¹ Na'con tahuëriquëran, trigo sënacaiso' tahuëri nicanquirin naporo' tahuëri Sansón chipo'ahua masahuaton pa'nin sa'in nicapon. Ina yonquiaton "Naporin, caso' pas'sarahuë sa'ahuë huë'erinpa nicapo". Topirinhuën sanapi pa'piniso co nohuantërihuë aya'conacaso. ² Sanapi pa'pinso tapon, "Co'tama nahuantëranhuën ta'to a'nara amiconën, nani quëtërahuë nipirihuë a'na cain quëran noya noyaron ya'huëarin, ¿Ma'ta tënan? Ina maquë' topirahuë' a'na yahuërënamën itërin". ³ Sansón inahua' itapon, "Inapotëramaco ni'quëhuarë carimanta ihuërë taranquëma, canpita tëhuërama ni'ton napotëranquëma itërin". ⁴ Sansonso' pa'sahuaton, cara pasa anashi pochin nininso' masahuaton, catoya catoya huinamën quëran a'sonin, inapotahuaton. Yanatëtë pochin nininso masahuaton, huinamën catoya catoya tonpoantëra' piarin. ⁵ Nani yanatëtë' pochin nininso', tonpotohuachina i'chimitërin i'chimitërin ni'tonanashiro'saso' huiristioro'sa trigo mapiso'taëchin a'parin, ya'ipi trigoro'sa oparo'ro'sa oriparoro'sa inapita huiquitërin. ⁶ Huiristioro'sa natantopi: "¿Inta' naporin?" Topachinara itapona, "Sansón, naporin timnato, quëmapi mi'sën naporin itopi, timnatoso' quëmapiri Sansón sa'in osërëtahuaton amiconën" quëtërin ni'ton inaporin itopi. Napotohuachina huiristioro'saso pasahuantona, sanapi po'pinë' chachin masahuatona ahuiquitopi. ⁷ Sansonso' huiristioro'sa itapon, "Inapochin ninama' nicoarë carinquëmanta i'huërëtaranquëma inapotahuatën quëma tananpitaranquëma. ⁸ Napoaton Sansoni huiristinoro'sa ahuëaton yaquira'piarin inaquëran sansonso' pa'nin Etam natëtëana itopiquë pa'sahuaton yahuëconin. ⁹ Inaquëran huiristioro'saso cota huëntonquë sontaronënpitarëchachin ahuëtacaiso marë noya nitapasapi Lehi itopi'pa pa'pi. ¹⁰ Cuta huëritonso' itapona, "¿Onpoatonto' ahuëama caiso marë huëntarama? itopi" Inahuariso itapona, "Quiyaso' huë'sarai Sanson, macaca'huaiso marë macatoi onpotërincoisona quiyanta' ina pochin nita'huaiso' marë huë'sarai itopi" ¹¹ Inaquëran carahuaranca cuta sontaroro'saso Etam motopia'hua naninquëpa' pa'pi. Inaquëran Sansón itapona, "¿Co'na quëmaso nitotëranhuën huiristioro'sa hua'anëtërinpoaso? itopi. ¿Ma'ta inaso co manta onpotërinpoahuë, itopi?" napotohuachina Sansoni itapon, "Inahua mini inapotërinaco, napoaton carinta' i'huërëtërahuë tënin". ¹² Napotopirihuën inahuari Sansón itapona, "Quiyaso o'marai tonpoatinquën huiristioro'sa quëta'huaiso marë itopi". Napotopirinahuë Sansonta' inahuapita itapon, "No'tëquën nunco' nipachin ama' canpitaso tëpacoso huë itërin". ¹³ Inahuariso itapona "Co quëyarinquënso' tëparainquëhuën topinan noninquë topoarainquën inapotahuatëinquën, yo'sarainquën itopi. Notëquën quëyarinquënso co tëparain quënhuën". Itahuatona inahuari cato nonin nasharinquë tonpopi huachi, inapotahuatona notëtëana quëran napëintapi huachi. ¹⁴ Nihiquë huëpachina huiristioro'saso yai yai tërisapi quëran nacapipi co'huara quënayantëraisohuë. Sinioro anquëninëni huëcapaimarin ni'ton chiniquën ninin. Napoaton tonpopiso a'noroachin oshitërin në mëtë huiquëtë pochin imirinquëran anotërin. ¹⁵ Sansoso' mora cohuiratë quënanahuaton manin inaquë ahuëtaton huaranca piyapiro'sa tiquirin. ¹⁶ Sansón tëcapon, "Iso mora cohuiratëquë notohuaro' ayamotërahuë a'na cohuiratëquëichinquë huaranca piyapiro'sa cari tiquirahuë tënin". ¹⁷ Sansonso naporahuaton cohuiratë' tëyatërin ina tëyatahuaton tënin, isoso' itarahuë Ramat Lehi itarahuë tënin. ¹⁸ Inaquëran Sansonso yamoroton Sinioro nontaton naporin quëma Sinioro quëtëranco ni'ton canatërahuë quëma piyapinënco ni'ton catahuaranco itërin. "¿Nipirinhuën ipora caso' yamoroto yachiminahuë, nipirinhuën co marcahuanhuën, nipisopita nohuantëran macainacoso to tënin?" ¹⁹ Nopotohuachina Yosëriso' Lehi itopiquë, i'soatërin a'na naninquëran i'shaso' pipirin. Ina o'opachina naquëranchin chiniantarin. Nopoaton inariso nohuitaton napotërin, isoso nipirinhuën Hacore, itërin Lehi itopiquë iporahuan ya'huarin. ²⁰ Naporoquërahuarë', Sansoni Israiro'sa hua'anëntërin huiristioro'sa quërahuarë cato shonca pi'ipi' hua'nëntërin.