¹ Aha alasubhia Kaperinaumu hansiku ezya ndo, bhialimvua oti ali kaya. ² Bhantu bhinki bhalisozya liho gutarigela nolo mwanya kandi, nolo aho hamzigo, ne Yesu alayomba mhayo hawabho. ³ Kandi bhalasubhia bhiantu hawamwie abhiobharamleta mntu oyo alazingeme; bhantu bhane bhali bhambhusizye. ⁴ Itungo elyo bharasindwa kumwegerela hakubha bhantu ne bhinki bhiarasambulaho lugulu aho yali. Naho bharadula idurulu bhatikizya bhulili aho ali mntu we bhiuzingame yali yagonile. ⁵ Aha alabho kuzumya kwabho, Yesu alambwila oyo mntu we bhuzingame mwana wane mabhi gako gabhelwa bwila." ⁶ Nahe bhandiki bhabho aho bhabhikalisye ne kwiganika mmizo zyabho, ⁷ "Aladula zyoni mntu olya kuyomba oti? Ekubhihya! Nende ekadu zya kumbhela bwila mabhi olo Mungu yinene tuhu?" ⁸ Kandi Yesu alamamia mmwizo gwamwe abho bharasola bhakwinika hagati yabho bhenekili. Akabhabwila, "Hasi mwekwiganika oti mmizo zinu? ⁹ Lilihi ipupe mno kuyomba hamntu webhuzingame, mabhi gako gabherabwila ninga kuyomba, imelila sola silaliwa syako utumbagele?' ¹⁰ Nahe bhanie oti mwana wemwa Adamu alinebhudula bwekubherabwila mabhi ge bwerelo, alambhula oyo we bhuzingame, ¹¹ "Nakubwila obhe bhukasola silago syako uzyekaya." ¹² Alimilila nsa yimwi alasola silago syamwe nawe alazya heluye numba, bhutonzi bwe bhantu bhona bharakumya nekumka Mungu ikuzyo nekuyomba, tusyali kubhona mhayo kati ogwa." ¹³ Alazya kandi hampelo ne nyanza, nebwinki bwebhantu bhaliza wamwe ne kubharanzya. ¹⁴ Aho yahitanga alabhona Lawi we Alfayo ikalishye lubhahi lweku sumbizya ikoti, alambwila, "Nfwate." Alimilila ne kumlondezya. ¹⁵ Ni itungu Yesu aho yalyanga mnumba ye mwa Lawi, bhabhilingo ikoti bhingi ne bhantu bhema bhi bhalyanga ne Yesu ne bhahemba bhamwe, hakubha bhali bhinki abho bharamfuata. ¹⁶ Itungo lye bhiandiki abho bhali bhafalisayo aho bharabhone oti Yesu alyanga ne bhantu bhema bhi nekubhilingo ikoti, bhalambwila bhahemba bhamwe, bharambwila, hasi wekulya ne bhantu bhe mabhi nebhasumbija ikoti. ¹⁷ Itungu Yesu alimvua alabhabwila, "Bhantu abhobhahanga bhatekwe nda mlaguzi; nebhantu obho bhalwele bhinene nge bhekwenda mlaguzi ntaliza bhantu bhatungilizya, nahe bhantu bhabhihya." ¹⁸ Bhahemba bhe mwa Yohana ne Bhemafarisayo bhali bhakudila bhutamo. Na bhantu bhaliza hawamwe ne kumbwila, "Hasi bhahemba bhe mwa Yohana ne bhafalisayo abhe bhadila bhutamo, nahe bhahemba bhako bhatekudila bhulamo? ¹⁹ Yesu alabhabwila abho bhalali kwe, hamwenga bhekadula tyani kudila bhutamo, itngo mswela bwenga aliho nifue? Tyoyowone olo mswezi we bwenga olo asya liho hamwi nifue itekudulika kudila bhutamo." ²⁰ Notine nsiku zyekwiza mswela bhwenga alakapunibwaho hawabho nensiku ezyone nge bhaladile bhutamo. ²¹ Ataliho mntu oyo ekasumasilaka sihyahya lugulu lwe mwenda mlaula, nolo otine silaka esyo ne silalagale kupuna hasilaala nahe likuzyaho idurulu idazi. ²² Ataliho mntu oyo ehtula bhusele bhuhya lya mnzoga ndala. vyenkanogaho vilabeleka vyona vibhili bhusele ne nzoga vyona vilabhula. Nahe atule bhusele bhuhya hya mnzoga nhyahya." ²³ Halu siku lwe Sabhato Yesu alahila mmalare ne bhahemba bhamwe, bharanzya kusola mangara ge ngano. ²⁴ Ne bhefalisayo bhalambwila, "Linga, oko bhekubhezya sintu esyo sitali mkwiyimvua kwitu mmalagilo gitu lusiku lwe Sabato?" ²⁵ Alabhabwile, "Mtalasoma esyo alabhezya Daudi ahoyali ne bhukobhi ne bhutamo-- awe ne bhantu abho yali nabho? ²⁶ Kaliomo alazya mnumba ye mwa Mungu mwitungo Abiathari ahoyaliho mgabhili zya mkulu ne kulya mikate ogwo gulatulwa bhutonzi--aha alaleka malagilo ge mntu tyoyo wona kulya hata lyaho mgabhilizya--nahe alabha ne bhanda abho yalinabho?" ²⁷ Yesu alayomba, "Sabhato ilabhe zibwa habhantu, itali bhantu ha Sabato. ²⁸ Notine Mwana we mwa Adamu ne Mkama, we Sabato."