¹ Kandi alandya kulanga mpelomelo ye nyanza. Na mwibilingo mdazi kulislembia balamwibilingila alingila mgati ye mbwato munyaza na alikalisha. Mwimbilo ngwana bali mpelo ye nyanza hachobo. ² Ne kubalanga magambo miki hasingemelo ne kuyomba kwambo, ha kubalanga. ³ Nemwive, muhambi alazya kuhamba. ⁴ Ahayabanga, yekuhamba zindi mbuto zilangwa munzila ne noni ziliza kuzilaya. ⁵ Mbuto zindi zilangwa itale aho kali ngaliho matoto miki. Nazyo zilandiya kwoma nguno gambaga ngaliho matoto miki, nazyo zitandaya kwoma. ⁶ Izyomba lilandaya kupuna ziloma, na hanguno zibanga zitaline mizi ziloma. ⁷ Mbuto zindi zilangwila hakati ye mingwa, mingwa kalandya kuzitula hale ati zililashindwa kutula misumo. ⁸ Mbutu zilangwa aho bango ho matoto masonga na zilandya kuzyala misumo inkaza zilakula, zilakwila mno zindi zila mbuta makumi asatu zindi lukanga (60) nezindi ingana". ⁹ Na alayomba oyo wematwi ngekwiva nave ove!" ¹⁰ Yesu yambanga winene ambo mbangaho hihi awe na ambo ikumi ne babili balamubuzya hasingemelo. ¹¹ Alayombo kwambo winu mulahebwa bwibiso bwe butemi bwe mwa Mungu. Aliyambo bali helu bulisikolo ne singemelo, ¹² ambo bekubona ngambo bekubona kandi batekubona naho oti ambo bekwiva ngambo baliva kandi ambo bate kwelelwa ngambo bekupiluka piluka ne Mungu yekambalekeziye.'' ¹³ Na alayomba wambo mtekuma niya? Singemelo esha mukunduza tayani kwelewa bingemelo bidi? ¹⁴ Mhambi alahamba muhayo. ¹⁵ Bandi ngambo balangwa habelo ye nzila aho mhayo kulakambwa na hahobalama kwiva ngaho oyo mubi. Alinza ne kusolo mhayo ongwano kulatulwa mgati yambo. ¹⁶ Ne bandi ngambo balahabwa luungulu yitale ambo bekwiva muhayo bwangu bekungwanukula mhayo hakusima. ¹⁷ Aba ngambo batali ne mizi mgati yambo haba nge be kwiyo melezya inkaza inguhi aho lwangalalone kumbulwa, vilamala kwizya ingulya ye mhayo ngaho bwangu bala sumba numa. ¹⁸ Ne bandi ngamba balahabwa mumingwa na aho bomvi muhayo, ¹⁹ kandi biyangalo bye musi bubehe bwe sambo ne kwikuva mangambo gandi kalababingila ne kundoya muhayo na lilasinda kuvyala misumo. ²⁰ Kandi baliho ambano balahabwa mumatoto masonga bekwivu mkayo ne kungwa nuka ne kuzyala misumo bandi makumia asatu ne lukanga ne bandi ingana." ²¹ Yesu alabambwila, Ne tyani akuletanga tala mgati ye numba nekuitula hasi ye sikapu nolo hansi ye bulili? Tuiletanga ne kuitula halungulu ye meza. ²² Aho sitaliho situshonashona shembwibise eshyo silaleke kumanika, na butaliho bwibise bulaleke kutulwa habwelu. ²³ Alo aliho we matwi ngengwa naingwe!" ²⁴ Alambabwila mulabe ne kwitegele, esho mwekwiva kandi ndengo eyomwe kulenga ngeyo mlakalengelwa uakongezi mbwa wenu. ²⁵ Kanda oyo alinasho alakanukula singi, nayo alinasho, kuva wamwe bila solwe nembyo alinambiyo. ²⁶ Alayomba, "Butemi bwi mwa Mungu bulikolanizibwa ne mutu alabiyala mbuto mumatoto. ²⁷ Alangona mbwire ne kuhalamu ka mulambo, ne mbuto zilapuna ne kukula hao atekuna niya okwano zilafuma. ²⁸ Nsi hupuniya aye kwandya, manasi uandezya oho mawa, kandi mbuto zye mbukomile. ²⁹ Ne ikaza mbuto ilayaha aho one alawala muholo habwekumba mwenzo ngwahikile." ³⁰ Alayomba, "Twikolanizye butemi bwe mwa Mungu ne situ shi ne tutumamile singemelo shi kulomelela?. ³¹ Kati mbuto ye haradali aho ilihambwa yali midomido miro kuchila mbuto zyona munsi. ³² Haho mwikaza ilahambwa, ilakula ne kumba midazi yekusila mimelo yona ye mungunda, vekutulula matabazi madazi, neno zye lungulu ziye kuduzya kutulamo omwa mupeho yangwe." ³³ Ha singemelo singi alilanga na alayomba muhayo kwambo omwo balahisha kwelewa, ³⁴ na atayomba nabo atalekanga kutula singemelo, kandi mwikaza yabanza wenene alabambwila buli situ bahemba bamwe. ³⁵ Nemulusiku olwo makaza galahika ge kangolo buhika alayomba nabo, "Tuzye lubahi lwe nkambili". ³⁶ Haho balanguleka mwibilingo balamusola Yesu, makazo ngo ahone yali mgati ye bwato mata ngandi galihamo nawe. ³⁷ Ne muyanga kwekuliba ne magozi ngambaga ngekwingila mkati ye mato na mato ngwali bwonkole. ³⁸ Yesu mwenekili yali ahasi ye mbwato alibungone hamuno na bamubusha balayomba mwengesha otekungola ifye tukuta?" ³⁹ Nawe alahalamuka ne kuhema muyanga na alaibwila nyanza ililembele, mpola, luyanga ulalembela na halaba ne kulembela aliyomba nambo nyanza ilembele muyanga ngulazima, na habango ho mbalebele bundazi. ⁴⁰ Nawe alayomba kwambo, "Hasi mwekwombaha? ⁴¹ Imwe matali kuzumya musayali?" Balo kozimbwa bwauba nigati yambo na balayomba ambo hawabo oya nede kandi kwa kandi ne muyanga na nyanza vye kumtina?''.