¹ Bhano, amang'ana gabono na gaano gahitiri, muhiri atariho kugongerya kigiro kiyo kyosi kikaamwe kunemwe. ² Kwookubha emwe abhene mumenyiri kwa hene orusiku rwa Tatabhugya ruraaza kyo omwibhi wuno akuza obhutiku. ³ Hano baakubhuga ''niho ubhubihu'' buurabhizira kitukira ego. Nikyo obhusungu bhuno bhukwizura omukari weenda. Baatakubharwaku kweenzira yiyo yosi. ⁴ Nawe emwe, abhahiri mutari mukirima hata orusuku ruubhizire kyo omwibhi. ⁵ Kwookubha mwosi ni bhana bha kumweru no omwisi. Eetwe tuutari bhana bhoobhutiku bwe kiirima. ⁶ Bhano tutaahindira kyeego abhandi bhakuuhindira kwego tuutengeze. ⁷ Kwookubha abhaahindiri bharahindira obhutiku abhanywi bharagwatwa obhutiku. ⁸ Kwookubha etwe niabhana, bho omwisi tuibhohe engubha yoobhuhorera no obhusegi, ne engosira ye ekyoma, obhuhene no obhuturibhwa ne eribhaga rino riikuza. ⁹ Kwookubha Eriobha ritatusoriri abhemera kwo okutinda, kwookubha okubhona obhuturibha kwe enzira ye Taatabhugya Yeesu Kristo. ¹⁰ Ewe niwe yatukwereri, turabhe meso tuhindire, turikara haamwe nawe. ¹¹ Kwego, muibhisiriane muubhe hamwe, kyego bhoneego muukukora. ¹² Abhahiri turabhasabha mubhamenye abhahokya bhe mirimo ghati ghati wenyu na bhano bhaari iguru wenyu ku Taatabhugya na bhano bhakubhatongera. ¹³ Turabhasabha mubhamenye no okubhasuka kwoobhusegi kwe emirimo gyabhu mubhe no omwigwano ghati ghati wenyu emwe abhene. ¹⁴ Turabhatongera, abhahiri: tubharekye bhano bhatakugya ng'ora mubhahe ekoro bhano bhakyoriri inyuma, mubhasakirye abharosu, na mubhe bhahoreru kubhosi. ¹⁵ Murore atabhaho omutu wuyo wosi wuno akuriha obhubhihu kwo obhubhihu kumutu wuyo wosi. Nawe hinga mukore amazomu kubhatu bhosi. ¹⁶ Muzomererwe ezisiku zyosi. ¹⁷ Musabhe mutighe kumunya. ¹⁸ Mukunye Eriobha kughosi, kwookubha bhuyo niibwe obhusegi bwe Eriobha kunemwe kuhitira ku Yeesu Kristo. ¹⁹ Mutige kurinya ezikoro. ²⁰ Mutige kurega obhuroti. ²¹ Musakye amang'ana gosi. Mugwate rini riri erizomu. ²² Mutige amabhihu. ²³ Eriobha ryo obhuhoreru abhahikirirye kuubhweru. Ekoro, omutima no omubhiri bhibhikwe hanohatari no obhunyaka kuukuza kwaye Isabhugya wetu Yeesu Kristo. ²⁴ Ewe wun abhabhirikiri niomuhene, ewe niwe mwene kuhokya. ²⁵ Abhahiri, tusabhirane kweeki. ²⁶ Tubhakerye abhahiri bhosi kwo buusu yoobhware. ²⁷ Ndabhatongera kurina rya Taatabhugya ering'ana risomwe na abhahiri bhosi. ²⁸ Orubhango rwa Taatabhugya Yeesu Kristo ebhe hamwe nanemwe.