¹ Owumwe wenyu hano akubha ne enyako no omurikyaye, akasakya kugya mwisinziro ryo okutongerwa obhuhene hakirikoobhukangati bhwa abhasabhi? ² Mutamenyiri kubha abhusasami bharatusinzira muusi? Kwo okubha murasinzira eesi, mutakunagya kutania amang'ana gano agano obhurito? ³ Mutakumenya kubha murasinzira maraika? Kwa kitemoki, turatura kwamira amang'ana ge ekirarire kino? ⁴ Kwookubha turanagya okusinza amang'ana go kwikara, kwaki murasakya kuhira amasemo iguru wa bhano bhatakwimerera mwisengerero? ⁵ Ndahaya gano kwa ezisoni zyenyu, atariho omusuki gati wenyu wo kwisa kutura amang'ana kisi gati ya omuhiri no omuhiri. ⁶ Nawe kyego eri bhono, mwikirirya wumwe aragya mwisinziro kwo omwikirirya owundi, naamasemo gano garaturwa kumusinzi wuno atakwikirirya! ⁷ Obhuhene ni kubha gariho amasoro gatigati ya Abhakristo gano garetiri enyako kunemwe. Kwaki mutige okunyaka kumabhihu? Kwaki murikirirya okung'enwa? ⁸ Nawe mukoriri obhusarya no okung'ena abhandi, na bhayo ni bhana bhetu! ⁹ Mutamenyiri bhano bhatana eheene bhatakugabha obhukuru bhwe Eriobha? mutikirirya orurimi. Obhusimbe, kusengera bhigiro bhya kurorwa, bhatungiri, bharawiti, ¹⁰ abhibhi, bhomururu, abhanywi, abhatesya, abhokutuka-bhatari iguru wabhu wokughabha ubhukura bhe Eriobha. ¹¹ Na bhayo bhari hamwe bhabhu ni emwe. Nawe mumariri kusengerwa, mumariri kugibhwa, nawe mumariri kurusibhwa ku Eriobha, nawe kukorirwe ehene embere ye Eriobha gatigati we rina rya Taatabhugya Yeesu Kristo no kwe Ekoro rya Taatabhugya wetu. ¹² "Bhigiro bhyosi ni ebhyane", nawe bhitari bhyoosi no obhwera. "Ebhigiro bhyosi ni ebhyanie," Nawe ntakuhizwa ne ekimwe kya bhiyo. ¹³ "Ebhyakurya ni iguru we enda, na enda ni iguru we ebhyakurya," nawe Eriobha rirabhirusha bhyosi. Omubhiri gutatemirye iguru wo obhusimbe, omweya gwaye, omubhiri ni iguru wa Taatabhugya, ana Taatabhugya aragukorera omubhiri. ¹⁴ Eriobha rikamuoyora Taatabhugya na netwe kweki akaturyora kwa ezinguru zyaye. ¹⁵ Mutamenyiri kubha emibhiri gyenyu gigwateni na Kristo? Murakorabhwi murushe ebhirungo bhya Kristo na kubhigwatania no omusimbe? Etakunagika! ¹⁶ Mutamenyiri kubha wuno akugwatana no omusimbe abheri mubhiri gumwe nawe? kyego orukaamo rya kubhuga, "Abhabhiri bharabha mubhiri gumwe." ¹⁷ Nawe wuno akugwatana na Taatabhugya arabha no omutima gumwe na newe. ¹⁸ Mung'ose zinaa! "Obhubhi bhuno akukora omutu ni igutu wo omubhiri gwaye. Nawe zinaa omutu arakora obhubhi iguru ya omubhiri gwaye omwene. ¹⁹ Mutamenyiri kubha emibhiri gyenyu ni isengerero ryo Omutima omuhoreru, arikara mwosi wenyu, wuno akahanwa kureka ku Eriobha? Mutamenyiri kubha ni emwe abhene? ²⁰ Kubha tukagurwa kwa thamani. Kwego mumikumye Eriobha kwe emibhiri gyeenyu.