¹ Oi emudou a veiweani, eva a sa vaidacala tai edua tamata mei valavala ca, modou vaare tai oya ina yalomalumalumu, oi emudou sa vayalo, qa vaunei io, de o dauveretai leqa ga. ² Dou vei vue ni cola tia a omudou i colacola, qa mudou vayacoria ina a vunau i Karisito. ³ E va'a e dua sa nanumi oya me a levu, ia sa awale ga, sa qai vaisini oya vai oya. ⁴ Ia me lewa deivai a ona ca'aca'a a tamata yadua, ena qai rei tai oya ena vu'u i oya ga qa maqa ni vu'u na a tani: ⁵ Ni na colata a ona i colacola a tamata yadua. ⁶ Ia oya sa vavulici oya na vosa, me solia ai votavota ni a tauco'o ga e are vei oya sa vatavulica. ⁷ MO dou uwa ni vaisini emudou a Alou e maqa ni valialiai; a tauco'o ga ena aburainia a tamata ena tamusuia leqa ga oya. ⁸ Oya sa aburainia ai tovo vayago, ena tamusuia a rusa mai na tovo vayago; oya sa aburainia ani yalo tabu, ena tamusua a bula tawamudu mai na yalo tabu. ⁹ Ia meda auwa ni da cegu oca ina valavala re, ni da na tamusua a ena yabai, e va'a eda maqa ni oca ¹⁰ Oya ai, ni sa rawa me i valavala re vei edra tamata tauco'o ga, qa valevu i edra a veitoani ena vaabauta. ¹¹ Dou gavia a mata ni vola lelevu au sa vola ina vei emudou ina oqu liga dina. ¹² O odra sa mata rairai re vayago edra sa vasauraratai emudou mo dou cilivi; me_dra uwa ga ni vacacani e na vu'u ni kauvelatai oi Karisito. ¹³ Ia odra sa cilivi edra na maqa ni talairawarawa i na vunau edra gutia ga mo dou cilivi medra marau tai nia ina a omudou lewe. ¹⁴ Ia o yau me ewa sara dua a tani meu marau tai nia, a kauvelatai ga ni oda Turaga o Jisu Karisito, oya sa vaoti i na vei au ina kauvelatai na veia va vuravura, o yau leqa ga ina veia va vuravura. ¹⁵ Ni sa maqa ni yaga me cili, se me maqa ni cili, sa yaga ga me tamata yalo vou. ¹⁶ Ia me yaco a vacegu ei na loloma, vei edra sai valavala me tautauvata ga ai varau ai, vei edra leqa ga a Isireli ni Alou. ¹⁷ Me uwa ni dua me vararawa tai au i na gauna imuri: ni sa tu ga noqu gau a weni mavoa e na vu'u i Jisu ¹⁸ Me notu vata ei na yalo mudou, na veiweani, a loloma ni Turaga o Jisu Karisito Emeni.