¹ Nawe Yesu alanzya kulangisya hakugemela. Alayomba, "Mntu alahamba ilarale lye mzabibu, alapilimya lugutu, alasimba lina lyekubhegezya, bhusele, alazenga numba alatulamo bhikazi mwirale lye mizabibu habhalimi bhe mizabibu, nawe alazya hale. ² Itungo ahalilahika alamlagila mwimilizi we bhalimi bhe mizabibu kwanukula kupuna hawabho sisu mo sye irare lye mzabibu. ³ Notine bharamkwala, bharamhula ne kumbhinga netyesyo syona atharinasyo. ⁴ Alatuma wabho mwimilizi undi bha mnegezya, mtwe nekumbhegezya mihayo zye nsoni. ⁵ Kandi alamtuma undi, noya umwi bhalamwihaga, bhalabhege zya ne bhinki mihayo kati ezyo zyekubhula ne bhandi kubhiha ga. ⁶ Ali asyali ne mtu umwi kumtuma, mwana msimwa, nawe aliwehampelo alamtuma wabho, alayomba, bhakumkuzya oko mwanawane". ⁷ Nahe bhikazi bhalibwila abhe hya bhe, oya nge mkunguzi, mwize, nahe, twimwihaga, ne bhunguzi bhu kubha bwe witu." ⁸ Bhakamwibhonela ne kumwiga ne kutaga helu yi rale lye mizabibu. ⁹ Nawe mwenekili wirale lya mizabibu? Akwiza ne kubhihaga, bhatumami bhe mizabibu, ne kulitula irale lye mizabibu mbhandi. ¹⁰ Msyali kusoma syandikwa esya ibhale elyo bhalalikema bhazegi lyabha ibhale lye hampelo. ¹¹ Nalye lilapuna hamkama, nalye nelye kumazya haminso gitu." ¹² Bhamkobha bhamkwate Yesu, nabhe bharabhobhaha bwinki bwebhantu nabhe bhalamania oti ayomba ne kugemekezya hagati yabho. Notine bhalamteka nekuzya zyabho. ¹³ Kandi bhalabhatuma bhamwi bhabho bhe mafarisayo ne bhatumami bhe mwaherodia oti bhamgemezye hamihayo. ¹⁴ Aho bharahika bhalambwila, "Mlangisya, twekumama oti obhe utakukalalangwa bhuyanguzi nolo kuvunilila habhantu. Nekulanzya nzila ye Mungu habhusoga, ne hana kuliha luhambo mwa Kaisari ninga byo oti twenkadula kuliha ninga byo? ¹⁵ Nawe Yesu amanianga bhugailizya bwabho alabhabwila, hasi mwekungemeza, nempe eyohela nyilinge.'' ¹⁶ Alalela umwi wabho hali Yesu, Alabhabwila, "Ne nsuso ye mwande nebhandike obwo buliho ne mwande? Bhalayomba Kaisari." ¹⁷ Yesu alabhabwila, "Mmhe Kaisari bhikolo byamwe ne Mungu bhikolo byamwe, Mungu." Bharakankala. ¹⁸ Kandi masadukayo abhobhayomba bhutaliho bhuzyokolozi. Bhalambhuzya bhakuyomba, ¹⁹ "Mlangisya, Musa alalwandikila oti mdugu we mntu olo alafwa nekuleka mkima numa yamwe, nawe atalareka, mwana, mntu oyo alamswela mkima oyo ne wemdugu wamwe akwipandikila bhana hamdugu wamwe,' ²⁰ Bhaliho bhadugu msamvu, we bhutonzi alaswela mkima nawe alafua atalaleka bhana. ²¹ Kandi we kabhili alamswelana we, alafua, atalaleka bhana. Ne otine. ²² Newe msamvu alafua nolo kuleka bhana byo. Mwisho gwahe nawe oyo mkima alafua. ²³ Itungo lye bhuzyokolozi, alakabha mkazi wemwa nde? ²⁴ Yesu alabhabwila, "Eya yenkabha nguno ye kubhahabha, hanguno mlekumya malangisyo