¹ Efraimu owilisha emiyaga no okulubha emiyaga ja mashariki. Omwene chwee kongesha oluilimi na obhusakusi. Akalole indagano na Ashuru no okugega amafuta ga Misri. ² Omukama ona ana amasolo Ingulu ya Yuda na kamgonya Yakobo kwago akolele, kamlia kujbhikola bhyaye. ³ Kwa munda Yakobo kagwala omwili wae lisisinyo, na kubhununu bhwaye akomesishe Kunyamuwanga. ⁴ Asindene na Malaika nasinga. Alilile no okusabhwa kuchigongo chaye. Abhonene na Nyamuwanga eyo Bethel, eyo Nyamuwanga alomelenage. ⁵ Unu niwe omukama, Nyamuwanga wa abhasilikale, "Yahweli" nilyo lisina lyaye. ⁶ Mbeshi libhata Kunyamuwanga wao. Gwata obhulengelesi no obhwiyaganyulilo bhwa indagano, na umulinde Nyamuwanga wao chwee. ⁷ Abhakosibhe bhyasala bhana indege yo olulimi mumabhoko gebhwe abhenda okujiga. ⁸ Efraim naika ati kuchimali anye nili munibhi muno. Nibwene obhunibhi mumutima gwani mumilimu jani jone bhatakulola munyamuke bhonabhona munda yani, chonachona echo echibha echibhibhi. ⁹ Anye nanye Omukama, Nyamuwanga wao, kwambile aowasokole munsi ya Misiri. Enikukola wikae lindi mwihema, lwa jinale jo obhugenyi ejo jitewewo. ¹⁰ Nabhwiliye abhalagi, na nimbayana obhwiganilisha bhamfu kulwemwee ku kubhoko kwa abhalagi nasosishe ebhijejekanyo. ¹¹ Bhukabha bhuliyo obhunyamuka eyo Gileadi, chimli abhanu bhataile Gilgal kachinja jingla Jihalutare jebhwe zili lwo muundo gwa libhui kwitae lya mwibhwi. ¹² Yakobo nabhilima kulanga musi ya Aram, Israel abhakola emilimu omugasu ona alebhe lisijo lya jinama abhone omugasi. ¹³ Omukama nabhaleta Israel ousoka misiri kwo okulabhila kumlagi, ona nabhabhika kumlagi. ¹⁴ Efraimu amubhilishishe muno omukama. Mbeshi Omukama waye kaisiga amamfunga gaye, ona kamsubhisha jinswaro jae.