¹ بۆیە دەبێت بە وردی گرنگی بەو وشانە بدەین کە بیستوومانە، وریا بین لەوەی لێیان لا نەدەین. ² چونکە دەزانین کە هەر قسەیەک کە فریشتەکان دەیگەیەنن، ڕوونە و چەسپاوە، هەموو سەرپێچیکارێک سزایەکی دادپەروەرانەی وەرگرتووە. ³ چۆن ڕزگارمان دەبێت ئەگەر ئەم ڕزگاربوونە مەزنە پشتگوێ بخەین؟ چونکە (یەشوای) پەروەردگار خۆی سەرەتا ڕایگەیاندووە، پاشان لەلایەن ئەوانەی ڕاستەوخۆ بیستوویانە بۆمان دەسەلمێندرێ. ⁴ خوداش بە نیشانەی سەرسوڕهێنەر و پەرجووی جۆراوجۆر، پشتگیری شایەتحاڵی ئەوانی دەکرد، بە بەهرەکانی گیانە پیرۆزەکە بەگوێرەی خواستی خۆی کە دابەشی کردبوو! ⁵ پاشان «ئەو جیهانەی کە دێت» کە زۆر باسی دەکەین، ملکەچی فریشتەکانی نەکردووە. ⁶ تەنانەت یەکێک لە شوێنێکی پەرتووکەکەدا شایەتیدا گوتی: «مرۆڤ چییە تا گرنگی پێ بدەیت؟ یان ڕۆڵەی مرۆڤ، کە بەم ڕێزەوە ڕێزی لێ بگرن؟ ⁷ بۆ ماوەیەک لە فریشتەکان نزمتری کرد، پاشان تاجی شکۆمەندی، و ڕێزت لەسەر دانا و دەسەڵاتت بەسەر هەموو ئەو شتانەدا پێدا کە دەستەکانت دروستیان کردووە. ⁸ هەموو شتێکت خستە ژێر پێی!» مادام خودا هەموو شتێکی بۆملکەچ کردووە، هیچ شتێکی نەهێشتووە کە ملکەچی ئەو نەبێت. بەڵام ئێستا هەموو شتێک لە ژێر دەسەڵاتی ئەودا نابینین. ⁹ بەڵام ئێستا دەبینین یەشوا تاجی شکۆمەندی و ڕێزی لەسەرە، لەبەر مردنە دڵرەقانەکەی. ئەمەش دوای ئەوە بوو کە بۆ ماوەیەک لە فریشتەکان نزمتر بووەوە، بۆ ئەوەی بە بەخششی خودا مردن بچێژێت لەجیاتی هەر یەکێکمان. ¹⁰ خودا مەبەستی بوو، کە هەموو شتێک لە پێناو ئەو بە ئەو بوونیان هەبێت، ڕۆڵەی زۆر بهێنێت بۆ شکۆمەندیەکەی وا لە ڕابەرەکەیان دەوەشایەوە ڕزگاریان بکات لەڕێگای ئازارەکانی. ¹¹ چونکە مەسیح ئەوانەی باوەڕیان پێی هەیە پیرۆزیان دەکات و ئەوانیش خۆیان پیرۆز دەکەن، یەک باوکیان هەیە. لەبەر ئەم هۆیەشە ​​مەسیح شەرم ناکات ئەوانەی باوەڕیان پێی هەیە بە برای خۆی ناویان ببات. ¹² وە دەڵێت: «ناوی تۆ بۆ براکانم ڕادەگەیەنم. وە لە نێو هەموواندا ستایشت دەکەم!» ¹³ هەروەها دەفەرموێت: «پشت بە ئەو دەبەستم!» وە هەروەها: «ئەوەتا من لەگەڵ ئەو ڕۆڵانەم کە خودا پێی بەخشیووم!» ¹⁴ کەواتە لەگەڵ ئەوەی کە ئەم ڕۆڵانە لە جەستەدا لە گۆشت و خوێندا هاوبەشن، مەسیحیش لە گۆشت و خوێن هاوبەشبوو بەوەی لەشی مرۆڤانەی وەرگرت. بەم شێوەیە توانی بمرێت، و ئەوەی دەسەڵاتی مردنی هەبوو، واتە شەیتان لەناو ببات، ¹⁵ ئەوانەش ئازاد بکات کە بە درێژایی تەمەنیان لە مردن دەترسان و ببوونە کۆیلەی. ¹⁶ بەڵێ مەبەستی ڕزگارکردنی فریشتەکان نەبوو، بەڵکو نەوەکانی ئەڤراهام. ¹⁷ بۆیە دەبوو لە هەموو ڕوویەکەوە لە براکانی بچێت، بۆ ئەوەی ببێتە سەرۆک کاهینێکی بەبەزەیی و دڵسۆز، لە کارەکانی لەپێناوی خەڵک لەبەردەم خودادا، و ببێتە قوربانی بۆ گوناهەکانیان. ¹⁸ بەو پێیەی خۆی، ئازاری چەشتووە تاقی کراوەتەوە، توانای یارمەتیدانی ئەوانەی هەیە کە ئامادەی تاقی کردنەوەن.