¹ Gwiki omonto omorabhu akaronyokya omoro ghono ghwalenge ne amanshe hobhohoru amanshe bhobhohoru amanshe ghayo ghale gharabhile kukutubhaniya ibhirauri. Ghare kulwa mikitumbe ikya obhokoro ubhwa Waryobha nikya omona waye. ² Kohetela ghate kumighi gwiki kila mbaleka yaye gwale ghomere omote ghobhohoru ghono ghokoibhora shehago gheina ikomi na kabhele gwiki ghora ibhora kila omweli amato gho mote ghuyo gharahwenia abhaikyaro. ³ Enkagha hiyo entane amaihimo ikitumbe kyobhokoro, ikya Waryobha na ikya omona wa ling'ondi kyakabhe ku mughi ghuyo na abhatomwe bhaye bakamotomekele. ⁴ Bhaka momanye mu bhusyo bhwaye na ilina lyaye lyakabhe mbele mu bhuyo ubhwabho. ⁵ Ku mughi ghuyo ghota na ubhutiko wala tighukutuna omobhaso. Kokobha omonene Waryobha nkobharare kegoro yabho. ⁶ Omonto omorabhu ankantebhwa amang'ana ghano mahene nobhohene . Omonene Waryobha uwanshe nkoro isya abharoti atomile abharabhu bhaye. Kubhaorokya abhatomwa bhye keno kyakabhe. ⁷ "Maha! Nkushande bwango! ono akaokola ghano ghandekilwe mono ona ekong'ore. ⁸ Nooni, Yohana, nighule nokomaha hano nighule nokomaha, naghoye hanse mbele mo maghoro gha omonto omorabhu kosengerya omonto omorabhu akanyorokya amang'ana ghano. ⁹ Akantebhya, "Wange kokola igho naoni nomotomwa mwilikyaro to hamwe na bhahiri bhabo abharoti bhano bhakoghakora agharikarwa leno. Sengera Waryobha!" ¹⁰ Akanteebya, "Akaniya nange koghatoma omohori amang'ana ghomo ekamaro eno gwiki enkaga elenge hang'i. ¹¹ Ono akokola amaghogho aghendeli kokola ajmaghogho omonyanku aghendeli kobha omonyaku, ono akokola amaiha amarabhu aghendeli kokora amarabhu." ¹² "Maha! Ndasha ubwangho nu umutuho ghwane kohana kela omwe ko keno yakoree. ¹³ Noni omotangi na noni uwa mwisho. ¹⁴ Bhana ekeng'ore bhano bhakoghya ghingibho gwiki bhanyore kolya ko mote ughya obhohoreru na mwakasohe ku mughi kohetela mumulyango . ¹⁵ Kebhara hiyo ghaho amasese abhaturutumbi, bhano bhakosabha amasambwa, na ono ahanshile kughamba obholongo. ¹⁶ Noni, Yeesu, motomile omonto omorabhu wane kobhatebya amang'ana ghano ko makanisa noni umuri ughya ororybhoro ulwa Daudi enyenyonyi ya nyinkyo eno ekobhara" ¹⁷ Enkoro ehoreru no omwenga araghamba, "Mushe! na ono akuighwa aghambe, "Mushe!" wowonse akutuna amanshe ashe, na wowonse ahanshire, anyore amanshe agho obhohoru. ¹⁸ Ndakotebhya mahene kila monto ono akwikerya obhoroti ubhwa amang'ore ghano onoyakaongeri ghayo Waryobha yakamwongeli amatemo ghano ghang'orewe mo keng'ore keno. ¹⁹ Gwiki hano omonto yakarusye amang'ana ghamang'ore ghano ghalenge mo obhoroti bhono Waryobha yakamurusye endengo yaye obhohoru ku mughi omohoreru ghono amang'ana ghaye ghang'orwe monse. ²⁰ Ono akomaha amang'ana araghamba, "mahene! Ndarasha bwango." Naebhe igho! Ushe, Omonene Yeesu! ²¹ Omorembe ughyo Omokama Yeesu ghobhe na aabhanto bhonse. Naebhe igho.