¹ Pauro, wuno yabhirikirwe na Kristo Yeesu kubha omubhagati kumega ge Eriobha, na Sosthene omuhiri wetu, ² mwisengero rya Eriobha rinho riri Korintho, kubharya bhano bhaturirwe amabhoko ku Yeesu Kristo, bhano bhabhirikirwe kubha abhatu abheru. Turakamiira bharya bhoosi bano bha kuribirikirira erina rya Tatabhugya wetu Yeesu Kristo gati wa ahagiro hoosi, Taatabhugya wabhu no owetu. ³ Orubhango no obhuhoreru bhubhe kunemwe kurwera ku Eriobha tata wetu na Taatabhugya wetu Yeesu Kristo. ⁴ Esiku zyosigo ndamukumia Eriob ha ryane kwokubha yenyu kumang'ana go orubhango rwe Eriobha runo Kristo Yeesy yabhahiri. ⁵ Abhakoriri kubha bhanibhi kwekira enzira, kukukerenia na hamwe namang'eni gosigo. ⁶ Abhakoriri bhanibhi bhanibhi, kyo omkwerekya gano Kristo yo kubha yerekirye kubhahene gati wenyu. ⁷ Ku riyo mtakusuhirwa obhunagya bwa mukoro, kyego mna enamba yookuganya obhukundukuro bwa Taatabhugya wetu Yeesu Kristo. ⁸ Arabhakongya emwe tee kubhutero, mtaaza kuririrwa orusiku rwa Taatabhugya wetu Yeesu Kristo. ⁹ Eriobha niryamaheene rino ryabhabhirikiri emwe gatigati kubhugwatani bhwo omwana waye, Yeesu Kristo Taatabhugya wetu. ¹⁰ Bono ndabhakumirirya bhamura na bhasubhati bhetu, kuhitira kurina rya Taatabhugya wetu Yeesu Kristo, kubha bhosigo mwikirirye, nookubha kubhaho no obwahukani gati wenyu. Nirabhakumirirya kubha mugwatane hamwe kung'ana yimwe na kwitegerero rimwe. ¹¹ Bhoono abhatu bha munyumba ya Kloe bhanibhuriri kubha bhureho obhutwanikani bhuno bhukugendererya gati wenyu. ¹² Amisego ghane gano: Kiro owumwe wenyu arabhuga, "Enye ni wo Pauro," hamwe "Enye ni wo Aporo," hamwe "Enye ni wo Kefa," hamwe "Enye ni wo Kristo". ¹³ Awe! Kristo atwanikeni? Awe! Pauro akanyakibhwa kumang'ana gemwe? Awe! mkasubwa kwerina rya Pauro? ¹⁴ Niramukumia Eriobha kubha nitamusubhiri wuyo wosi, eitari Krispo na Gayo. ¹⁵ Yino yabhanga kubha atareho wuyo wosi yangabhugiri twasubhirwe kwa erina ryane. ¹⁶ (Nawe nikabhasubha bhe enyumba ya Stephania. Iguru wa gayo, ntamenyiri aribha nikamusubha mutu wundi wuyowosi). ¹⁷ Kwo okubha, Kristo atanitumiri kusubha nikaza nikurwaza ekina. Atanitumiri kurwaza kwa amakerenio gamimisego gaabhatu, ni kwa amang'ana ga nguru yo omusarabha gwa Kristo etasuribwaho. ¹⁸ Kwookubha amang'ana go omusarabha ngabwene kubharya bhano bhakukwa. Nawe kubharya bhano Eriobha rikubhaturya ni ezinguru zye Eriobha. ¹⁹ Kwookubha ekamirwe, "Niragasarya amisego gaabhene okwisega. Ndasarya obhumenyi bwabhene bwongo." ²⁰ Ari hayi omutu mwene amisego?Ari hayi mwene obwegi? Ari hayi omurwazi omutongeri we kyaro kino? Awe, Eriobha ritagakyosirye amisego ge kyaro kino kubha bhughege? ²¹ Kwema ekiaro kibheri kumisego gaye etarimenyiri Eriobha, ekarizomera Eriobha kubhugege bwabhu bwo okurwaza okuturya bhano bhikirirye. ²² Kubhayahudi bharabhurya ziishar ne emiujiza Kubhayunani otakurushaho amisego. ²³ Nawe turamurwazira Kristo wuno yanyakibwe, wuno ari omubhi kubhayahudi na niobhugege ku bhayunani. ²⁴ Nawe kubharya bhano bhakabhirikirirwa ne Eriobha, Bhayahudi na Bhayunani, turamusengera Kristo kye ezinguiru na amisego ge Eriobha. ²⁵ Kwookubha obhugege bwe Eriobha bhuna amisego kukira bwa abhatu, no obhutobhu bwe Eriobha ona amanaga bhukong'u na amisego ge Eriobha. ²⁶ Rorerera obhubhirikiri bwe Eriobha iguru yenyu, abhamura no abhasubhsti bhetu. Bhatari bharu bhenyu mwabhaga na amisego ku bye ekitu. Mtari bharu bhenyu mwabhanga na amanaga. Bhatari bharu bhenyu mukiburwa muri mubhukuru. ²⁷ Nawe Eriobha rikasora ebhigiro ebhigege bye ekyaro kwo kwenda okubhisukya byene misego. Eriobha rikasora kino kirikitobhu mukyaro kukisukya kyene managa. ²⁸ Eriobha rikasora kirya kino kiri na amang'ana ge kiyasi na kinokizerirwe mukyaro. Akasora ne ebhigiro bhino bhitabharirwe kubha bhigiro, kwookubhikora bhitari bhigiro bigiro bhino bhwera. ²⁹ Akabhikora bhino na ataza kubhaho wuyo woasi ana ekitamiriryo kyo okwihema kubhukangati bwe aye. ³⁰ Kwu kirya Eriobha ryakoriri, bhono murimo mwosi wa Kristo Yeesu, wuno yakoriri amisego kwookubha yetu kurwa ku Eriobha. Yabhanga ehene yetu obweru no obhuturya. ³¹ Kya amagendereryo, kyego amakamo ghakukerenia, "Wuno akwikumia, yikumie mwise wa Tatabhugya."