¹ Obhugambibhuno tee nebhokwirirya kyego omutu akwigomba akwiimenererera arigoomba omarimo omuzungu. ² Kwookubha omwimerereriatazakubha anaamasoro abhe omteti wokari wumwe. Abhe neekisuhu, abhe na emisego, abhe no obhuzabhyo, omsambaruku. Abhe no obhunagya bhwookwegya. ³ Atabhe mwunywi wa marwa, atabha mtindi, abhe munyoohu, abhe no obhuhoneeru. Atabha musegi wa zihera. ⁴ Arenderwa abhimereere kisi abhaatu bhayika waye omwene, na abhanu bhaye bharenderwa, tee abhana bhaye bhamusuuke kubhusuki bhwosigo. ⁵ Kwookubha omuutu atamenyiri okwimererera abhatu bhaye Eriobha mwene aranagya bhuri okuritugya erisengero rye Eriobha. ⁶ Abhatu mwikirirya muhya, kweego ataza kwiheema nookugha mukibhoho kyo omubhisa. ⁷ Tee abhe na amikuomo mazomu kuubhano, bhariigutu, ego azakugwa kwo zisoni no omutegho gwo omibhisa. ⁸ Abhashemasi, ego ego bhorenderwa kuhabhwa obhusuuki, bhatabha bhwantemera ibhiri. Bhatanywa amarwa tee bhatige umooyo. ⁹ Bhanagye ukuituga omuzomu gwe eheenegerekibhweeni. ¹⁰ Bhabhe bherekenibhwe bhutange,kweki bhanagye kusakirania kwookubha bhatana amasoro. ¹¹ Na abhakari nabho bhabhe bhasukwi bhatabhe abhitarya. Bhabhe no ukusuhu no okusuka kwaamang'ana goosigo. ¹² Abhashemasi kisingiiri bhabhe neabhateti bho omkari womwe, bhanagy kwimererera kisi abhana bhamumugye gwaho. ¹³ Kwokubha bharya bhano bhakuhokya kisi bharabhona omwi meerero muzomu n eekisubhe ekikurukwomiikiriryo yeno Kristo. ¹⁴ Nerakaama amang'ana geyo kwunewe nandiseega okuugya kurunawe esiku zyehaghuhi. ¹⁵ Kyego hamo ndakezera, ndakaama kubha omenye kyego okugendererya kunyumba ye Eriobha, rino ne erisengero rye Eriobha rino rikwiigwa, etimu no obhusakirya bhwe eheene. ¹⁶ Ne etakuhakaribhwa kubha heene obhukuru bhwe Eriobha; akarorekana kwumubhiri, kumwerekereryane Ekoro, akarorekana ne maraika, akararikwa ghati weesi, akikiriribhwa ne ebhwaaro akikiriribhwa na esi yoosigo, no okugegwa iguru yo kurabhibwa.