¹ Mtandikilo ye npora nsoga ye mwa Yesu Kristo, Mwana we mwa Mungu. ² Omo ilandikwa ne mhami Isaya, "Linga, nekumtanzya mntuwane bhutonzi yako, yumwi alabhezye nzira yako. ³ Ilaka lye mntu oyo ekulanga mwikungu, "Muimaligizye nziraye Mkama; mzigolole nzira zyamwe". ⁴ Yohana aliza kubhatizya mwikungune kulomera bhubhatizo bhwe kuhungama mabhi gona. ⁵ Nsii yona ye Yudea ne bhantu bhona bhe Yerusalemu bhalazya wamwe bhali bhakubhatizwa nage omo mumwiga gwe Yordani, bhalahungama mabhi gona. ⁶ Yohana aliambene mwendagwe mazoza ge ngamia ne mkanda gwe rudini msibhunu syamwe alianganzinge ne bhosi bhwemulikungu. ⁷ Alalomera nekuyomba, "Aliho yumwi ekwiza numa yane we nguvu ninki kukila one ntaline bhudura bhwe kugongomara hanzi ne kubhoho rora rugozi luye vilato vyane. ⁸ One ndabhahatizya haminzi, otineawe ekubhatizya imwe hamwizo mwera." ⁹ Alabhapunira hansiku ezyo Yesu aliza kuvyua Nazareti ye Galilaya, alabhatizibhwa ne Yohana mumwiga gwe Yordani. ¹⁰ Oti Yesu alimilila kuvyua muminzi alabho na ihinde likugabhanika hepe na mwizo kukutikila hansi higuria yake nkundia. ¹¹ Silaka silapuna mwirunde, "Obhe ne mwana wane mwana wane msimwa nakusimile mno.'' ¹² Aho mwizo kamwi mwizo guramuhatikizya kuzya mwikungu. ¹³ Aliyomwikungu nsiku makumiane akugemezibhwa ne Shetani. Aliyo awe ne ndimu nzye mwikungu, ne malaika bhamutuma milanga. ¹⁴ Aho Yohana alakwatwa, Yesu aliza GAlilaya akuyomba mihayo ye mwa Mungu, ¹⁵ alayomba, "Itungo lyahika mwamiwe mwa Mungu. Engerera muhungame ne kuzumya npora nsoga." ¹⁶ Ahitanga lubhahi we vyanza ye Galilaya, alamubhona Simoni ne Andrea mdugu wemwa Simoni bhakutaga mitego zyabho mnyanza, okobhali bhategi. ¹⁷ Yesu alabhabhwira, "Mwize mfyuate, nkubhagema, bhategi bhebhantu." ¹⁸ Mara kamwi bharareka mitego ne kumlondezya. ¹⁹ Itungo Yesu alatumbagira bhuhale bhudo, alamubhona Yakobo mwana wemwa Zebedayo ne Yohana nduguye; bhali habhwato bhakutehezya mitego. ²⁰ Bhalalangwa nabhe bhalamreka bhabha wabho Zebedayo mgati ye bhwato bhatumami, bharamfyuata. ²¹ Aho bhahika Kaperinaumu, lusiku lwe Sabato, Yesu alingira mwisinagogi ne kulanzya. ²² Bharakamara, kulanzya kwamwe abhanga akulanzya kati mntu oyo aline bhuduzya naitali kati mwandisi. ²³ Itungo elyone aliho mntu omo mwi sinagogi lyabho aline mwizo mubhwi alahula lyombo, ²⁴ alayomba, "Tulinesi syekugoma nobhe, Yesu we Nazareti? Wiza kutusisya? Nekumanyia uliende ndo bhe nemutungilizya we mwa Mungu!'' ²⁵ Yesu alabhinga masambhwa ne kuyomba, "Hulika uvyueho mugati yane!" ²⁶ Ne mwizo mubhi alamgwisya hansi ala vyuaho hawamwe itungo alalila hasi raka syehigulia. ²⁷ Ne bhantu bhona bharakamara, oti bhalandya kubhuzya yumwi, " Esyane si? Ilanzyo ihyahya lye bhuduya? Naweekuduzya masambhwa mabhi gamudegeleke!" ²⁸ Ne mihayo yamwe ilasambara hona mgati ye mkoa gwona gwe Galilaya. ²⁹ Ne kamwi otine kuvyua helu isinagogi, bhalingira munumba ye mwa Simoni ne Andrea bhali ne Yakobo ne Yohana. ³⁰ Ninabhukwe we mwa Simoni aliagone mlwele wehoma, yumwi alamubhwila Yesu mihayo yamwe. ³¹ Aliza alamukwata kobhoho alamubhusya higulia, homa ilavyuamo wamwe, alaomdya kubhatumamira. ³² Kogoro eyone itungo inzyobha lyamazile kutubhira, bharamuletela bhona bhalwele bhemasambhwa. ³³ Kaya yonabhalisumbya hamwi hamzigo. ³⁴ Alabhasizya bhinki abho bhali bhalwele bhe malwele hareharene kupunia masambhwa minki, alakema masabhwa kulomera okobharamumania. ³⁵ Alabhuka mrabho kale itungo lisyali giti, alabhuka ne kuzya lubhahi lwe bhwi bhiso alalomba eyone. ³⁶ Simoni ne bhisyamwe bhala mukobha. ³⁷ Bharamupandika nekumubhwira, "Kila yumwi ekukukobha." ³⁸ Alabhabhwira, "Tuzye rubhahi rundi helu kaya ezyo kaya zyebhupilime, kulomera okondiza eyone." ³⁹ Alazya akuhita Galilaya yoha akulomera mumasinagogi gabho kukemera masabhwa. ⁴⁰ We mbizi yumwi aliza wamwe. Aliakumuramya alasukamba vivyi ne kugomba kumubhwira, ''Olowelenda kungema bhe musoga." ⁴¹ Alasindikwa ne bhwira Yesu alago lola kubhoko kwamwe ne kumukumia alayomba, "Nekwenda. Ubhe msoga." ⁴² Lukangara lumwi mbizi zilamuvyuaho alabhezibhwa kubha msoga. ⁴³ Yesu alamukama habhukambine kumubhwira azye kamwi, ⁴⁴ Alamubhwira, "Witegerezye utakayomba igambo tyelyolyona uzyewiyolekezye hamgabhilizya upunyie sitamba sye kubhozya esyo Musa alalagizya bhukanilizya wabho." ⁴⁵ Ati alazya nekwandya kumubhwira yumwi yumwi kukumusya mno Yesu ataradura. Kandi kwingira mlikaya habhuteka oti alikara hanpero habhwibhiso ne bhantu bhaliza kupuma hanpero.