagi-Nya, ⁵ iko uba batu-batu hidup, yang dibangun jadi suatu rumah rohani, imamat yang kudus akek mampasomahan kurban-kurban rohani yang bakonan kapada Allah malal'i Yesus Kristus. ⁶ Kitab suci ngomong, ''Tihatlah, Aku malotak'n sabuah batu si Sion, sabuah batu panjuru yang dipilih dant yang mulia, dant sopepan yang pacaya pada-Nya cada haga'n dikamalu'i.'' Yesaya 28:16 ⁷ Jadi, batu iyan mulia bagi iko yang pacaya, ''Batu yang ditulak ulih tukakng-tukakng bagunan, udah jadi batu penjuru,''Mazmur 118:22 ⁸ dant manjadi, ''Sabua batu sanuk'n, dant karag yang jawe urakng jatu'k.'' Yesaya 8:14 Siak tasontuk lobe cada taat kapada Firman. Iyanlah jalatn yang udah udah ditontuk'n bagi siak. ⁹ Namun iko adalah bangsa yang tapilih, imamat yang rajani, bangsa yang kudus, umat kapunyaan Allah siku biar iko dapat madahan kabaik'n-kabaik'n-Nya, yang ngume iko kaluar dari golap manuju torakng-Nya yang ajaib. ¹⁰ ''Dolu'n,iko cada umat Allah. ape sakarkng iko umat Allah. Dolu'n, iko cada narima bolas kasihan, tatapi sakarkng iko udah narimak bolas kasihan Allah.'' Hosea2:23 ¹¹ Saudar-saudara yang kakasih, aku hunak manasehat'i iko sabage panatakng dant urakng asing didunia ini akek manjauh'n diriko dari hawa nafsu duniawi yang baprakng malawant jiwako. ¹² Jagalah tingkah lakuko dari hontakan urakng-urakng yang bolump pacaya supaya pas siak manfitnahko sabage palaku kajahek'n, siak dapat nihat parbuatanko yang baik, dant mamuliakan Allah pada hari palawatan. ¹³ Demi dama tuhat,n, tunuklah kapada satiap lambaga pamarintahan yang udah di totap,n ulih mansia, baik kapada raja sabage panguasa tingi'k, ¹⁴ hunapan kapada gubernur yang diutus ulih raja akek mahukump bala palaku kajahek'n dant pujian kapada urakng-urakng yang babuat baik. ¹⁵ Sobab iyanlah kahunak Allah: ongan babuat baik iko mambangun kacadapane'n urakng-urakng bodoh. ¹⁶ Hidupalah uba urakng-urakng yang mardeka, hinang pake kamerdekaan iyan sabage kedok bagai kajat'n. Ape hiduplah sabage hamba-hamba Allah. ¹⁷ Hormatilah samua urakng. Kasihilah saudara-saudara saiman, golaklah ongan Allah, dant hormat'ilah raja. ^{20 21} Sobab, akek iyanlah iko dikume, lobe Kristus mandarita akek iko dant ningalan taladat'n bagi iko supaya iko tiut jojak-Nya. ²² Ia cada babuat dosa, dant tipu daya caada dimulut-Nya. Yesaya 53:9 ²³ Katika Ia diejek, Ia cada malas ongan ejekan; katika Ia mandarita, Ia cada ngancapm, tatapi manyorahan diri-Nya kapada Allah yang haga'n mahakimpi ongan Adil. ²⁴ Ia sikuk udah nangukng dosa kita pada tubuh-Nya dikayu salib supaya kita mati tahadab dosa, dant hidup akek kabonran. ulih bilu-bilu-Nya, iko dismuh'n. ²⁵ Dolu'n iko uba domba-domba yang torus manorus tasosat, tatapi sakrang iko udah kambali kapada Sang Gembala dant palinuk jiwako.