¹ Kwokubha twinarirwe neerisaro ikuru ryobhuhizi,turekere kira kigiro kino kikuturitohera, hamwe na amabhihu gano gakutwinara kwabhunyohu. Turyare endyari kukubha yo obhuhakani bhuno bhutukangatirye, ² Twerekerye ameso getu kuu Yeesu. Wuno yatangatiri noomutumaririrya emigiro gyetu, wuno yateriho obhuzoma akikong'ererya kumusarabha, akirega kuzisonizyaye, akikara hasi wo kubhoko kwo bhuryo bhwe ekitumbi kyeekare kya Taatabhugya. ³ Kumisegi ga wno akikong'ererya amang'ana ghaabhabhi gano. ⁴ Mukyari kunyaka no okumira etubhi mrahakana na amabhi kwa kuhwerwa amanyinga. ⁵ Kwookubha mwebhiri okusingiriribwa kuno kukubherekererya kyabhana bha kisubhe: "Mwanawane, otagagega hinyohu amakyo ga Taatabhugya, otaza kukwa mwoyo hano okukyorwa na newe". ⁶ Kwookubha Taatabhugya arakyosya woyo wosi amusengiri, kwokumukyora omwana wuyo wosi wuno akumutura. ⁷ Ndikong'ererya munyako Taatabhugya arabhanyakira, kyego akumyakira abhana, kwokubha ni mwanaki wuno wise wabhu atakumukyora? ⁸ Kukubha etareho eng'ana yokukyorerwa. Kwokubha twosigo turihamwe, gisiri kurora emwe mutari hanabhaye. ⁹ Kuugosi gayo twari na bhataata mukyaro bhokutukyora tukabha higanira, bhano tutakwenderwa kumuhiganira Taata wiguru no ukwikara? ¹⁰ Kwookubha bhataata bhakatubhoha miaka misuhu kyabhurya garorekeni bhuzomu kwebho, ira Taatabhugya aratubhoha kwokubha tubhe nawe hamwe kubhusambaruku. ¹¹ Kitareho kibhoho kino kikuzomererwa kwibhaga rio, ibaga rindi garibhurwa amahokya amazomu. ¹² Mwinure amabhoko genyu ghano gakurigita na kukora amaru genyu gano gatana amanaga gabhe na amanaga. ¹³ Mugorore ebhirenge kuhitira muzinzira zyenyu. Uno arabhe mrema atakuhurwa mubhubhi kukubha abhone abhahoru. ¹⁴ Mwendere obhuhoru bhwa abhatu bhosi, eng'an yoobhweru. Murikutatira gaye mutakumurora Taatabhugya. ¹⁵ Mubhe bhang'eni, ataza kubhoho uno araturwe embarika no obhwerubhwo omuturya, no kukubha ritazakuza eritina ryo obururu rino rirasebhuke no no okureta enyoko yoobhusarya kubhandi. ¹⁶ Mwangarire kuamang'ana amabhi kumutu omusarya ka aEsau kwookubha ye vyakurya vya orusiku orumwe akagurya ehene yaye. ¹⁷ Mumenyiri kubha ibhaga rindi, hano yarohererye okugabha orubhanga akarekibhwa, kwokubha atabhweni omweya gwo okuhiganira wise, ingabha yeenderiri bhukong'u kwa ngusuri. ¹⁸ Kukubha mutiziri mukiguru kino kikugwatwa nookwaka omuriro, ekirima, kuniha nookutamatama. ¹⁹ Mutiziri ne ndiryati, na kumang'ana gano gakukora bhano bhwakwitegerera bhatige kusabha na kutegerera ing'ana ryoryosi. ²⁰ Kukubha bhatanagirye kwikong'ererya, kukino kigambirwe. Aribha etyenyi yino ekugwata kukiguru, kugayo eratemwa na amagina. ²¹ Ryokuhaya bhukong'u, gano yaruuzi Musa akagamba. "Narindobhoha bhukong'u nibhagarindi nkirigita". ²² Obhukiranya obundi bhwiziri mukiguru kya Sayuni ni mumugye gwa Taatabhugya wuno areho siku zyoosi, Yerusareemu ya mwisaro, kubhamaraika bhwikwi ikumi bhano bhakuzomererwa. ²³ Mwiziri mwikumaniro rya abhibhurwa bhobhukangati bhoosi bhano bhikiriribhwe mwisaro, ku Taatabhugya omwimerereri wa bhoosi na kuzikoro zyabhano bhikirirye ezinyangi. ²⁴ Mwiziri kuu Yeesu omutongeri woobhurya obhuhya, na kumanyinga gano gasusutibhwe gano gakugamba amang'ana gho obhuhoru kukira amanyinga ga Habiri. ²⁵ Waangarire otaza kwanga umwe waho uno akukerenya, kwookubha bhatahabhiri kuuno bhahanga bhangiri, wumwe waho unoyabharekirye mukyaro, kubhuheene tutakuhabha aribha tutikyoriri kure kureka kuurya aturekirya kureka mwisaro. ²⁶ Eribha riyo eriraka ryaye rikasingisya, bhoonego arusirye obhurage nookugamba "Tukyari kwibhaga rindi ntakusingisya ekyaro ekyene", amasaro goosi. ²⁷ Amang'ana gayo, "Rugendo rumwe kweki," ererekya kurusibhwaho kubhigiro bhirya bhikurigitibhwa, bhio mbigiro bhino bhibhumbirwe, kukubha bhino bhitarigitiri bhirasaga. ²⁸ Bhoono twikirirye obhukangati bhuno bhutakurigita, tuzomerwe kwiibhaaga ryokumukumya Taatabhugya kwa kwikirurya nokuhigama kuriiyo. ²⁹ Kwo kubha Taatabhugya ni muroro guno gukutakuna.