1 Wiki nkamaha risaaro rihiya naikyaro ekehiya. Koobhora ikyaro ikya mbere na risaaro iryambere bhya mara koheta namyansha tiyareho gwiki he. 2 Naroshe umughi omohoreru omohiya gwa Yerusalemu ghono gwishire haanse kukurwa mwisaro ighoro wa Waryobha ghono wanyore ghokoonire kya umwenga komoghaka waaye. 3 Naighure engamba enene eno yarure kukitumbe kya obhokama eraghamba, "maaha rimenya rya Waryobha riihiyo hamwe rere naabhanto wonswe naramanye nabho. Mbarabhe abhanto bhaye, na Waryobha umwene narabhe nabho na naarabhe Waryobha wabho. 4 Narieya urwisori rwonswe kukurwa ko maiso ghabho na ruku terorebhaho gwiki he. Uruku, hande kukura hande ukunyaharaka, amang'ana gha kare ghonswe ghahoye, ghahetire 5 Oora yaikaye kukitumbe kya obhokama ya ghambire, "maaha! ndakora amang'ana ghonswe kobha amahya." Araghamba, "Wandeka amang'ana ghano kobhora garenge amahiku amaheene." 6 Yantebheri amang'ana ghano gha mara koheta oni Alfa na omega mbere na nyuma ono wonswe akomaha inyonta ndamohane ikyauku nywa bhosa kukurwa koobhesekani bhya maansha gobhohoru. 7 Ono arekera narerya umwando gwa mang'ana ghano nendabhe Waryobha waye wonswe narabhe omona wane. 8 Kasi bhano abhobha, bhata ghukumya, bhakoreerya abhaiti abhasorare abhaturutumbi bhano bhaghokora ibhituubho na abharongo bhonswe ahase habho harebha Munyansha ya omooro ugwikibhiriti gono gokorongorya. Ndo uruku rwa kabhere. 9 Omwe wa bhamaraika muhungate yaishire kooni omwe yaare na amabhakori muhungate ghano ghaishoye ebhetemo muhungate bhya muhiko wiki yashumashire. Nsho hano nkworoki umwenga omokari wa omona waring'ondi. 10 Gwiki akangegha kuya hare kumwika kunguku enene entambe wiki akanyorokya umughi omohoreeeru, Yerusalemu, eraika kusha hanse kukurwa ighoro kwisaro wa Waryobha. 11 12 13 Yerusalemu yaare noobhokama bhwa Waryobha ubhuya bhwako mbware kyarighena ryatibhwera kya rimahero rirabhu. Gware na urughito oronene, orotambe rono rware na ebhesaku ikomi na bhibhere, hamwe na bhamaraika ikomi na bhabhere kobhesaku. Ighoro ya ebhesaku bhabhandereyiko amarini ghaabhanto bhibyaro ikomi na bhibhere agha bhana bha Israeli. Orobhereka rwa roghoro ndware na ebhesaku bhitato orobhareka rwasome ebhesaku bhitato orobhareka rwa urobhareka rwa gose esaku bhitato, na urobhareka rwa nyansha esaku bhitato. 14 15 Shindighito shumughi share ni mitimo ikomi na ebhere na ighoro yako gare ko amarina ikomi na abhere agha abhatomwa ikomi na bhahere abha omonene wa riing'ondi. Omwe ono yashumshire na oni yare na obhotambe bwa ingibho eno yakorweye esahabho eno yare okore ng'anerya umugi, na ebhesaku na shingito shoko. 16 Umughi ngwarenganibwi mbara shonswe obhotambe na obhoghana mbwareng'aini yarengeri umughi kokorengerya obhotambe bhwa ingimbo bhuya amatamboka 12,000 koobhotambe (obhotambe bwako obhoghare kuya ighoro mbitubhaini). 17 Bhorabhora yarengeri obhonene bhurughito mbware dhiraa 144 kokerenge kya ebherengeryo bhya abhanto.(Mbyo bhyare ebherengeryo bhyabhamaraika). 18 Urughito ndwaghahashirwe ku yaspi na mughi gwa Esahabhu endabhu eno enga ikyowa ekerabhu. 19 Imitimo gya urughito ngyang'orwa ko maghena gha ubwera kirabemo iriambere ndyare yaspi iryakabhere ndyare yakuti samawati irya katato kalkedon, irya kane zumaridi. 20 Irya katano sardoniki, irya kasansabha akiki irya muhungate krisolitho, irya monene zambala jani iryakenda zamba la jani irya ikomi krisopraso, irya ikomi na kamwe hiakintho, irya ikomi na kabhere amethisto. 21 Ebhesaku ikomi na bhibhere lulu ikomi naibhere kera kesaku nkyakorwe kukurwa kururu emwe. Ebhetongoji uya umugi bhyonswe mbyare na esahabu inshiya yamahekaini kikiowa ekerabhu. 22 Tenaroshe isengeero ryonswe igho mumughi ghuyo he koobhora omonene Waryobha, ono akotonga ighoro ya byonswe na omona wa ring'ondi na irisengeero ryaye. 23 Umughi tigwatunire omobhaso kasi umweri okomereka ighoro yako kobhora obhoka mabwa Waryobha mbwa merekire igho naekemore kyako noomona wa ring'ondi. 24 Ibhyaro mberaghende noobhorabhu bwa umughi ghuyo. Abhakama bya mukyaro mbarereta ubhwame bwabho mumughi muyo. 25 Ebhesaku byako tibhirisikwa mobhaso he wiki bhutiko tebherebhaho he. 26 Mbarereta ubwame na esooko ya bhiaro mumughi ghuyo. 27 Gwiki kento kinyanku tekeresoha mumughi monto wonswe tarekoramo mang'ana gha nooni he hata bhorongo kosohamo, kasi nkoobhaarea amarina ghabho ghabhandeeribwa koobhetabho bhya omoona w ring'ondi.