¹ Hnano nikaaza kunemwe mura na abhasubhsti bhane, nitiziri kwa amang'ana gha obhutongeri na amisego kyego nirwaziri eheene yino ebhisirwe ye Eriobha. ² Nikaramura kutama kumenya kiyo kyosi hanoniabhakanga gati ya mubhayo nawe etari ku Yeesu Kristo, nawe wuno anyakibwe. ³ Niabhanga na nemwe mubhutobhu bwane, na gati yo obhwobha, no kurigita bhukong'u. ⁴ Na amang'ana gaane nookuruwaza kwane kutabhanga kumang'ana go kutongera na amisego. Kwibhaga ryaaye, gabhanga kukumwerekerya Ekoro na yezinguru, ⁵ embe kubha eheene yenyu etabha mumisego ga abhaatu, embe kwe ezinguru zye Eriobha. ⁶ Bhono turagakerenerya amisego gati wa abhatu abhagima, nawe gatari amisego gee kyaro kino, hamwe gaabhakangati bheeribhaga rino, bhano bhakuhita. ⁷ Kwibhaga ryaye turagekerenerya amisego gee Eriobha gati woobhuheene bhuuno bhwibhwisiri gano gee Eriobha akasora, kwibhaga runyuma rino omweru bhwetu wari bhukyari. ⁸ Ataro wuno woosi woobhukangati bhweribhaga rino yari amenyiri amisego gano, bhing'abheri bhari bhayimenyiri kwibhaga rirya bhatari bharamunyakya Taatabhugya woo bheeru. ⁹ Nawe kyeego ekamirwe, "Amang'ana gano ritaroho eriso rigaruzi, ho okutwi kuno kwigwiri amisego gaari gatisegiri, amang'ana na gano Eriobha kutebhya kuubharya bhano bhamusegiri ewe. ¹⁰ Gano niamangano gano Eriobha riga kundukwiri kuu netwe kuhitira Ekoro, kwookubha Ekoro erasungu rirya kire ekigero, na amang'ana ga mwoosi gee Eriobha. ¹¹ Kwookubha niwi amenyiri amisego goo mutu niekoro yoomuti mwosi waye? Ego hosi, ataroho wuno amenyiri mang'ana ga mwoosi wee Eriobha, nie koro yee Eriobha. ¹² Nawe tutagegeri ekoro ye ekyaro, nawe Ekoro yino ekurwa kuu Eriobha, kwookubha tunagye kumenya kubhutazurwa bhwa mang'ana gano tuhewe nee Eriobha. ¹³ Turabhuga mang'ana gano kuu mang'ana, amisego goomutu gatakunagya kwegya, nawe kuno Ekoro ekutwegya. Ekoro erakyosya amang'ana gaa mukoro kwa amisego gaa mukoro. ¹⁴ Omutu wuno atari wa mukoro atakunyora amang'ana gano nii ge Ekoro yee Eriobha, kwookubha gayo ni gaa bhweni. Hatakuza kugamenya kwookubha garamenyekana muukoro. ¹⁵ Kuu wurya wee koro arasinza amang'ana gosi. Nawe arasinzirwa naa abhandi. ¹⁶ "Niwewi wuno agunagya okugamenya amisego gaa Taatabhugya, ewe aranagya kwegya?" Nawe tunamisego gaa Kristo.