¹ Kino kyarikiriho kwema obhutangiro-kino twingiiri, kinituruzi na ameso getu, kino turuzi, na na amabhoko getu gakigwatiri-gwatiri kuung'ana yo obhuhoru. ² No obhuhoru bhunu bhukakorwa no okwerekibwa mwasi, tubhuruzi kwerekenibhwa, kubhabhurura obhuhorubwe ekimera, bhuno bhwari Kutata bhukakora tukamenyekana. ³ Kino turuzi no kwigwa turabhakerenerya mwosi, kwokubha tugwatane tubhe hamwe twosigo, obhugwatani bwetu bwa hamwe no Tata no Mwana waye Yesu Kristo. ⁴ Turabhakamira amang'ana gayo emwe kwokubha ubhuzomerwa bhwetu bhuhike. ⁵ Amang'ana ghano ngo twigwiri turabhabhurira; Eryobha nioobhweru kirima kitarimu hata kusuhu. ⁶ Aribha turabhugha tugwateni-nawe turagenda muukirima turang'enererya tutakuhaya obhuhene. ⁷ Aribha turagenda kubhweru kyego obhweru bhuri tugwateni abhene-kubhene ku manyinga ga Yesu Kristo, omwana-waye aratwerya kureka mumabhihu gosi. ⁸ Turing'enererya abhene hamo turabhuga tutana mabhihu obhuhene bhutarimu. ⁹ Hamo turasabhe obhwabhirwa bhwa amabhihu getu, ene no muhene wokutwabhwira amahokya amabhihu getu no okutwerya amabhihu gosi. ¹⁰ Hamo turabhuge tutakukora amabhihu, turamukora ewe kubha mubhihu, neering'ana ryaye ritari kunetwe.