¹ Bhalahika mnkiro ye nyaza, bhalahika mushyalo shye bha Gerasi. ² Bhangu ikanza Yesu akutikila kupuna mulyato muntu we masinga aliza wamwe akupuna musizira. ³ Muntu oyo alatura musizira ataluho oyo alamukemezya ataliho nolo mikufu. ⁴ Alibhubhohwe sikuninki ku mpingu ne mikufu alazikata zyanane ataliho oyo alinemagara gekumukinda. ⁵ Bwile ni zyobha alimusizira ne mumisozi alalila ne kwisandaga ne mabhale mogi. ⁶ Aho amubhona Yesu kuhale alilukila wamwe ne kuhungama wamwe. ⁷ Alalila hilaka lye higurya wekwenda kubhegezye bhinda mwene Mungu we higurwa muno? Nekukuhana mwa Mungu utakankoya." ⁸ Oko waliwamubhilile punaho obhe mwizo mubhi gwe mako." ⁹ Nawe alamubhuzya izina lyako ulinde nawe alasubya izina lyane ndi Legion, kungoko tulibhinki." ¹⁰ Alamuromba kandi ne kandi atakabhafila hale ne bhikaro. ¹¹ Kandi lwaliho idare idazi lye ngurubhe lyali likudima munsi ye musozi, ¹² bhalalamilizya bhala yomba tutule mukati ye ngurubhe tuzye mukati yazye." ¹³ Oti alazumya masinga mabhi galamupunaho ngalingali mungulubhe nabhe bhalapuna munsiye mugara mpaka hanzanza ne ngurubhe, bhihumbi bhibhili ziratobhe zyonane munyanza. ¹⁴ Nabho bhadimanga ngurubhe bhaliluka kufura mpora mushyaro ne mkaya zyabho bhalapuna bhalinge olyo igambo. ¹⁵ Ngaho bhaliza mwa Yesu bhamulinga muntu oyo aline masinga oyo alinidale ikikele hansi iyambikwa nawe alinema sala gamwe bhalatina. ¹⁶ Nabhe abhobhalabhona kumuntu oyo aline rusalo lye masinga bhalabhabhila oshyo silapuna hawamwe nehe ngurubhe. ¹⁷ Bhalandya kumulamilizya apuneho mushyabho. ¹⁸ Nawe ahoingila mubhwato muntu oyo alamwihaho masinga alamulamilizya azyenage. ¹⁹ Alamukemezya alamubhwila nuzye winu ne kubhantu bhako ne ubhabhile mukama anhelezya Rubhango." ²⁰ Nawe alazya alandwa kuromela magambo makuru ago Yesu amubhegezya wanwe bhantu bhona ne Dekapoli, bharakamala ²¹ Nikanza kandi Yesu aho akakila nkunkilo yindi mkati ye lwato, bhantu bhinki bhali kuminga bhala mupiruma hankilo ye nyanza. ²² Nawe yumwi mkuru wisengelo izina lyamwe Yairo, aliza, aho amubhona alagwa mumagulu gamwe. ²³ Alamubembelezya munone, munone, ne kuyomba, "Muharakazi wane mudo ekwagelela kufwa. Nekukubembelezya wize umutulile mabhoko lugulu yamwe hamwi ekapandika bhuhanga." ²⁴ Nawe alazya nage ne bhantu bhinki bhala murondezya, nabhe bhala mukoya bhakumupilima. ²⁵ Aliho mukima oyo upunanga magazi myaka ikumi ni bhili. ²⁶ Alibhukeye muno mubhafumu bhinki alatumile nsabho ninki notine atalazyumya kushyona shyona nawe nge alabha ne halimbii. ²⁷ Alimvwa mpora zye mwa Yesu. Nawe aliza mugongo gwamwe aho atumbagiranga alamukumishya mwenda gwamwe. ²⁸ Kungoko aliganika mumvizo gwamwe, nkakumishga tuhu mwenda gwamwe nkubha muhanga." ²⁹ Aho akumishya kupuna magazi kuloya, nawe alimvwa mumwizo gwamwe oti asira kupuna mubhukoye bhwamwe. ³⁰ Bhwangu Yesu alimvwa oti nguvu zya puna mulugondo, nawe alapiruka- piruka mubhantu bhinki alabhuzya, "Nende akumya mwenda gwane?" ³¹ Obho wekubho bhantu bhinki namuneya wekubhuzya nende akukumishya?" ³² Nawe Yesu alalinga eno neno kulinga oyo ayema na muneyo. ³³ Mkima yumwi alamania eshyo shyapuna kawamwe alobhaha ne kuzuguma aliza ne kugwa bhutonzi yamwe ne kuyomba nhana yona. ³⁴ Alayomba wamwe, "Mwanike, nhana yako yakubhezya ubhe muhanga. Nuzye usizibhe kupuna mubhulwele bhwako." ³⁵ Aho akulomela, bhaliza madazi kupuna mubhatingelwa bhe muma saliliro, bhalayomba, "Mwanike wako iyafwa hakusi wekwendelea kumukoya murangishya?" ³⁶ Nahe Yesu aho imvwa eshyo bhe kuromela, alamubhwi mulangishya we mwisaliliro uzumye tuhu obwe utakatina. ³⁷ Atalabhazumilizya bhandi kuzya nage, alasola Petro, Yakobo, ne Yohana ne mdugu wamwe Yakobo. ³⁸ Bhalazya mkaya we mutongezi we mwisalililo nawe alabho iyombo ne kulila kwinki kwe naku. ³⁹ Aho ingila mukaya alabhabhila hakusi imwa sunduhala ne kulila mwana ashyalikufwa nawe iyalindira." ⁴⁰ Bhalamuseka, nawe alabhapunia bhona helu, alamuleka ishye we, mwana ne nina wamwe nabho abho aliza nabho nawe alingira mukati imwo ali mwanaa. ⁴¹ Alasola kubhoko kwe mwana nawe alayomba, "Mwanike halamuka." ⁴² Bhwangu mwanike alaharamka ne kutumbagila kunguno aline myaka ikumi ni bhili nabhe, bhalakumya muno kumukumyo mkuru. ⁴³ Alabha hama hiraka lye bhulambe ne kubhabhila ataliho oyo ekasobhoka kumania bhusobhoke ne bhudara obhwa. Nawe alabhabhwila mumahe silabhwa oyo mwanike alye.