¹ Nkamara nkamaha ithienyi erarwa munyansha, yare na amathera ikomi na emetwe muhungathe komathera ghaye ghare na imithuho ikomi, na komothwe ughwaye ghware na amang'ana ghano sariaa Waryobha. ² Ithienyi iyo naroshe kya engwe maghoro aghako ghare kya agha dubu na umunywa ugwaye ghware kya ugwa endwe. Inshoka ira ikaghehana ishinguru, na kukithumbe ikyako ikya obhokama, na obhokama ubhwa shinguru bhokong'u agha obhothangathi. ³ Omothwe ugwa ithienyi emwe ghwake komahekana ghana oroghoma oronene rono rokanghire ekwe. Kubhuyo, oroghoma urwako rokahwena, na ikyaro kyonshwe kekathongara na kurwa nyuma ithienyi. ⁴ Na hayo bhaka sasama inshoka, kobhora ya haywe ishinguru na ithienyi era. Bhakasasama ithienyi yonswe na bhaka ghenderia koghamba, "Nang'we kya ithienyi? na arathore kwithana nawe?" ⁵ Ithienyi ekahanwa umunywa kori eghambe amang'ana agha ukwiraha naamathoki. Yaikeribhwi okobha nobhothangathi kuumieri merongo enne na ibhere. ⁶ Koigho ithienyi yanayoye umunywa ughwaye naukushumasha amathoki ko Waryobha, akathoka irina iryaye, haraa yaree amenyire na kobharaa bhamenyire kuryobha. ⁷ Ithienyi yahaywe ubhwera ubhwa ukwithana na abhakumya no okobhakera. Honswe yahaywe ubhera ighoro yakera ekeghmbo, abhantho, ebheghambo na ibhiaro. ⁸ Bhonswe bhano bhamenyire kobhiaro mbara mosasama, kera montho ono irina iriaye rethare rerandekwa, kukurwa kokobhombwa ukwa ikiaro kokethabho ikya obhohoru, keno kerenge ikya omona uwa iring'ondi, ono yaghoghirwe. ⁹ Erabhe igha oreonswe ono ana amathwe, nighwe. Erabhe ighaa omonene wenyu anahirwe, nakobhonahi naorai. ¹⁰ Erabhe ighaa omwe kobhenyu aithire naibhioghe, koibhioghe naraithwe. Ghono no omobhere kero ughwa obho horeru na obhoghomeria na ubhukumya kobhara bharenge abhahoreru. ¹¹ Gwiki nkamaha ithienyi iyende erasha kurwera kokebhara yaree namathera abhere kya agha ring'ondi na ekhashumansha kya inshoka. ¹² Ekorokia ishinguru shonswe igho ko ithienyi era ekembere kokobha ho, ukwaye, na okobha kwaye kukiaro na bhara bhemenyire mukiaro bharasasama ithienyi eraa iyambere, erra orroghoma urwaye rwahwenire. ¹³ Akakora ebheronghoro ebhenene kuhika akakora omooro ghokaika kukiarro kukurwa kuuryobha kombere iya abhantho, ¹⁴ na kuibhiorokeryo yahaywe ubhwera okokra, akabhang'aina bhayo bhamenyire mukiaro, kokobhathebhia bhaikore ethethondo ko esoko iya ithienyi iyo eno yanyorwe enyaharwe ko ibhionge, na ekaghenderia komenya. ¹⁵ Yahaywe ubhwera ubhwa ukurusia umwika ko ekethondo kera ikya ithienyi korii kishumashe no koghirya bhara bhonswe bhano bhonswe bhangire kosasama ithienyi bhaithwe. ¹⁶ Honswe akahamaria keramonto, ono athana bhwera nabhene shinguru, umwame no omothobhu, ono arenge omobhe na ono atharenge omobhohe, ukunyora orobhaso kokobhoko okoryo hatha kombotho. ¹⁷ Theyare kwikeribhwa he ko keramontho okoghorya hatha okoghora okoha ono ano orobhaso urwa ithienyi na eno ne embaro eno ikwimerera irina iryaye. ¹⁸ Eno erathuna obhohabhu, erabhe ora onswe ana obhomanyi, muthighe athora ghokora obhohari ubhwa ishinamba ishia ithienyi. Kokobha na ishinamba ishia omontho ishinamba iyaye ne 666.