¹ Egoo, turenderwa kungeniha tuutazaa kurekera wuu mwe wetu atatama kuhikira obhurage bwaa Eryoobha bwo kusikira kubhumunyoo bwa kirakeghoo. ² Kuuhukubha tunaamang'ana amazomu iguru obhumunyoo bwa Eryoobha kyego Abizraeri bhari naghoo. Nawe, bhanoo bhagigwiri ghatabhasakirye kukubha bhatagikirirye. ³ Etwee bhano twikirirye niitwe turasikire mubuumunyo mukogyego gahayirwe kyeego nkirahira nkabha ntindiri bhatakusikira kumunyaa owane, akahaya kubha ingabha emirimo gyosi gino gyari giwiri kwema obhutangiro bhwesi. ⁴ Ndiigwa orusiku rwa muhungatii arugambiriku kubha orusiku rwa muuhunga Eryoobha rikamunyaa kuu goosi gaano akoriri. ⁵ Kweki obhugiri, bhatakusikiraho bhumunyiro bwane. ⁶ Kukubha ya gayo kwema obhumunyo bwa Eryoobha, ekyari ni erikukuu kuubhatu abhamwe kusikira Abhiziraeri bhaaru bhakigwa amang'ana amazomu go obhumunyo nawe bhakatama kwikirirya kusukaa. ⁷ Eryoobha rikajaho orusiku orundi reero, akongererya orusiku ruyo kuhitira kuu Daudi wuuno yekerenie ibhaga itaabhi iguru waa gano gakerenibhwe ibhaga itambi hano gatangirii hano rero murigwe eriraka ryaye mutakongya ezikoro. ⁸ Yingabheri Yoshua yabheri obhumunyo Eryoobha ritaambi kugamba orusiku rundi. ⁹ Kyego ghari obhumunyo bwaa obhusengeri bubhikurwe abhatu bha Eryoobha. ¹⁰ Wino woshi akusikira mubumunyiro bwa Eryoobha arabha amunyiri iguru wa amahokya gaye kyego Eryoobha rikorirkuhitira ewe omwene. ¹¹ Twoosi twigongerye okusikira mubhumunyo ataza kubhoneka wa kugwa mubwagani bhuno bwakorekiri. ¹² Kukubha eng'ana ga Eryoobha ni horu erigwa etakukwa,enezinguru rinaa obwooge kukira bwa eerisabha nyambotho, rirokya bhukong'u kuhikira kwataniaa ekoro na omubhiri rinoo rikutura kumenya amisego gha mukoro yoosi kino ekwenda. ¹³ Kitariho kino kyoosi kyabhumbirwe kitighe kurorekana mubhusho bwa Eryoobha bhigiro bhyoosi biterwe mwangara kubweru mumeso gha wumwe tee tubhare. ¹⁴ Hano thukumara tubhone omusengeri wuno yasikiri mwisaro Yeesu omwana waa Eryoobha tumwikiri kuzinguru zyeetu vyosi. ¹⁵ Kuukubha tutana musengeri omukuru wino atana mabhira iguru ga abati baye, banoo bhatanoo, obhunagya, nawe wosi abheri arasakibwa kya netwe ewe atana bhusarya. ¹⁶ Thugende thukakamukiri kukitumbi gya kimera kyebhigongi hano tukumara tubhone orubhango rwa kutusakirya hano rukwenderwa.