¹ Ego niigo omutu aratubhaana eture kya abhabhagati bha Kristo abhaheene bhe Eriobha. ² Kuurino, kiino kikwenderwa niokubha no obhuheene. ³ Nawe kuunenye ni kigiro kisuhu bhukong'u nkasinzirwa na neemwe kuubhatu. Kwookubha nkyaari kubha kuisinziro enye omwene. ⁴ Ntakuisinzira enye omwene, kweego etari kubha enye nineheene. Ne Taatabhugya rimenyiri. ⁵ Kweego, mutahaya erisinziro iguru wa riyo ryosi kwiibhaga, haano Eriobha rikyaari kuuza. Arareta obweru bwa amang'ana gaano gibhisiri mukirima no okumenya ezikoro zyenyu. Niho omutu akukumibhwa ne Eriobha. ⁶ Bhono, abhamura na abhasubhsti bhane, enye omwene Aporo nikoriri amang'ana gano kunemwe. Kwego okuhuruka kwwenyu muege ng'aana yo obhugambi, "Otaagye iguru yo okukaama." Kweego atariho wuuno akwizuma kukiira owundi. ⁷ Kwookubha ni wewi wuuno akurora obhubhihu bhwo owumwe wenyu? Niiki kino onakyo orakigege bhusa? Kwekii muriizuma nawe mutakoriri igo? ⁸ Munaabhyo bhino muarikwenda! Kwookubha mubheri no obhunibhi! Kwookubha muneebhigiro kutukira etwe! Heene, ndaabhendera obhuhene haamwe nemwe. ⁹ Kweego murabhuga Eriobha riiturir etwe abhabhagati kutuerekya bhobhutangiro kya abhatu bhano bhasinzirwe okuitwa. Tubheeri kye ekyereekyo kye ekyaaro kumaraika na abhatu. ¹⁰ Etwe niabhagege kwookubha ye Kristo, nawe emwe ni bhobhuheene bhwa Kristo Mbhanyoheru turi, nawe tunezinguru. ¹¹ Nawe etwe turabhazomera. Bhoonego tuneenzara ne enyoota, tutaana ngibho, tutana obwikari. ¹² Turakora emirimo kweezinguru, na amabhoko getu abheen. Haano mukutuuzeera, bharatuhana orubhango, haano bhakutunyakya, tuuriigumirirya. ¹³ Haano bhakututuuka, turakyora kwo obhuunyohu. Tukuriri, neego tuurabharwa kuubha turangwa ne ekyaro no obhubhihu bhwoosi. ¹⁴ Ntaakukaama amang'ana gaano kwookubhasuukya emwe nawe okubhaarekya emwe kya abhana bhaane bhano nsegiri. ¹⁵ Ingabha mnaabherekya ebhikwi ku Kristo mutana bhawuso bhaaru. Kwookubha mbheri wuso weenyu ku Yeesu Kriso. ¹⁶ Kweego ndabhabhurira muniegehu enye. ¹⁷ Kweego ndabhaatuma ku Timotheo, mseegwa waane omwana waane omung'eeni wa Taatabhugya. Arabhahiitya ezinzira zyaane ku Kristo, kyeego akabhegya ahagiiro hoosi mumasengerero. ¹⁸ Bhoono murikumya, bharakora kyamuna ntakuza kunemwe. ¹⁹ Nawe ndaaza kunemwe mweya gunu gukuza, hano Taata arenda. Niho nkumenya gatari mang'ana ga kwizoma, nawe ndarora ezinguru zyabhu. ²⁰ Kwookubha obhutemi bhwe Eriobha bhutari kuumang'ana bhuri kuzinguru. ²¹ Murendaki? Niize kunemwe ne ezihimbo niizi no obhuseegi niize ne ekoro yo obhunyohu?