¹ Ia oya mudou qai tu dei ina lalaga sa va lalaga tai eda a Karisito, qa mudou uwa tao tai leqa i na i vua mudou bobula ina. ² Une, sa au o Paula au sa aya vei emudou, e va'a dou sa vele'e no a vei cilivi, ena vatawayaga tai ina vei emudou s Karisito. ³ Niu sa vadinadina vei edra tamata yadua sa cilivi, ni dra sa vauci tu me muria ai vunau tauco'o. ⁴ Dou sa tawase tu mai vei Karisito, oi emudou tauco'o ga sa tautauvata mo dou vadonui emudou nai vunau, dou sa qai oto mai na loloma. ⁵ Sa vabauta da sa wara i nia qa vanuinui ina, ina vei vue ni yalo tabu, meda vadonui. ⁶ Ni da sa tu vata ei Karisito Jisu, sa maqa ni yaga me cili, se me maqa ni cili, sa yaga vaabauta sa dau ca'aca'a yaco na loloma. ⁷ Dou ovu va re i mada, ocei be'a sa tarovi emudou mo dou uwa ni talairawarawa ina i na vavuvuli dina? ⁸ A vadinatia ai sa maqa ni mai vei oya sa tarogi emudou. ⁹ E dua ti'i ni leveni lailai sa valenitai nia e dua ai buli tauco'o. ¹⁰ Au sa vararavi vei emudou i na vu'u ni Turaga, ni dou na maqa ni loma vatani; ia oya ga sa vayavalati emudou, ena rawatia a ena i sau, io oya yadua. ¹¹ Ia o yau, a veiweani, e va'a au sa vunau tai nia a veicili, cava au sa vacacani no ina? Sa qai mudu a vei vatarabetai na vu'u ni kauvelati. ¹² Au sa gutia meu mudui edra tani odra dra vayavati emudou. ¹³ Ni dou sa tarogi, a veiweani, mo dou lalaga; ia mo dou uwa ni lalaga me tubu ina a vayago, qa mudou ia no ga a veivue ni veilomani vai emudou. ¹⁴ Ni sa ca sara a vunau i na vosa e dua bau, iai ga, mo lomani a aiomu me tautauvata ni sa lomani lo. ¹⁵ Ia e va'a dou veiata'a vei ani vai ei emudou, dou una vare de dou na vei varusai vai emudou. ¹⁶ Ia au sa aya vei emudou, dou lao voli i na yalo tabu, qa dou maqa ni vele'e a gagadre ca ni tovo va yago. ¹⁷ Ni sa vei vala a gagadre ni tovo vayago ei na yalo tabu, sa vei vala a Yalo Tabu ei na tovo vayago: ia sa veimecai odri ai; dou sa maqa ina ni vele'e a dou gutia. ¹⁸ Ia e va'a sa tuberi emudou a Yalo Tabu, dou na maqa ni lewai na vunau. ¹⁹ Ia sa votu a ca'aca'a ni tovo vayago, qa sa ve ai, adauveibutaoci, a daudara, ai valavala tawasavasava, a dau garogaro, ²⁰ A dau soro na vei matakau, a dau valaisausau, a dau veicati, a dau veiqati, a dau civo civo, a dau veilaba, a vei seivavuravura, vei seivalotu, ²¹ A dau vuvu, dau mateni, a dau marau vakalialia, ei na veia sa va'a ina au sa aya vei emudou, me tautauvata niu sa aya maawa leqa ga ni na maqa ni rawatia a matanitu ni Alou odra dra vele'e no a ai. ²² Ia a vua ni yalo tabu a loloma, reki, a vacegu, a voosotia vabalavu, a yalomalua, a yalo loloma, a vabauta, ²³ A Yalo malumalumu, a i valavala malua; sa maqa ai vunau sa civoti ina a vei a tauco'o ai. ²⁴ Ia odra sa oi Karisito sa vaotia ina kauvelatai ai tovo vayago ga ei na dodomo ca ei na gagadre ca. ²⁵ E va'a eda sa bula dou lao voli ena yalo tabu, dou lao voli leqa ga na yalo tabu. ²⁶ Me uwa ni gutia me da doai wale ga, se vei civoti se vei vuvutai.