¹ Kwookubha obhutangi bhaagayo ndenda amasabhi, no obhusabhi, no bhusabhirwa, ne kukumirya bhukorwea na abhatu bhoosi. ² Kwookubha ye abhatemina bhoosi bhana bhari mwubhutemi kubha tunagye kwikara kwuobhuhoru obhuzomu no obhuhoreeru kwoobhurabhu bhoosi no obhusuuki. ³ Rino rizoomu ryookwikirirya kwo obhukangati bhwe Eriobha omusakiri wetu. ⁴ Ewe arenda kurohererya kubha abhaatu bhoosi bhasakiribhwe na bhamerye obhuheene. ⁵ Kwookubha rireho Eriobha rimwe aroho omgwatani wumwe gati ye Eriobha no omuutu neemwe Kristo Yeesu. ⁶ Akuruusya omweene nkyeeririhirye bhoosigo kwa Eriobha ga nyikirirwe. ⁷ Kwookubha yino anye omwene nkakorwa kubha omkumania wa amang'ana ge ekiina no omtumwa. Ndagamb obhuheene ntakubhehya enye niomwegye we abhaatu bhe ebhyaru kuumisango no obhuhene. ⁸ Kwookubha ndeenda abhasubhe ahaghiro hoosi bhasabha no kugega amabhoko amarabhu ganogatari no obhuobha no obhoti. ⁹ Egoego, ndeenda abhakari bibhohe ezingibho ziro ziri kusi, kwuokusuuka no kwirekya. Bhatabhe ezinzweri zino ziogosibhwe , ne esabhbabhbu, ne elulu, ne ezingibho zyaamariho amakuru. ¹⁰ Tee ndenda bhibhohe ezingiho zino zikwenderwa kuubhakari bhano bhakuikirirya obhukumya kwo kuhetera amatemyo amazomu. ¹¹ Omkayege kwoobhunyohu no okwikirirya bhoosi. ¹² Niangiri omkari kwegya, ne kubhona amanga iguru yo omusubhe nawe yikare kwo okukira okunyoohu. ¹³ Kwookubha Adamu akabhumbwa kwobhutangi, neho Eva. ¹⁴ Adamu atang'enirwe, nawe omkari, akang'eneerwa kuukusarya. ¹⁵ Kyego arasakiribha no okwibhurwa kubhwana bhaye, aragendeeri kwokurikirya no obhusegi no obhweru no obhungeeni obhuzomu.