¹ ئەی منداڵان، گوێڕایەڵی دایک و باوکتان بن لە پەروەردگاردا. هەر ئەمەیە چاکە: ² واتە: «ڕێز لە باوک و دایکت بگرە» ئەمە یەکەم ڕاسپاردەیە کە بەستراوەتەوە بە بەڵێنەکەوە ³ « واتە بۆ ئەوەی چاکەیەک بدۆزنەوە بۆ تەمەن درێژیتان لەسەر زەوی!» ⁴ ئێوە، ئەی باوکان، منداڵەکانتان توڕە مەکەن. بەڵام بە ڕێنمایی پەروەردگار و ڕاسپاردەکانی پەروەردەیان بکەن. ⁵ ئەی خزمەتکاران، بە ترس و لەرزەوە گوێڕایەڵی گەورەکانتان بن، بە راستگۆییەوە، وەک کەسێک کە گوێڕایەڵی مەسیح بێت، ⁶ نەک تەنها کاتێک چاوەکانیان لەسەر ئێوەیە کاری زۆر بکەن وەک کەسێک کە بۆ رازیکردنی خەڵک هەوڵ دەدات، بەڵکو لەسەر بنەمای خزمەتکردنی مەسیح، ⁷ لە دڵەوە خواستی خودا ئەنجام بدەن، هەر وەک چۆن بە ویستی باش بۆ پەروەردگاری بکەن ، نەک بۆ خەڵک. ⁸ چونکە دەزانن هەرکەسێکتان چەندە چاکە بکات، پاداشتێک لە پەروەردگار وەردەگرێت، جا کۆیلە بێت یان ئازاد. ⁹ ئێوەش، ئەی گەورەکان، بەم شێوەیە مامەڵەیان لەگەڵ بکەن بەبێ ئەوەی پەنا بۆ هەڕەشە ببەن، بە زانینی ئەوەی کە گەورەکەتان و گەورەکەیان لە ئاسمانە، و ئەمەش لە بەرژەوەندی کەسدا نییە. ¹⁰ لە کۆتاییدا، لە هێزی دەسەڵاتی پەروەردگاردا بەهێزبن. ¹¹ چەکی تەواوی خودا لەبەر بکەن، بۆ ئەوەی لە دژی فێڵەکانی شەیتان خۆڕاگر بن. ¹² شەڕی ئێمە لە دژی گۆشت و خوێن نییە، بەڵکو لە دژی سەرۆکەکان، دەسەڵاتداران، گەورەکانی جیهان و فەرمانڕەواکانی تاریکییە، لە دژی هێزی گیانە خراپەکان لە ئاسمانەکاندایە. ¹³ بۆیە چەکی تەواوی خودا هەڵبگرن، بۆ ئەوەی بتوانن تا لە ڕۆژی خراپەدا خۆڕاگر بن، هەروەها دوای گەیشتن بە هەموو ئامانجێک چەسپاو بوەستن. ¹⁴ بۆیە خۆڕاگربن دوای ئەوەی ڕاستییەکان وەردەگرن وەک پشتێن لە ناوقەدتانی ببەستن، ڕاستودروستی قەڵغانێکە بۆ سنگتان، ¹⁵ وە ئامادەییتان وەک پێڵاو بۆ پێیەکانتان لە پێ بکەن بۆ ڕاگەیاندنی مزگێنی ئاشتی. ¹⁶ وە لە سەرووی هەمووشیانەوە، باوەڕ وەک قەڵغانێک هەڵبگرن، بەو قەڵغانە دەتوانن هەموو تیرە گڕدارەکانی خراپەکارەکە بکوژێننەوە. ¹⁷ ڕزگاریی وەک کڵاو بۆ سەرتان، وشەی خودا وەک شمشێری گیانەکە وەربگرن. ¹⁸ لە هەموو بارودۆخێکدا نزا بکەن، لەگەڵ هەموو نزاو پاڕانەوەیەک لە گیاندا، و بۆ هەمان مەبەست ئێشک بگرن، لە هەموو پاڕانەوەیەکدا بە تەواوی بە پەرۆش بن لە هەموو داواکارییەک لە پێناو هەموو پیرۆزکراوان. ¹⁹ لە پێناو منیشدا بۆ ئەوەی هەرکاتێک دەمم کردۆتەوە بۆ قسەکردن سروشم پێبدرێت بۆ ئەوەی بە بوێرییەوە نهێنی مزگێنی ڕابگەیەنم ²⁰ من ئەو باڵیۆزەم بە زنجیرەوە بەستراوەتەوە، بۆیە دەبێ بوێر بم لە ڕاگەیاندنی وەک چۆن دەبێت قسە بکەم. ²¹ وە بۆ ئەوەی بارودۆخ و هەواڵی کارەکانم بزانن، تیخیکۆس، برایەکی خۆشەویست و خزمەتکارێکی دڵسۆزە لە پەروەردگاردا، هەمووشتێکتان پێ ڕادەگەینێت. ²² منیش هەر بۆ ئەم مەبەستە ناردوومە بۆ لاتان: بۆ ئەوەی بارودۆخی من بزانن و دڵتان هان بدەم. ²³ ئاشتی بۆ برایان، وە خۆشەویستی بە باوەڕەوە، لە خودای باوک و پەروەردگارمان یەشوای مەسیحەوە! ²⁴ بەخشش بۆ هەموو ئەوانەی پەروەردگارمان یەشوای مەسیحیان خۆشدەوێت بە خۆشەویستییەکی نەفەوتاو!