¹ Omunyasi aribha asorirwe kurwa muubhatu abhandi, asorirwe kwimerera iguru wabhu kubhigiro bhye Eryoobha, baarushe kwa hamwe esambo no omuhero kwe ebhibhihu. ² Aranagya kukora kwoobhunyoohu, abuageege na abhaahaka, kwookub ha omwene wosi yiiruguturibwe noobhunyaaku. ³ Kwookubha niiguru wazo ookurushyaoomuhero kwo amang'ana gaye amabhihu kyeego bhaakukoora aabhatu bhano bhaakoriri amang'ana amabhihu. ⁴ Atariho omuutu wuno akugeega obwisuki bwaaye omwene, nawe kiinga, aahatikwe abhirikirwe ne Eryoobha kyeego aahabha Hruni. ⁵ Kyeego Kristo aatiheri obhusuuuki omwene no okwikora omwene kuubha omunyasi oomukuru, nawe kiinga Eryoobha riikagamba kunewe, "Awe ni mwana waane, reero nibheri wuuso wenhyu. ⁶ Ni kyego akugamba aahagiro ahandi, awe nioomusengeri siku zyoosi zya Merkizedeki. ⁷ Eriibhaga ryoomubhiri gwaye, aakasabha no okusaabhirwa, aakasabha Eryoobha kwe azingusuri, kunewe wuno akunagyaa ookumusakirya ookurwa muuruku kwookubha yoobwihombi bwaaye kuuribha, akitengererwa. ⁸ Igabha ahabha mwana, aakega ookusuka kuumang'ana gaano gaamunyakirya. ⁹ Akakorwa kuunzira yino akabha kuumutu wuno akumwigwa kubha mwethuturya kiimera. ¹⁰ Kwo okwagwane Eryoobha kubha omwisengeri omukuru kwe eriibha rya Merkizeedeki. ¹¹ Tunaamang'ana aamaru go okuhaya ga Yeesu, nawe ni kuukong'u okuubhabhurira kwookubha emwe mbhatobhu muuri bhookwigwa. ¹² Ingabha kwe eziisiku ziino murenderwa kubha mabhegya murenderwa kubhona oomutu wookubhegya amaahokya geeng'ana ye Eryoobha. Muurenda amaabhere, muutakwenda biakurya biikong'u. ¹³ Kwookubha wuno woosi aakunywa amabhere agene, muukyari kuunara, kwookubha mukyari bhaana. ¹⁴ Kwookubha ahagiro ahandi eebhyaakurya eebhikong'u nibhyaabhatu aabhakuru, baano bhaamariri ookumenya eekigiro eekibhihu ne ekizomu beegibwe okumenya eerizomu ne eribhihu.