¹ Yesu ahalimbatanga kupuna imwasaliro, umwi we baheba bawe alilambuzya mwengesha linga mabale angano shekukumia ne numba!" ² Alamubila, wekubona numba ezya danzi? Haliho hano ibale limo lilakikalho lungulu, lwelindi elyo litalakarigwisi bwa hasi." ³ Nawe alibwikalishe lungulu lwe musozi ngwe mizeituni numa ye isalirilo, Petro, Yakobo ne Andrea balamubuzya bwisereke, ⁴ "Tumbwile anga magambo gakubaho layali neside sima nikizo she mangambo angano galambeho?" ⁵ Yesu alianza kubambwila nemwekale mbubutengelezya, ote mtu yundi alakiza kubabeha. ⁶ Biki bekweza hizina lyewane bekuyomba one nge na bakubabeha binki. ⁷ Olomuluve busozi ne buteti bwe busozi, mtekombahe magambo angano galakiza kandi muhelo ngushali. ⁸ Litanga likubuka kundi ni ihanga lindi ne buwami ne bwami alabeho ne nyamutikima, mahanga mahanga ne nzala ombwa ne bubandizo bwe busungu. ⁹ Ne mube miso. Bekubafila mumabaza na mkuhulwa mkati ye masariliro. Mkwimilizimbwa mbutozi lwe batangezi ne bami kulwa one kati bum. ¹⁰ Kandi injili ilomelwe kwandiya ha mahanga ngona. ¹¹ Aho balabakwate ne kubachafula mutekobahe, esho mulayombe mugati ye inkaza elyo kuhelezibwa shekuyomba mtalabe imwe ambo mukulomela, ako mwizo mwera. ¹² Mdungu ala musitake mdungu kufa, na ishe ne mwana bamwe, bana bakwimila lubahi lundi lwe ishe wabo ne kubaletelezya kwihangwa. ¹³ Bakubangaya batu, ne buli mutu halwa izina lyane. ¹⁴ Aho mwabhwona isintu shye mbhubhi similila hantu husoga aho site kwendela kwimilila (wekusoma nawe amanie), Nahe abho bhalimugati mwa Yuda bhilukile ha musoni, ¹⁵ nayo alilugulu mulusenge atakatikila hansi ye numba nolo kusola shyonashyo eshye silihelu, ¹⁶ nawe oyo alimwilale ataka subha kusola mwenda zyamwe. ¹⁷ Mwasagwa bhakima abho mulindane mwekwonsa mwezyo nsiku ezyo! ¹⁸ Murombe litakabha ikanza lye mpeho. ¹⁹ Kulabhe kwagalazibhwa kudazi, ago gashyali kwigela kuvwa mubhwelelo mpaka saha eya, kandi gatalakigela kandi. ²⁰ Aho mukama alakasila kungoko bhalabheho bhebhusolelwe alakapunguzya nsiku. ²¹ Kwikanza elyo muntu wonawona alakabhabhila linga Kristo alyaka ninga alyaho mutakazumya. ²² Nahe bha Kristo bhe bhubhehi ne bhahami bhe bhubhehi bhalakigera, nabhe bhalakapunia makumyo minki nabho bhabhabhehagule nolo bhalengeke. ²³ Mubhe minso! Namazile kubhabhila gona kwelya itungo. ²⁴ Nahe olo gashyali maguna gizyo nge nsiku ezyo izyobho lilatulwe lizima kwezi kulabhe ne nsuso ye magazi, ²⁵ nsoda zilakalagala kupuna lugulu ne magara ga mwilunde galatingine. ²⁶ Ngaho bhalaka mubhona mwene Adamu akwiza ne nguzu nkulu ye Bhwami. ²⁷ Alakatuma malaika bhamwe nawe akabhasubya hamwi kupuna ngabho nne zye nnsi kupuna kuluvumba lye n'nsi ne lye ilunde. ²⁸ Kumuti gwe bhusumo mwilanzye , nkati itambi aho likutulanga bhwangu mahunda gahe ngaho mulamanie oko shyanda shya hika. ²⁹ Aho mulabhone ago ge kwigera, mumanie oti ndihihine muzigo. ³⁰ Nhana ne kubhabhwila sizyele eshya sitalahite mpaka gona gigele. ³¹ Irunde ne nsi zilakahita nahe igamba lyane litalakahita nhana. ³² Nahe kurusiku olwo ni kanza elwo ataliho oyo ekumania nolo malika bhe mwilunde nolo mwana nahe mukama tuhu nge Emania. ³³ Muharamuke kungoko mulemania ne lusiku si ninga nikanza na bhasi galakigela ago. ³⁴ Muzye kusoga oko galayombilye kale ninkati muntu oyo ekuzya lugendo. ³⁵ Nuhe mwikale minso kungoko mutekumania mwenekili numba aho ala subhile mukaya yamwe ekasubha kagoro ninga bhwile hakati, ninga mwikesi aho ikungulume lye kuhila. ³⁶ Olo aliza bhwangu atakasanga ulibhugone. ³⁷ Eshyo neyomba wako nekuyomba hamuntu wana wana mukeyure"!