¹ Yenya isiku likwinza, ikwanha inzuluhozya . we bhondi ibhamaruli nebakunanganya gahayibha mahoso isiku likwinza ahayibhapemba,"alonga umwene ubhalugu isiku ilyo ahayefwa amazi mulwina. ² Ilelo kukwinyu mwemukwogopa itawa lyani ilya nalwoli lihayibha zelufwa na kupona na mapiho gakwe. muhayidomadama igati ngwata mushijili. ³ Na bhabhibhi bhondi muhayibhahanya pasi. gahayibha malota pasi panyayo izya vinama vyinyu isiku ilyo ihayibhomba alonga utata. ⁴ Mukumbushe kutiniha kupinya umuputi wani umusa, indijizya zyenamulajizizye ukwa Karebu, kwa Israeli bhondi. ⁵ Yenya ingumusondelezya Eliya mukuwi kwilongolela kwisiku imbiti ni yakwogofwa ingwinza kwa tata. ⁶ Ahayiduzya umwoyo uwa yise kwamwana kwayise wabho. kuti mtahahinza inhayibha goga pasi kwakubhananganya bhondi.