ningangusu zye mwa Mungu?" ²⁵ Itungu lye kuzyoka kupuna mbhafwile, bhatalakaswela, bhalakabha tye malaika mwilunde. ²⁶ Oti habhafwile abho bhalakazyo lwa, oti mtalasoma sitabho sye Musa, hampola zye Isaka omwo Mungu ne kubhabwila, 'One ndi Mungu we mwa Ibrahimu, ne Mungu we mwa Isaka, ne Mungu we mwa Yakobo?' ²⁷ Awe atali Mungu webha fwile awene Mungu we bhahanga neha na mwalogweme." ²⁸ Umwi we bhandiki aliza ne kwimvua kalomelele kabho; alabhona oli Yesu abhasubya kusoga, alambhuzya, "Nilagilosi isoga kukila gandi gona?" ²⁹ Yesu alasubya, "Elyo ni soga, "Wimvue Israeli mkama Mungu witu, Mkama ne umwi. ³⁰ Ngoti umsime Mungu wako hamwi zo gwako gwona ne bhugondo bwako bwona, ne masala gako gona ne nguzu zyako zyona.' ³¹ Ilagilo lye kabhili, umsime mzenganwa wako katityo wekwisimila mwenekili.' Litaliho ilagilo ikulu lindi kukila elyone." ³² Bhandiki bhalayomba, "Nehana mlangisha! Wayomba nhana, oti Mungu ne yumwi, ataliho undi kumkila awe. ³³ Kumsima awe hamwizo gwako gwona ne bhunizya bhona, nenguzu zyako, nekumsima mzenganwa wako katityoko wekwisimila mwenekili, nekusoga muno, kukila kupunia sitambo sye kukanya." ³⁴ Itungu Yesu aho alabhona apunia kasubizye kemasala, "Obhe uta lihale ne Bwami bwe Mungu.'' Aha amalaga ago ataliho nolo yumwi oyo alagemezya kumbhuzya Yesu mihayo tyezyozyona. ³⁵ Ne Yesu alasubha itungo elyo na lanzyanga mkelezia nekuyomba bhandishi bhayomba oti Kristu ne mwana we mwa Daudi? ³⁶ Daudi mwekili hamwizo mwela, alayomba, mkama, alayomba mkama wane, wikalisye hakubhoko kwane kwe lulyo mpakambhatule bwikubhi, bhane hansi ge magulu gako.' ³⁷ Daudi mwenekili alanga Kristu, 'Mkama' Otinemwawemwa Daudi hangunosi?' Ne mwibhingo gulamdegeleka, habhutogwa. ³⁸ Hamalangisyo gamwie Yesu alayomba, "Mwiyangalile ne bhandiki, abho bhekusima kuyunga ne nkanzo ndele, ne kukezi bwa mwigorilo. ³⁹ Ne kwikalisya hamatenje ge, bhakulu, mmasinagogi ne hasikukulu habhupande bwe bhakulu. ⁴⁰ Kandi bhekulya numba ye mfulwa nekulomba kwabho kule lee, bhantu bhabhabhone, abhabhantu bhalakanukula kukanilizya kukulu." ⁴¹ Kandi Yesu alikalisya hansi hihi ne isanduko lye kutulila hela mgati ye kelezia alinge abho bhantu bhekutulahela zyabho mgati ye isanduko. Bhantu bhinki bhasabi bhalatula hela ninki. ⁴² Kandi mkima alabhuka webhufulilwe mgosha mhabhi aliza nekulu tupingili tubhili msoga bwazo kati sente. ⁴³ Kandi alabhalanga bhahemba bhamwe kubhabwila, "Mzumye nabhabwila oya mkima webhufwilwe mgosya atunla ninki kukiila bhona, abho bhatu la mwisaduko lye sadaka. ⁴⁴ Bhona bhapunia kwinganisha ne bhwinki bwe kupandika kwabho oya mkima we bhufwilwe, apunia habhuhabhi bwamwe atulahela yona eyo alikwenda kuitu mamila hamakoye gamwe.''