¹ " Akatungu Israeli aligaali misigaji namwendele na nimumilikila mwana wani kusoka Misri. ² Kutyo abhilikilwaga nikoasokaga kwnye. Nibhabhakolela echitambo Baali, nibhaiga omuchumulilo kuisusano. ³ Nawe anye niwe nimwiigilishs Efraimu okuibhati. Mwe nimemshishe kwa ebhigwato bhyebhwe, nawe bhatakamenya ati enibhenda. ⁴ Nabhaongezishe kungoye ja bhumuni, na ge elyenda, Anye naligha nili omunu oyo akeele ijozi ingulu ya ebhisaya bhyebhwe, na nininama no okubhalisha. ⁵ Angu, bhatakubha insi ya Misri? Angu,Ashuru bhatakutunga ingulu yebhwe kulwokubha abhalema okusubha kwanye. ⁶ Lipanga eligwa ingulu ye emisi jebwe no okunyamula amakomeo ge emilyango jebhwe, ubhasingalisha kulwo obhunganilisha bhwebhwe abhemekili. ⁷ Abhanu bhani bhalamula okusinga. Noloatu abhabhilika kuyo ali ingulu, atalio munu wo kubhasalala. ⁸ enitula kutiki okukusiga Efraimu? Enitula kutiki okukusila, Israel? Emitula kutila okukukola lwa Adma? Enitula kutiki okukukola lwa Seboimu? Omoyo ghwani ghuindukile munda yani, e chigogo chani chona cheyongesishe. ⁹ Nitakulola esungu lani elulu, Anye nitakubhasingalisha Efraim lindi kulwokubha angeni Nyamuwanga tali munu. Anye ni mule ngelesi agati yemwe, anye nitajile mwisungu. ¹⁰ Abhanyiga, omukama.Enirunduma lwa intare. Anye enalama, na amani bhani abhaja nibhayalala okusoka magharibhi. ¹¹ Abhaja nibhayalala lwa Indege okusoka misri, lwa Inyonyi okusoka nsi ya Ashuru. Enibhakola bhabhone okwikala munyumba jebwe." Inu niyo Inyaika yo Omukama. ¹² Efraimu kanyisingula kumisingo jo olulimi, na Inyumba ya Israeli kubhunyigi. Nawe yuda achagendelela kwanye, Nyamuwanga, na ni mulengelesi kwanye omulengelesi.