¹ Kwookubha, twaturiho tutakunagya okwigumirya bhukong'u, tukitengera kubha yari bhuzomu kusaga erya Athene abhene. ² Turamutumiri Timotheo, omuhiri wetu no omuhokya we Eriobha kumakerenio ga Kristo, kubhakong'ana no okubhabharanisha kumang'ana ga mahene gehene yetu. ³ Tukakora gano kwookubha atabhayo wowosi wo kuterera kurwera munyako yino kwookubha abhene mumenyiri kubha tuhwiri okusorwa kurino. ⁴ Kwehene, eribhaga rino twari nanemwe, tukakangata kubhabhurira, yo kubha twari haguhi kubhona enyako, na gayo gakabhoneka kyego mumenyiri. ⁵ Kung'ana yino, niari ntakunagya kuhorera kweki, nkatunia nimenye nibhone kumenya iguru we hene yenyu. Hamwe msakye yabhaanga kusuhu asakiibhwe, ne emirimo gyetu gikabha nibhuusa. ⁶ Nawe Timotheo, akza kunetwekurwera kwemwe no kukuretera amang'ana amazomu iguru yehene no usegi bhenyu. akatubhurira yokubha munago amahitukyo amazomu iguruwetu, no kubha murarohekya kuturora kyego tosi tukwisega okubharekya emwe. ⁷ Kwa gano omuhiri tukazomerwa bhukong'u na nemwe kwa amang'ana gehene yenyu, kunyako nakunyakibha kwetu kwosi. ⁸ Kwibhaga rino rikara mriza kwimererabhwahene Kutatabhgya, ⁹ bhono nikumo gihetumuhe Eriobha kwookubha yetu, kwo obhuzomu bhosi bhuno tunabhwe kubhukangati bhwe Eribha iguru wenyu? ¹⁰ Turasabha bhukong'u obhutiku no mwisi tunagye kurora obhusho bhenyu no kubherekererya kino kikusuha kuhene wenyu. ¹¹ Eriobha ryetu na Tata omwenekere, na Tatabhugya wetu Yeesu atwerekererye enzirz yetu tuhike kwemwe. ¹² Na Tatabhugya mwihongerereeno kukura mwosi wobhusegi, mrasegene no kubhaasega abhaatu bhoosi, kyego tukubhara emwe. ¹³ Akore bhuno okukung'a ezikoro zyenyu ebhe etana masoro ghati ghati wo bheru kubhukangati bhwe Eriobha ryetu na Tata wetu kwibhaga ryo bhuuzi bwa Tatabhugya Yeesu na bheru bhaye bhosigo.